حديث تخرج..!!!!!!!!!!!!!!

**نور القمر** · 15-12-2010 10:11 PM

خليهم قاعدين على القهاوي
حاجة تفلق والله
انا مقروصة من شخصية كدة فضل يطلع القطط الفاطسة في كل شغلانة لحد ما عمره عدى ال 30 واتجوز بمساعدات اهله وولسه بيلطش ومش ثابت في شغلانة عايز حاجة مريحة ومرتب كبير
دلوقت اخوات المدام بيساعدوه بتكليفه بشغل ومسدش فيه كمان
تقريبا عايز مرتب وهو نايم في بيتهم وللعمل مجال تخرجه له فرص عمل كتير ومربح بس متعب وهو مش عايز يتعب

**elmkaneeki** · 15-12-2010 10:15 PM

باشا اى عقد بيبقى فى 3 شهور تدريب
صاحب العمل بيستحملك فيهم عشان يعلمك
وبعد كدة يحلبك شغل وفعلا بياخد منك شغل
المشكلة لما تلاقى صاحب شغل بياخد منك شغل ب كذا الف ويديك 500 600 جنيه
هيا بتتقاس كدة......هتدخلو كام
وكمان ليه الشركات الكبيرة بتاخد الناس بمرتبات عالية؟
عشان دة استثمار.....مش عاوز يجيب كل شوية حد ويمشى(بيشترو راجل)
انما ااجشع بتاع بعض الناس بقى يخليه كل شوية يجيب حد بسعر قليل اوى ومش مهم لما يمشى....فى غيرو كتير
الصح ان الشركة تجيب حد بمرتب معقول يجربوه ال 3 شهور
نفع.......يستثمرو فيه

**Medo007** · 15-12-2010 10:16 PM

المشاركة الأصلية كتبت بواسطة أحمد كمال

حضرتك انا بلا فخر التالت عالدفعة ............ من ورا

اعرف احمد حمد و سعيد الغنيمي طبعا ..... و قابلت د. سعيد من سنتين و نص في الحرم المكي ...... و السنة دي كان بيحج و للاسف لم استطع مقابلته ......

هههههههههههه عادي كلنا لها
على فكرة انا ابن خالي عمرو حسن
اكيد تعرفه

**MNabeih** · 15-12-2010 10:41 PM

موضوع جميل,
انا عن نفسي اول ما اتخرجت 2007 كنت بدور علي شغل بايدي و سناني و كل اطرافي,
بغض النظر عن المرتب بس انا كان عندي سبب تاني الصراحة اني كنت خاطب بقالي 4 سنين!!!!!!!
و كنت طبعا هاموت و اتجوز.
و جت الشغلانة في مصنع في اكتوبر بتاع كيماويات بتاع دكتور عندنا في القسم
الغريب بقي, اللي انا ما كنتش مصدقه بجد,
اني لما عملت الانترفيو كنت الحمد لله تمام,
بعديها بيومين الدكتور اتصل بيا و قاللي: احنا اسفين مش هينفع,
انا:( نعم في سري) طب ممكن اعرف ليه يا دكتور عشان المشكلة احلها
قاللي: انت Over qualified

لقيت الدم غلي في عروقي, لاني حسيته بيتريق
انا: حضرتك بتتريق
قاللي: لا انا بتكلم بجد
انا: بجد, طب ازاي
قاللي: انت عارف ان انا ما بجاميلش حد انت امكانياتك تؤهلك لشركة مالتي ناشيونال(و فعلا كان في المشاريع بياكل اللي يقع تحد ايدة)
و الله ما كنت مصدق.
المهم بعد المناقشة معاه,

طلعت بحاجة ان ممكن الشغلانة اللي الواحد متقدم لها تبقي اقل من امكانياته فالافضل انه ما يشتغلهاش!!!

لان ممكن تكون في فرصة في شركة اكبر بس لما هاتلاقيك في شركة مش قوية, تصرف نظر عنك
و الحمد لله بعدها بفترة قليلة كنت شغال في الشركة المالتي ناشيونال.

علي فكرة انا ضد فكرة ان الواحد يبص لمرتب قليل و ما يشتغلش ىبمرتب قليل المهم تشتغل في حاجة تطلع امكانياتك فيهه!!!
علشان تتقدم.

تحياتي للجميع

**أحمد كمال** · 15-12-2010 10:41 PM

المشاركة الأصلية كتبت بواسطة medo007

هههههههههههه عادي كلنا لها
على فكرة انا ابن خالي عمرو حسن
اكيد تعرفه:oc_sun1[1]:

و اخبار استراليا ايه؟

**Medo007** · 15-12-2010 10:52 PM

المشاركة الأصلية كتبت بواسطة أحمد كمال

و اخبار استراليا ايه؟

تمام كده
بيقولوا حلوة

**أشرف فتحى** · 16-12-2010 12:10 AM

مشاركات جميله من ناس أجمل...

انا هقول رأى ....

اللى بيستغربوا او بيستبعدواانهم يشتغلوا بمرتب قليل ويمكن أقل من مصروفهم ايام الدراسه....

حضرتك بتاخد مصروفك من والدك يدون مقابل....زى أنا ما بنتى بتاخد منى مصروفها وهى رايحه المدرسه...بتاخده حبا منى فيها بدون مقابل....

لكن صاحب العمل هيديك مرتب عالى بدون مقابل ليه؟

هيستفيد منك ايه؟

ويعمل معاك عقد وتتثبت ؟!

