معروض عليا جولييت كاملة مو 99 تقريبا ما مشيتش ( 3,000 كم فقط ) مرفوعة من ساعتها بس كلها بارومة مطلوب فيها 30 ألف عشان العيب ده
تستاهل ولا لأ وحصرف على البارومة قد إيه
ياريت سرعة الرد والنصيحة , وجزاكم الله خيرا
عرض للطباعة
معروض عليا جولييت كاملة مو 99 تقريبا ما مشيتش ( 3,000 كم فقط ) مرفوعة من ساعتها بس كلها بارومة مطلوب فيها 30 ألف عشان العيب ده
تستاهل ولا لأ وحصرف على البارومة قد إيه
ياريت سرعة الرد والنصيحة , وجزاكم الله خيرا
بص من رايي المتواضع ان العربيه بدام سرحت فيها البارومه بشكل كبير يبقي عمرها ماتتلم فا من
رايي تصرف نظر عنها وتشوف واحده بيتي خصوصا ان العربيه عامله كليو متر قليل اووي علي سنه
صنعها وديه حاجه مقلقاني بصراحه مافيش حد يشتري عربيه ويمشي بيها 3000 كيلو متر بس
إنت حتسمكر كتييير..
وده متوقف على البارومه وصلت لفين بالظبط..
وخلي بالك العربيه المركون فتره كبيره كده مش بتكون محبذه قوي..
لأن ممكن تكون أثرت على كل الجوانات ...والسيور الكاوتش..و العفشه بالتاتي وسيور الموتور..
هل الحاجات دي نشفت ولا لأ..
والله أعلم..
المثل بيقول: بلاش نيجى عند راس القرد و نشمها
عربية مرفوعة 11 سنة... اكيد كل حاجة فيها باظت
MMamdouh
عاوز تجيب من الآخر روح عند التوكيل ( التوكيل التوكيل مش ميكانيكى عادى ) و خليه يكشف عليها و ادفع رسم كشف كامل عليها
تانى حاجة روح عند سمكرى نظيف اوى حيقول ليك بعد مايرفعها و لازم يرفعها علشان الحكم يبقى نهائى
و بعد رأى الإثنين دول تقدر تأخدها بعد ما يقولوا ليك ايه العطلان و ايه الشغال و كمان بعد ما تسأل تكلفة السمكرى كام
و الرش و كمان ممكن تسأل و انت فى التوكيل عن الدوكو و السمكرة و تكلفتهم
بعد كل ده حتشوف لو هى حتكلفك كمان 5 الاف الى 7 الاف فوق تمنها و متزدوش لأنك طبعا مش حتخليها معاك فترة طويلة طبعا
علشان لما تبيع تجيب تمن حلو و ماتخسرش جامد
يإما تريح دماغك خالص و تدور على حاجة تانية ده يتوقف على مزاجك انت
و يا ريت تصلى إستخارة علشان كل شىء بأمر الله سبحانه و تعالى لو فيها خير ربنا حيسهل كل شىء
و ابقى تابعنا و قول عملت ايه
هههههههههههههه
فيه واحد في اسكندرية يرجعلك العداد علي حسب ما تحب ب 20 جنيه بس..... يعني اشك في حكاية 3000 كم دي
و بعدين كفاية وقفة السمكري و بتاع الدوكو....و اخيرا هي كانت مرفوعة ده كله ازاي مكنتش بترخص دي ولا ايه؟؟؟؟؟؟؟؟؟؟؟؟
هناك شيئ غامض خلف هذه السيارة ورجاء ابعد عنها
بص انا هتكلم معاك بالمنطق
اولا على الكلام الى بتقوله تبقى روعه هتصرف ايه 3او4 الاف جنيه سمكره ودوكو يبقى فل بس العربيات بتبقى معالجه ضد البرومه والصداء طبعا 3000كم مش معقول اتعرضت لظروف تعمل فيها كده ثانيا فعلا هيقابلك خبايا كتير زى بطاريه كاوتش عفشه جكمان وحاجات كتير ممكن تصرفلك فيها كمان 5او6 الاف جنيه هتلاقى المحصله فى الاخر انك دفعت ثمن عربيه ماشيه
طبعا حالتها اكيد هتفرق عن الى بتتكلم عليها لان العربيه دى لو مرفوعه الوقت ده ومرفوعه صح يبقى طظ فى 100 عربيه ماشيه هتبقى زيرو بس للاسف لو اترفعت صح ماكنش بقى ده حالها امسك العصايا من النص ووديها التوكيل وعرفهم انك هتعمل الشغل عندهم هيدولك كل الى فيها وزياده شويه عشان يطمئن قلبك والخساره القريبه مكسب بعيد يعنى كشف التوكيل لو اتكلف 100هيبقى انت الكسبان وفيه مثل بيقول ماتسيبش عيشك ناقص اكشف عليها يمكن تطلع حلوه وتبقى انت الكسبان برضه
بلاش ياباشا
حضرتك حتشترى عشان تركب مش عشان تصلح وتبيع
العربية دى يشتريها تاجر يشدها ويبعها
نصيحة بلاش اركب عربية سليمة تريح وتستريح