أدي اللي عمله فيا كارتك لما حبيت أرش السبويلر بتاع الماتريكس

**Noha.M** · 26-03-2008 02:07 AM

طيب سؤال هو فيه فرق سعر جامد بين السبويلر الاصلى و ال مش اصلى

**hazem_khidr** · 26-03-2008 03:08 AM

هو حضرتك غلطان
كنت زعقت معاهم و بهدلتهم و كنت تصر انك ما تدفعش الفلوس لانك مااخدش الشغل اللي انت عاوزه و كنت وريته القايم و اللي اتعمل فيه بس ما تخليهومش يصلهو حاجه.
و علي فكره قطنه بتنر حطلع البويه اللي علي القايم و بويه الفابريكه حتفضل زي ما هي ما تقلقش

**cpt_shawky** · 26-03-2008 04:18 AM

من الواضح أن كارتك ده عبارة عن مركز للهواة وفى مواضيع كتير اشتكت منو وموضوع وحيد مثبت بيشكر فيه من العضو شريف المصري اللى اختفى من المنتدى من شهووووووووووور والله أعلم هو فين وسبب اختفائه ايه....فأنصح الجميع بمقاطعة كارتك وطلب للإدارة بمراجعة الموضوع المثبت منعا لتضرر باقى الأعضاء ملاك الهيونداى وكفاية عليهم غبور ومعاملته.

**liquidator** · 26-03-2008 08:40 AM

شكرا للجميع علي المرور و الاهتمام .. السبويلر بيتخرمله في الشنطه خرمين بس و تركيبه سهل ... السبويلر ده نوعه Topwing تايواني و ب 400 جنيه بالستوب لايت و من غير رش يعني حولي 600 جنيه بالرش بالتركيب ... السبويلر الأصلي من غير ستوب لايت ب 2800 جنيه عند غبور و برده من غير رش ..
هانعمل ايه بقي .. خلاص اللي حصل حصل ...بس اللي أنا قصدته انكوا تخلوا بالكوا من كارتك و محدش يوديله أي عربيه حوادث عشان مش هايطلع اللون مضبوط ..

**Karim_Monir** · 26-03-2008 09:46 AM

تجربتي انا مع الاسبويلر
سالت في التوكيل لقيتة بالف جنية من غير رش ولا ضريبة
سالت بره لقيتة ب 600 وخدتة من عند عرفة جابر الاصلي ب 550
خدتة عند بتاع البوية في الحرفيين
روحت ضربت اللون على الكمبيوتر بنفسي ووقفت على الكمبيوتر بنفسي وطلع اللون
وديتة الورشه اترش وجيت اخد تاني يوم لقيت فيه فقاعتين وبصمة صغيرة ما رضيتش اخدة
سيبتة تاني يوم كان معمول وزي الفل وقاللي معلش اصلة مالوش مالكة وبيفضل متعلق في الهواء من سلكة صغير وده اللي بيخلي رشه صعب
ركبناه عند بتاع الفيبر ووصلة الكهربائى بحسبة 30 جنية لده وده
البوية ب 50 جنية
ال الرش بالكابينة ب 50 جنية
النتيجة زي الفل وماخدتش يومين شغل فقط

**bassam nagy** · 26-03-2008 05:18 PM

بالنسبة لمركز كارتك كنت تسال قبل ماتروح كنت هاقوللك ان زميل معانا هنا فى المنتدى ومعاة ماتريكس راح جربة قبل كدة فى سمكرة ورش جزء من العربية طلعت زى الزفت سمكرة ودهان..
بالنسبة للبوية الية عاملوها فى العربية كنت تتخانق معاهم وتعمل مشكلة ويعملوها وانت واقف من غير ماتسيب العربية
مبروك الاسبويلر ومتزعلش نفسك

**Hesham A.Megid** · 26-03-2008 06:29 PM

معندكش فكره اذا كان spoiler ال Getz موجود عندهم ولا لأ؟

**som3aa** · 26-03-2008 09:32 PM

ياباشا علي كلامك ده يبقو بتوع بطاطا مش فنيين ابدا ومحدش ابدا بيجرب علي العربيه وكمان علي قايم ديه مصيبه تانيه بجد دووووول بتووووووع بطاطاااااااااااااااا

0
عيب عليك لما تقارن ناس فنيين زى دول ببتوع البطاطا
انت كده بتهزا بتوع البطاطا :D
للاسف مصر كلها كده و اى توكيل بيجرب فيك بمعنى انك ممكن تروح التوكيل بعيب فى العربية و يقولولك العيب فى كذا و بعدين تغيرها و تدفع اد كده و نفس العيب يفضل ميروحش و لو اى غلطة منهم مستحيل يعترفوا.
الموضوع دا حصلى مرتين مرة فى راية توكيل نوكيا وديتلهم الموبايل يتصلح علشان الشاشة بترعش غيروها منغير ميكشفوا عليها اول ماستلمت التليفون فى نفس اليوم لقيت نفس العيب كلمتهم علطول قالولى هاتوا تانى رجعتهلهم قاموا غيروا حاجة تانية بتوصل الشاشة بالboard المهم و دفعونى مره تانية قلتلهم ازاى واحد يدفع مرتين فى نفس العيب يقولولى احنا بنصلح حاجات بس مبنرضاش نغير كل حاجة مرة واحدة علشان مندفعش العميل على الفاضى :D:D:D:D
و قصة تانية مشابهة مع ابوغالى مع فرق التكلفة طبعا الموبيل خسرت 200 جنيه , بلاش اقول العربية غيروا حجات ملهاش لزمة بكام.
من الاخر بعد اللى حصلك "يبقى انت اكيد فى مصر"