عرض للطباعة
سلاموا عليكم يا جماعه لو سمحتم عندى إستفسار مهم أنا معايا سيراتو وكيل ورقة الجمارك اللى على الزجاج الأمامى لما شيلتها سايبه مكانها اللزق ومش راضى يتشال بأى حاجه جربت بنزبن وجاز وأسيتون حد عنده حل لموضوع شيل اللزق من على الزجاج الأمامى برجاء الرد لأنه مضايقنى جدا...ولكم جزيل الشكر
ههههههههههههههه ولا يهمك يا باشا حتروح لوحدها بعد كام مسحة - ولو مستعجل عليها هات موس وبراحة قوي قوي شيلها - بس نا افضل انك تسيبها وتمسحها كل يومين تلاتة - دة مكان الصمغ بتاع التيكيت - وحينشف ويروح لوحدة - متقلقششششششششششششش
ابسط حاجة عارف سلك تنظيف الاوانى "سلك المواعين"
مع قليل من الماء فيه صابون سائل والتحريك فى شكل دائرى
بخفة .... هتختفى على طول ... اى خدعة .. :Oc_sun1[1]:
عارف ياباشا المناديل بتاعة تنضيف التابلوه
هو في كذا ماركه بس اللي انا مجربها اسمها ماكس تاتش وفي منها حاجات كتير بتاع التابلوه الكيس لونه اسود وموجود في معظم السوبر ماركت انا جبته من المحمل ومن مترو
المهم
اضغط بالمنديل جامد على البواقي دي السائل اللي في المنديل بيدوب أي حاجه
يعي كانك بتعصر المنديل عشان تاخد الماده اللي عليه
انا كنت مشتري العربيه ملزوق على التابلوه بتاعها ابانوس كان شكله وحش جدا فشلته وطبعا كان تحته بواقى صمغ برضو مشالهاش الا المناديل دي وكان في على الازاز بادج متحمص من الشمس وبرضو راح بنفس الطريقه
روش عليها مية بخاخة بتاعة المكواة وسيبها دقيقة وبعد كدة بموس او كتر افضل رايح جاى عليها بلسن بس براحة
أنا سبتها طلعت لوحدها على فكره
نصيحه متسبهاش وحاول تطلعها بسرعه
أنا سبتها فى البيكانتو فتره وبعدين شيلتها
بقالى 4 شهور مش عارف أشيل الأثر واللزق اللى سايباه