صيانة العشرة ألاف وفلتر زيت مجاني

**aiman0173** · 15-12-2010 06:07 PM

النهاردة روحت عملت صيانة العشرة الاف في السبع وكانت المفاجأة أن تغير فلتر الزيت مجاني مع تغيير أي زيت ودا خلال فترة العرض.
الحاجة بس اللي مكنتش كويسة انهم زودوا القربة مياه عادية وليست مياه خضراء فبصراحة الموضوع ضايقني جدا وخاصة اني كنت اشتكييت من الموضوع دا في صيانة الالف وبصراحة كانوا تجاوبوا معاه لدرجة ان في صيانة الخمسة الاف لاحظت ان كل فني كان بجوارة جركن مياه خضراء ، المهم اشتكيت للمهندس المسؤل فالراجل مشكورا قام بتفريغ مياه القربة كلها وزودها كلها مياه خضراء تاني
الحاجة التانية اللي أكدت عليها معهم ان تزويد الزيت يكون 2.7 لتر وليس 3 وبعد جدال بسيط تم تزويد 2,7 لتر طبقا للكتالوج
غير كدا الحمد لله الامور كلها عادية وتمت على خير ورجائي من كل الاخوة اللي هيروحوا الصيانة يأكدوا على تزويد العربية 2.7 لتر زيت وليس 3 وكمان يأكدوا على ان تزويد مياه الردياتير يكون مياه خضراء وليست عادية.

**Ali_Abo_Amr** · 15-12-2010 07:53 PM

مبروك عليك الصيانة وفعلا فيه حاجات بسيطة كده فى الصيانه بيعملوها تضايق بس برده مشكورين لأنهم مطحونين ...
انا فى صيانة ال 5000 برده قولتلهم مايظبطوش الكاوتش هوا لأنى عامله نيتروجين والعامل برده راح مزود هوا فبقت العفشة ناشفة ورحت فضيت الهوا كله من الاربع عجلات وظبطه نيتروجين تانى ... معلش جل من لايسهو .... ومهم جدا تاخد بالك اثناء وبعد الصيانة من اللى تم فى العربية ...

**SonaSteel** · 15-12-2010 07:54 PM

ماشاء الله لا قوة الا بالله
ربنا يباركلك فيها ويكفيك شر طريقها ........... وعقبال صيانة 1000000 كم ان شاء الله

**Ahmed.TV** · 15-12-2010 07:56 PM

تسلم ايدك على التقارير الجميلة دى ايوة كدا تغيب تغيب وتيجى بالمفيد يا باشا

فعلا الزيت 2.7 وممكن 2.8 ومن غير فلتر 2.5

لكن 3 لتر كتير

الف مليون مبروك يا باشا وعقبال صيانة المليون

قولنا بقا بعد الصيانة اخبار العربية ايه بعد الصيانة , ايه اللى اختلف معاك

**aiman0173** · 16-12-2010 01:39 PM

المشاركة الأصلية كتبت بواسطة superhano

ممكن أعرف لية 3.0 لتر غلط؟ أصلي في مودرن موتورز الهيكستب حطولي 3.0 لتر موبل 1 عند صيانة ال 1000 !!

حضرتك الكتالوج بتاع العربية بيقول 2.7 لتر مع الفلتر أو 2.5 من غير الفلتر وحضرتك لو شفت مقاس الزيت عندك هتلاقيه أكتر من h بحاجة بسيطة لكن المفروض انه ما يزيدش عن ال |h ، عموما متقلقش نفسك الزيادة مش كبيرة قوي وان شاء الله مش هتأثر في حاجة لأن دا اللي حصل معي برده في صيانة الالف ، بعد كدا قولهم يحطولك 2.7 لتر بس

المشاركة الأصلية كتبت بواسطة emadsamy

معاش لو انت بتقولهم فى التوكيل بحطو 2.7 كيلو زيت بدل 3 و تناقشهم و تقنعهم و تخليهم يحطوا ميه خضراء بدل الميه العاديه و فى احد المشاركين برضه قال لهم يغيروا وضع العجل ازاى.
امال ايه فايده التوكيل الى هو المفروض ادرى بكل جزء فى العربيه اكتر من اى حد؟
العمليه مش ضغط شغل لكن هى محتاجه شويه تدريب للفنين الموجودين و التوكيلات و لاحظ انى مش بحدد توكيل معين انا بتكلم عموما

بالنسبة للزيت اعتقد انهم بيشتروا دماغهم ويحطوا 3 كيلو لأنهم بيحسبوك على 3 لكن لو حط لك 2.7 ممكن تعمله مشاكل مع بعض العملاء في طريقة الحساب ، أما بالنسبة للمياه الخضراء فأعتقد دا للأسف سياسة مش مشكلة الفني لأني بلاحظ ان كل الفنيين بيعملوا نفس الشئ وللأسف غالبية العملاء مش بياخدوا بالهم أما بالنسبة لتغيير الكاوتش هو حاول يقنعني نجيب اللي ورا قدام والعكس فقط علشان يبقى نفس اتجاه العجلة لكن انا من خبرة سابقة اعرف ان التغيير بيكون حرف x ، عموما هي مشاكل صغيرة بس المفروض يتلافوها

**mido90** · 17-12-2010 03:04 PM

لو سمحت تقولى دفعت كام كلة؟؟؟؟؟؟

**aiman0173** · 17-12-2010 09:27 PM

المشاركة الأصلية كتبت بواسطة mido90

لو سمحت تقولى دفعت كام كلة؟؟؟؟؟؟

فلتر زيت مجانا
زيت شل الترا 190
فلتر تكييف 170
عدد 4 كويل عجل 002
مصنعية 10 الاف 150
غسيل كامل بالموتور 030
ضريبة مبيعات 10% 054
الإجمالي 596

وتم خصم 50 جنيه قيمة كوبون حصلت عليه أثناء شراء السيارة يبقى إجمالي اللي ادفع بعد الخصم 546 جنيه