طب هو جرب انت ظروفك ايه؟ هتنفع ولا لأ؟ هيستفيد منك بنفس القيمه ولا لأ؟

لو قلت لحد فى مصر انت هتتعين معانا 6 شهور تحت التجربه....أو هتشتغل معانا شهر بدون مرتب....

هتسمع منه كلام وأصوات وعبارات يعاقب عليها القانون..!!!

**mbx4e** · 16-12-2010 06:15 AM

المشاركة الأصلية كتبت بواسطة أشرف فتحى

مشاركات جميله من ناس أجمل...

انا هقول رأى ....

اللى بيستغربوا او بيستبعدواانهم يشتغلوا بمرتب قليل ويمكن أقل من مصروفهم ايام الدراسه....

حضرتك بتاخد مصروفك من والدك يدون مقابل....زى أنا ما بنتى بتاخد منى مصروفها وهى رايحه المدرسه...بتاخده حبا منى فيها بدون مقابل....

لكن صاحب العمل هيديك مرتب عالى بدون مقابل ليه؟

هيستفيد منك ايه؟

ويعمل معاك عقد وتتثبت ؟!

طب هو جرب انت ظروفك ايه؟ هتنفع ولا لأ؟ هيستفيد منك بنفس القيمه ولا لأ؟

لو قلت لحد فى مصر انت هتتعين معانا 6 شهور تحت التجربه....أو هتشتغل معانا شهر بدون مرتب....

هتسمع منه كلام وأصوات وعبارات يعاقب عليها القانون..!!!:o_stupid[1]:

ياجماعة ماحدش عنده شغلانه ليا
انا عندي استعداد اشتغل اي حاجه مش هايفرق معايا نوعية الشغل ولا مواعيد السهر بس الشغل يبقى حلو ومفيد يعلمني حاجة ويديني خبره على الاقل في التعامل مع الناس والمعاملة تبقى محترمة وظروف الشغل تتناسب مع مواعيد محاضرات الكليه بتاعتي (تجارة القاهرة )(الثلاثاء من 1 الى 7 والاربعاء من 2.5 الى 7 ) دي مواعيد محاضراتي وساكن في 6 اكتوبر ومش عايز اجازه طول الاسبوع ويبقى مغطي مصاريفه (لو الميزانيه كانت تسمح ماكنش هايفرق معايا تغطي ولا متغطيش بس الاسف المصاريف معجزة اليومين دول ) بالبلدي عايز اي شغلانه تصرف على نفسها مش عايز منها فلوس عايزها بس تجيب مواصلاتها ومصاريفها وبس اللي عايزه الخبرة والايد البطالة نجسة زي مابيقولوا( مش عايز تثبيت ولا بدلات ولا اوفر تايم ولا تامين ولا ورق ولا اي كلام انا عايز خبرة وتصرف على نفسها دا الهدف من الشغل ومواعيد تتناسب مع دراستي )
هي كدا تبقى طلبات كتير ولا الشغل بالنسبة لواحد غير متخرج صعب ولا غلط ولا ايه بالنسبة لاصحاب العمل(ولامابتحبوش الاعتماد على الشباب تحت التخرج) طب ليه حد يفهمني ؟؟؟؟؟؟

**M.Mostafa80** · 16-12-2010 09:01 AM

المشاركة الأصلية كتبت بواسطة mbx4e

ياجماعة ماحدش عنده شغلانه ليا
انا عندي استعداد اشتغل اي حاجه مش هايفرق معايا نوعية الشغل ولا مواعيد السهر بس الشغل يبقى حلو ومفيد يعلمني حاجة ويديني خبره على الاقل في التعامل مع الناس والمعاملة تبقى محترمة وظروف الشغل تتناسب مع مواعيد محاضرات الكليه بتاعتي (تجارة القاهرة )(الثلاثاء من 1 الى 7 والاربعاء من 2.5 الى 7 ) دي مواعيد محاضراتي وساكن في 6 اكتوبر ومش عايز اجازه طول الاسبوع ويبقى مغطي مصاريفه (لو الميزانيه كانت تسمح ماكنش هايفرق معايا تغطي ولا متغطيش بس الاسف المصاريف معجزة اليومين دول ) بالبلدي عايز اي شغلانه تصرف على نفسها مش عايز منها فلوس عايزها بس تجيب مواصلاتها ومصاريفها وبس اللي عايزه الخبرة والايد البطالة نجسة زي مابيقولوا( مش عايز تثبيت ولا بدلات ولا اوفر تايم ولا تامين ولا ورق ولا اي كلام انا عايز خبرة وتصرف على نفسها دا الهدف من الشغل ومواعيد تتناسب مع دراستي )
هي كدا تبقى طلبات كتير ولا الشغل بالنسبة لواحد غير متخرج صعب ولا غلط ولا ايه بالنسبة لاصحاب العمل(ولامابتحبوش الاعتماد على الشباب تحت التخرج) طب ليه حد يفهمني ؟؟؟؟؟؟

هى المشكله فى مواعيدك لكن اى مكتب محاسبه ممكن يشغلك معاه
عادى تتدرب عنده وهتاخد منه خبره كويسه بس يكون مكتب محترم مش مكتب تظبيط اقرارات
ضريبيه

-

الموضوع: حديث تخرج..!!!!!!!!!!!!!!

LinkBack

أدوات الموضوع

عرض

-

-

-

-

-

المواضيع المتشابهه

طلب ملئ إستبيان لمشروع تخرج!

هل الجنوط تخرج من الضمان

لا تخرج في شم النسيم

صور تخرج من فمك

جرب أن تخرج مع امراءة غير زوجت

الكلمات الدلالية لهذا الموضوع

المفضلات

المفضلات

ضوابط المشاركة