تركيب قلتر تكييف للصني ولا تنسى تشغيل المكيف في الشتاء
النهاردة كنت بعمل صيانة ال 10000 كم في السبع وقالولي انه متوافر عندهم حاليا فلتر تكييف للصني
سعر الفلتر :
بمبلغ 170 جنيه وفيه عرض خصم 10% والتركيب مجانا فتوكلت على الله وركبته
طريقة التركيب :
- وهو طريقة تركيبه سهلة جدا وأنا قصدت اني اشوفهم وهما بيركبوه بحيث لو حد لقاه أرخص بره (لأن بصراحة أنا شايف 170 جنيه كتير عليه قوي) وحب يركبه
-الموضع سهل جدا بتفك درج التابلوه وهو مربوط بمسمارين من الداخل , وبعد ما تخرج الدرج هتلاقي في أعلى زي علبة بلاستيك بيضاء بغطاء , فبتشيل الغطاء دا وبتدخل الفلتر ,ثم تقفل الغطاء تاني , وبعدين تدخل الدرج , وتربط المسمارين تاني (معلش انا نسيت خالص إني أصور الموضوع دا)
معلومة هامة :
فيه معلومة تانية خاصة بالتكيف ومكتوبة في الكتالوج وللأسف كتير منا مابيخدش باله منها وكنت عايز أنبه ليها
وهي ضرورة تشغيل التكيف على الأقل مرة في الشهر لمدة 10 دقائق حتى لا يحدث عطل في أجزاء النظام
------
تم التنسيق فى الموضوع بناء على تقرير مشاركة
و طلب من المنسق العام لقسم نيسان
