بكالوريوس تجارة.....؟؟؟؟؟

**midoabdeen** · 15-12-2010 04:29 PM

ازيكم يا جماعة عاملين اية فى السقعه دى

كنت عايز اخد رائيكوا فى حاجة

انا دلوقتى فى اخر سنة فى كلية تجارة عين شمس تمام كدة

انا تقديراتى السنين اللى فاتت كلها مقبول لانى كنت مش مهتم اوى بالدراسه علشان الشغل وكدة وطبعا لو وقفت على دماغى السنة دى مش هايرفع التقدير النهائى

المهم انا سالت واحد قريبى هو محاسب فى شركة خدمات بترول هو قالى حوار التقديرات دا مابقاش زى الاول لان البلد ماشية بالوسايط والكوسة اهم حاجة انك تكون اولا معاك وسطة كويس

انا بصراحه مش عارف اعمل اية فى حوار التقدير لانى اصلا على مدار السنوات الدراسية اللى فاتت كلها كنت متفوق بس جيت فى الكلية وكنت خلاص بقى قرفان منها لانى كنت داخلها من مجموع 93% فاكنت مخنوق جدا منها واهملتها

ايه رائيكوا ف حال البلد دلوقتى فى موضوع الشغل دا

وكمان هل المفروض انى اخد كورسات فى نفس المجال لانى لا افقه شىء عن المجال دا ياعنى من الاخر المذاكرة علشان االامتحان بس زى كل الناس

من خبراتكم من احوال البلد التغيرة (للاسوء طبعا ) اية اللى المفروض ان الواحد يعملة علشان يميز نفسة فى سوق العمل وخصوصا ان انا التقدير بتاعى هيبقى حاجة تكسف اوى

وكمان علشان لو الواحد جاتلة فرصة سفر تبقى باردوا واقف على ارض صلبة

واسف جدا على الاطالة وامنى من لدية معلومة لا يبخل علينا بها

**mahmoud_magdy** · 15-12-2010 04:43 PM

كورسااااااااااااااااااااا ااااااااااااااااااااااااا ااااااااااااااااااااااااا ااااااااااااااات
لغه انجليزيه طبعا
وكورسات في المجال بتاعك
واجتهد واتعب واعمل اللي عليك
وربك هو اللي بيرزق
ولا وسايط ولا كوسه ولا اي حاجه

طول ما انت بتجتهد ربنا هيبعتلك الخير من حيث لا تدري

وانا بقول الكلام ده لنفسي علشان منساش

**midoabdeen** · 15-12-2010 04:56 PM

المشاركة الأصلية كتبت بواسطة musiccairo

كورسااااااااااااااااااااا ااااااااااااااااااااااااا ااااااااااااااااااااااااا ااااااااااااااات
لغه انجليزيه طبعا
وكورسات في المجال بتاعك
واجتهد واتعب واعمل اللي عليك
وربك هو اللي بيرزق
ولا وسايط ولا كوسه ولا اي حاجه

طول ما انت بتجتهد ربنا هيبعتلك الخير من حيث لا تدري

وانا بقول الكلام ده لنفسي علشان منساش

والهى انا معاك بس حال البلد يعقد اى حد بس والله فعلا ربنا لا يضيع اجر من احسن عملا

**mahmoud_magdy** · 15-12-2010 05:06 PM

خليك متفائل وخلي الامل موجود
وسيبك من حال البلد اللي يعقد
المهم انت رايح فين وبتعمل ايه
وربك هيكافأك ازاي على تعبك

**midoabdeen** · 15-12-2010 05:23 PM

ربنا يسترها
بس المشكله انك علشان تاخد كورسات والكلام دا هاتدفع فوق امكانياتك

**wassim_nasser** · 15-12-2010 05:34 PM

عندي ليك فكرتين حلوين ف القصة دي :
1 - أول حاجه انك لو حبيت تشتغل تبع التخصص بتاعك يبقا خد كورسات من حته جامدة تخلي اصحاب الشركات يبصولك بصة حلوة يعنى مثلا كورسات انجلش وكومبيوتر و تسويق marketing من الجامعة الامريكية وبكده هاتقدر تأثر علي اصحاب الشركات
2 - تانى فكرة انك تشتغل ف مجال السياحة يعنى تاخد كورسات لغة جديدة زي ايطالي والمانى وتشتغل مع شركات السياحة تطلع مع الافواج تفسحهم و تساعدهم يشتروا حاجات وده طبعا مقابل عمولة كويسة بس لازم تتقن اللغات دى عشان كده خدها من المركز الثقافى الايطالي أو الالمانى حاجة كده معتمدة
.. أخر نصيحة ليك ماتسترخصش ف الكورسات واعتبر نفسك اشتريت محل وبتملاه بضاعة يعنى استثمار وربنا يوفقك