كنت الاول بستمتع لما ادخل المنتدى وكنت بحب اشاهد كل الموضوعات

وكنت فرحان جدا بالقسم لانه فعلا كان احسن قسم فى المنتدى

وله فضل عليا بعد ربنا سبحانه وتعالى من خلال اعضائه على راسهم استاذ وليد

لكن فى الفتره الاخيره تغير الحال 180 درجه

كل شويه واحد يدخل يشتم فينا ويتهمنا ان احنا تبع التوكيل لو كتبنا موضوع نشكر التوكيل فيه

على حاجه مع انه سبق وعرفنا عن نفسنا وكمان صورنا عربيتنا بالنمر بتاعتها

وكمان بنتقابل مع بعض

واللى يغيظ اكتر ان اللى بيتهمنا ويشتم فى التوكيل والعربيه ماعندهوش العربيه اساسا

يعنى هو المطلوب نسب التوكيل ليل ونهار علشان نبقى موضوعين

انا حزين ان احنا بنجارى الاشخاص دول لحد واحد محترم نفقده من المنتدى زى

الدكتور المناهرى .

المهم ان احنا نشوف حل للموضوع ده ونقترح حاجات ترجعلنا القسم بتاعنا زى الاول

انا مثلا اقترح ان كل واحد يعمل فى التوقيع بتاعه على المنتدى صوره حيه لعربيته او حتى

يكتب رقم الشاسيه ورقم الموتور او حتى نمرة العربيه المهم لازم وقفه بجد