أدي اللي عمله فيا كارتك لما حبيت أرش السبويلر بتاع الماتريكس

**liquidator** · 27-03-2008 04:17 PM

شكرا للجميع علي المرور و المشاركه ...
يا جماعه واضح ان كارتك ده مركز علي أده خالص .. ده وأنا هناك شايف الصنايعي بيزود ميه من الحنفيه للرادياتير لعربيه فيرنا 1600 و شايف واحد تاني يخبط علي الطنبوره اللي ورا بالشاكوش لما بوظها و جرحها خالص و يظهر انها اتزنقت منه و هو بيرجلش علي الفرامل الخلفيه و مش عارف يطلعها ... رغم ان غبور مش توكيل مثالي أبدا اللا ان الصنايعيه هناك أحسن من كارتك كتير يعني مثلا موضوع ضبط الفرامل الخلفيه ده عمري ما شوفت صنايعي اتزنقت منه طنبوره وللا حاجه .. بيضبطها بسرعه جدا و كأنه مبرمج ... أنا الحمد لله عرفت أطلع البوهيه من علي قايم العربيه بشوية تينر و حتة قطن .. الحمد لله بقت زي الفل و الله يخرب بيت اللي كان السبب فيها من الأول !!! ( معلش سامحوني أصلي مخنوق منهم أوي ) ...خلو بالكوا كويس بقي من كارتك و اللي مجبر انه يروح هناك بسبب قرب المشوار أو الوقت مثلا ياخد باله من عربيته كويس أوي أوي أوي أوي ....

**thegreatnileman** · 27-03-2008 11:08 PM

على فكرة انا عملت عندهم صيانة ال10000 وكان عندى شكوى محدش عرف يعمل فيها حاجة

**Ghamrawy** · 27-03-2008 11:52 PM

ايه العك ده ؟؟؟!!! هى العربية مافيهاش درجة اللون و رقمه ؟؟؟

**Hossam.Hamdy** · 28-03-2008 07:00 AM

المشاركة الأصلية كتبت بواسطة crazylambada

لا في توكيلات متمكنة من عربيتها زي بتاع سكودا او سيات

يابشا واحد صاحبى معاه A5 عمل حادثه وراح التوكيل يعمل مقايسه قالولو اغلب قطع الغيار مش موجوده عندنا...

واضح ان التوكيلات في مصر بقت حاجه سيئه جدا ماعدا تويوتا...الناس بتشكر فيه جدااااا

**crazylambada** · 28-03-2008 09:52 AM

ازاي حضرتك
قطع غيار A5 متوفرة
بس في حاجات في العربيات مش بتتجاب الا تصدير و دي حاجة معروفة
ان كان قطع غيار عربيتي سكودا فيفوريت متوفرة عندهم اللهم الا حاجات بسيطة
مابالك بقى بعربية ذات انتشار و سمعة زي A5

**liquidator** · 30-03-2008 06:53 PM

بس متهيقلي المفروض ان تكون كل قطع الغيار متوفره بالكامل .. ده غبور رغم انه مليان مشاكل اللا ان القطعه اللي مش موجوده بيبعت يجيبهالك بال Dhl من كوريا و أنا جربت الموضوع ده مرتين و بتيجي في خلال من اسبوع ل 10 أيام .