كنت هموت أمبارح علي الدائري

**Eng.Geo** · 15-12-2010 03:12 PM

امبارح كنت علي الدائري الساعة 9:30 تقريبا
في الحتة ما بين مسطرد وبهتيم
عند بنزينة أسمها TAQA تقريبا .. بنزينة جديدة بس مش تأكد من الاسم
ماشي علي الشمال
بالمناسبة ... انا جبت عربية تانية من حوالي أسبوع :)
كنت سايقها ( الخلاط )
هيونداي أكسيل 97
كنت حوالي 100
قدامي نقل بمقطورة وشايل مواسير كتير ... تقريبا كدة بتاعة ميه
المهم عايز أعدي منه
ملقتش فرصة
خليتني وراه
وفجأة ألاقي ماسورة طارت علي شمالي
أتخضيت
وهوب كل المواسير نزلت وترااااااااااااب
انا فرامل وعمال أجي يمين عشان أخرج منه
لأن لو لمست ماسورة العربية هتتفرتك
المواسير عاملة زي الرصاص
الحمد لله خدت غرزة وطلعت علي يمينة
وطرت وركنت علي اليمين
الحمد لله مفيش خساير في أي عربية
محدش كان ماشي ورايا
والمواسير لستر ربنا ما جاتش بعرض الطريق
نزلت أبص علي العربية ورحت أشوف النقل ماله
لقيت السواق عادي جدا
ولما شاف المواسير زعل بقي
ماهي عهدته
انما حياة الناس عادي
انا قلت الحمد لله وكدة عقابه من ربنا انه يتحمل نتيجة أهماله
وانا كمان مكانش فيا حيل ... بقالي 3 أيام مانمتش ومش قادر
خدوا بالكوا بقي من كل حاجة
نقل
هيئة
ميكوباص
تاكسي
طريق معفن
عربيات هلكانة
ناس منعدمة الضمير والفكر

ربنا يلطف بينا ويسترها

**cyborg_ift** · 15-12-2010 03:18 PM

حمد الله على السلامه وربنا لطف بيك

**Mohamed_Ayman** · 15-12-2010 03:19 PM

الحمد لله ربنا ستر ، وألف سلامه عليك ،
ربنا يهدى الناس المستهترين دول وحسبنا الله ونعم الوكيل

**Ahmed Mubarak** · 15-12-2010 03:23 PM

حمد الله على سلامتك و الحمد لله ان مفيش خساير

**mahmoud_afifi** · 15-12-2010 03:28 PM

حمدلله على سلامتك يا باشا, الحمدلله انها جت على قد كده وكفاية الخضه اصلا !
وانت بتحكي الموقف جه في بالي فيلم Final Destination
ومبروك على الخلاط P:

**Eng.Geo** · 15-12-2010 03:31 PM

الله يسلمكم جميعا

المشاركة الأصلية كتبت بواسطة mahmoud_afifi

حمدلله على سلامتك يا باشا, الحمدلله انها جت على قد كده وكفاية الخضه اصلا !
وانت بتحكي الموقف جه في بالي فيلم Final Destination

ومبروك على الخلاط P:

انا لما رجعت أركب العربية أفتكرت نفس المشهد ده
الله يبارك فيك ... تيجي تاخد عصرة :P

**M.Osman** · 15-12-2010 03:38 PM

حمد لله على السلامة

جامد اوي النيك نيم بتاع العربية
:)

**alaa99991111** · 15-12-2010 03:38 PM

حمدا لله علي سلامتك

**mailo** · 15-12-2010 03:40 PM

أولا حمد الله على سلامتك
ثانيا أول حاجة أنا فكرت فيها لما قريت الموضوع ده إني اتصل بالشرطة وأعمله محضر بس افتكرت إن الشرطة أصلا مش حيكلفو خاطرهم ويجوا ولو جم هيبقى بعد ماالراجل يجيب ونش يحمله المواسير ويكون وصل لمكان التسليم واخد الشاي بتاعه كمان وفكرتني بمرة على الدائري عند نادي الصيد نقل قدامي خبطت عربية والإسعاف مجتش إلى بعد ما واحدة ماتت فالعربية من النزيف وانا مشيت بعد حوالي 45 دقيقة من الحادثة والشرطة ماكانتش جت لسة مع العلم ان ليهم حاجة زي نقطة كده قريبه قوي

الموضوع: كنت هموت أمبارح علي الدائري

LinkBack

أدوات الموضوع

عرض

كنت هموت أمبارح علي الدائري - انشر الموضوع فى :

-

-

-

-

-

المواضيع المتشابهه

ممكن حد يفهمني ايه اللي بيحصل ده في المنتدي من أمبارح ؟

لعنة الطريق الدائري مازالت تطاردنا ، حادث جديد على الدائري.القطامية

فين طلعة الدائري من الرماية للمعادي بدون طلوع الدائري من المريوطية ولا من المنصورية

أستلمت جين 2 أمبارح ... الحمد لله .

خبط في رصيف أمبارح و عايز مساعدتكم

الكلمات الدلالية لهذا الموضوع

المفضلات

المفضلات

ضوابط المشاركة