+11111111111
متخلوش شوشو ياخدكم في دوكة :b4_592:
أنا و الله مش قصدي أتريق على اي عضو
أنا مشاركتي كانت بس كلام عن العربية الفيرنا صحيح بتهكم بس مش اللي هو بجرح في أي حد
طيب ما هي اللوجان مجعلصه و شكلها مش حلو زي الفيرنا في نظري و مع ذلك الشكل ما يفرقش معايا ( غير بقى لو دافع مليون جنيه في العربية هههه)
و مش عايزين برضه نكون fan boys
بس برضه يعني لما يكون موضوع في قسم اللوجان و ترشحوا ليه الفيرنا و اللانوس يبقى لازم تلاقوا رد من الوحوش هنا برضه
و كل سنة و إنت طيبين
لو العربيه هاتقعد معاك كتيرةومش هاتغير وطبعا هاتخدها زيرو من رأيي هات اللوجان علشان اشيك من جوه عن الفيرنا...
الفيرنا عربيه سريعه وموتورها عفي وتكييفها حلو وقطع غيارها رخيــــــــــصه و عند البقال( نقطه مهمه جدا)..ولما تحب تبيع عارف هاتبيع بكام والف مين يشتري.
اللوجان من وجهت نظري انها من الداخل اشيك بكتير من الفيرنا بس اضعف في الموتور والتكييف عن الفيرنا بس متناسقه كامكانيات مع بعضها ويعيبها قطع الغيار (غاليه بالنسبه لفئه السياره زي لانوس وفيرنا) ومش بياعه زي الفيرنا وسعرها مستعمل عليه اختلاف بس هي عربيه اوروبي في الاخر
اللوجان :
1- عالية عن الأرض (مش بتحك فى اى مطب ان كان )
2- عفشة ممتازة
3- فرامل جيده جدا
4- دبرياج ناعم جداً ما يتعبكش لو سايق فى الزحمة
5- توكيل افضل
الفيرنا :
1- موتور أقوى وسحب افضل لو انت من هواة الشد
2- قطع غيار ارخص
3- سعر اعادة بيع افضل
وانصحك بشدة ان تركب العربيتين وتسوقهم بنفسك .. بصراحة وده رأيى الشخصى اللوجان افضل قيمة مقابل السعر
وربنا يوفقك وتختار العربيه اللى تناسب احتياجك
بص يا باشا بدون دخول فى التفصيل....العربيه ديه كويسه جدا
واى مشكله فى العربيه التوكيل بيحلها على طول بدون اى تكليف
صلى استخاره وخد قرار
الراجل ده كلامه تمام وجابها م الاخر
وانا عن نفسي ارشح لوجان
ولصاحب الموضوع خد بالك ان فيه ناس بتتكلم عن حاجات كأنها عيوب وهي اصلا مش عيوب
يعني اكتر من 90% من العيوب اللي ذكرتها ده كلام بيتقال من واحد اول مرة يركب عربية في الغالب وبيفتكر ان الكرسي وهو بيرجعه لورا تقيل يبقي عيب وصوت الموتور من بره عالي يبقي عيب
معلش فيه حاجة اسمها موتور رينو اللي صوته مميز علي مدي تاريخ رينو وصوته مش عيب لكنه موتور اوروبي مميز فعلا في الاداء بشهادة رينو 12 والاقدم منها اللي ماشيين بيه في مصر من يوم ما نزلت
واجذملك اني شفت عربيات الماني جديد اتخضيت من علو صوت موتورها مع ان صاحبها بيأكدلي هو الالماني كده
يعني انا كمان المفروض افخر ان الفرنساوي كده
رينو عربيات اروربي ليها طابع خاص مميز ابتداء من الكلاكس في دراع الفانوس انتهاء بصوت الموتور العالي
والتقفيل الممتاز والحجم والابعاد اللي بتخدم الفئة الموجهة لها من الناس وكمان الطرق اللي هتمشي عليها
وفيه نقاط تانية بالنسبة لسعر قطع الغيار واعادة البيع واعتقد ان اللي بيفكر في الاوروبي ميفكرش هيبيعها بكام بعد ما يشتريها
لانه صدقني في الظروف العادية مش هيفكر يبيعها في المستقبل القريب الا لما يقرر يدفع اكتر في الفئات الأعلي.
ومميزات وعيوب الفيرنا هتلاقيها عند الفيرناوية.
ونصيحة متقارنش لوجان او فيرنا بلانوس نهائيا لانها سقطتت من المقارنة منذ ان اصبحت شيفورليه.
وتحياتي
[gdwl]اولا انا مبسوط جدا من الحاجات اللى حضرتك كتبتها وشايف انها عيوب لأن ديه جايه نتيجة تجميع تقريبا معظم المشاركات اللى فى المنتدى
ليه انا مبسوط هقلك
1. معنى انك متلاقيش مشاكل فى العربية مينفعش تسيبب خانة المشاكل فاضية فكل واحد عنده ملحوظة بيكتبها ولو ديه مشاكل تبقى زى الفل :-)
2. لأن ده معناه ان كل الأقسام عربياتهم بيكون فيها حاجات زى كده بس مبتتكتبش عشان فيه مشاكل حقيقة بتكون شاغلة الناس بس كده
[/gdwl]