استفسار صغير للدوجان

**malaa71** · 15-12-2010 06:10 PM

السلام عليكم يا جماعه
انا عندى استفسار صغير ومحتاج مساعدتكم
انا عندى دوجان 1600 مو 94 وكنت عايز اعرف الموديل ده فيه سخان للموتور علشان يعلى rpm اثناء التسخين الصبح ولا لأ ؟
لأن فيه ناس بتقول الموديل ده فيه وناس بتقول لأ علماً بأن فيه مكان للشفاط فى التابلوه بس هو السلك بتاعه ناقص .
وشكراً لمساعدتكم

**malaa71** · 16-12-2010 09:41 AM

هو مافيش حد معايا ولا ايه؟
انا مستنى.

**horeen** · 17-12-2010 06:56 PM

لو الكربيرتير ويبر يبقى فيه وممكن تشغله

**malaa71** · 18-12-2010 01:41 PM

مشكور على الرد
بس انا مش فاهم يعنى ايه كربوراتير ويبر؟
واعرفه ازاى؟
شكراً

**M.Elwan** · 18-12-2010 03:02 PM

فيها شفاط اوتو ماتيك بس لو بايظ تصليحة صعب شوية لانة بيحتاج بلوف غريبة قوى ومش موجودة ومش اى ميكانيكى بيفهم فيه

**hulk_jotun** · 20-12-2010 05:35 PM

تعالى لى انا معايا دوجان 95 موضوع السخان ده ياسيدى مشكلتى برده من ساعت ما الشتاء دخل
بص يا معلم على الكاربيراتير عندك انا عندى ورا الكاربيراتير كده فى خراطيم مسدوده بمسامير دى لو شلت مسمار منهم العربية تحس انها مبرجلة
ده باه مكان السخان الاوتوماتيك انا سألت علية واحد بتاع تقطيع قالى انا هدهولك انت علشان جارى ب75 جنية وقالى انه ب100 برة بس علشان جارى هيظبطنى فيه بس انا عاوزة علشان العربية متنتش لو انا مشيت بيها بارده فهل السخان ده بيعمل كده ولا ايه وظيفتة غير كده انا عندى الشفاط اللى بتشده علشان يسخن العربية الصبح

**malaa71** · 22-12-2010 10:19 AM

بس انا عاوزة علشان العربية متنتش لو انا مشيت بيها بارده فهل السخان ده بيعمل كده ولا ايه وظيفتة غير كده انا عندى الشفاط اللى بتشده علشان يسخن العربية الصبح

هو انا عارف ان السخان ده علشان لما تيجى تسخن العربيه الصبح ما تفضلش دايس على دواسة البنزين او تشد الشفاط اليدوى