انا بقي مبحبش قصص الحب في الافلام المصرية بس بحب قصص الحب اللي في الاغاني المصرية و خصوصا اغنية إدلع يا جمل و اغنية يا بت جملك هبشني
عرض للطباعة
انا بقي مبحبش قصص الحب في الافلام المصرية بس بحب قصص الحب اللي في الاغاني المصرية و خصوصا اغنية إدلع يا جمل و اغنية يا بت جملك هبشني
كلامك صح ان في اتجاهات فكريه كتير ومعاك فيه
لاكن احنا علشان نحافظ علي الجو المحترم فيه الي ماشي بيه نايل من زمان
بنجبر الناس (الجديده) تتبع نفس الاسلوب بطريق غير مباشر
اكيد معايا ان الاغاني (الي انتا ذكرتها كمثال) وقصص الحب الي من عينة حبيبي عمل وحبيبي جه والكلام الفاضي ده شيء ميصحش
يعني الموضوع مش موضوع اتجاهات وبس
الموضوع الحفاظ علي هوية المنتدي المحترمه
__________________________________________________
تاني حاجه بقي
مش موافقك علي ردك علي شنوري بالطريقه دي
سيبك من انه الراجل قديم في المنتدي وكلنا بنعتبره اخونا الكبير
هل الراجل غلط فيك لما بيقولك مين حضرتك؟؟؟
انا مش شايف في الجمله اي خطا
علشان ترد عليه تقوله (انتا هتصاحبني)
الكلمه دي متصحش اصراحه
فكده انتا مطالب باعتذار ليه علشان نلم الموضوع ده
A.Yakout
اولا الكلام مبيتاخدش بالنص الكلام بيتاخد بمغزاه
هو قال بما بمعناه
انت مين عشان تتكلم او توجهلنا نصايح رغم ان كلامى كان عام وغير موجه لشخصه وكان كلامى يدور انى كنت بنتقد السخرية والتهكم على الاخرين لو الموضوع مش على هوانا
بس هو عشان انسان ذكى اختصرها ف (مين حضرتك)
ورغم انى حاسس ان حضرتك عايز تجامله على حسابى انا
بس بوعدك لو كنت غلط فيه فانا عندى الشجاعة انى اعتذر بكل بساطة
ده لو
متقلقش خالص
الناس المحترمين مش هيجوا يحكوا قصة حبهم علي العام وعلي الملأ كدهاقتباس:
طيب وهل الحب(الى ليه حدود طبعا) الى بينتهى بجواز شىء غير محترم؟
وعلى فكرة نص الاعضاء او اكتر بيسمعو اغانى عادى و مستعد نعمل استفتاء ونشوف
وبعدين فيه اغانى محترمة زى اغانى سامى يوسف كمثال
لو في مشكله صاحبها هيحكيها باحترام وده هيبان اكيد من سياق الكلام
علي فكره انا (ساعات) بسمع اغاني بس انا عارف ان ده غلط وحرام
بس فعلا اقدر اقولك متعتها وقتيه فقط
فمش معني اني بمسعها اني اجاهر بده لان الجهر بالذنب اكبر من الذنب نفسه
والاغاني الهادفه مفيش خلاف عليها اكيد
كلامنا يخص فئه معينه بس فبلاش نتطرق لتفاصيل تانيه هتحول كلامنا لجدال ممنوش فايده
بصراحه مفيش تعليق علي جملتك دي
شدوا علي القسم بقي وكل واحد هناك ياخد حقه
A.Yakout
ياأبوحميد
ماتاخدش الظاهر من الأشياء..مايسوء
يعني ماتفترضش سوء النية في كلام الراجل
شئ آخر بخصوص أساس الموضوع
زي ماأحمد ياقوت وضح النقطة دي
لو أنا بسمع أغاني..مش هعمل موضوع عن الأغاني
أنا مدخن .. مش هروح بقا أجاهر معصيتي وأعمل موضوع عن السجاير ونعمل إستفتاء عن مين بيشرب مارلبورو..ومين بيشرب ميريت؟؟
فاهمني
لاشك إن قصص الحب المهلبية إلي في الأفلام مش سليمة دينيا 100%
وإحنا بنغلط(طبيعي)وبنتفرج عليها
لكن مش هنزيد في الغلط..ونعمل عنها مواضيع ونتناقش
وعاوز أشبهلك تشبيه بسيط
لو إنت داخل مكان..الناس الي ساكنة فيه قبلك بقالهم كاااام سنة
وإنت ضيف جديد عليهم في المكان بتاعهم
يبقا من أدب الضيافة,,,إحترام أصحاب المكان
وربنا مايوقعك مع القرصان
يا جماعه استهدو بالله
الموضوع ابسط من كدة ومش مستاهل كل دة
مع انى شايف تحامل كبير على العضو الاخ الكريم احمد
بس الامور متبقاش كدة
كله يصلى على النبى ويستعيذ بالله من الشيطان الرجيم قبل كل رد هيكتبه...
ياترى بقى مين اللى حياخد الوقف ادينا قاعدين ومستنيين
وطبعا كالعاده صاحب الموضوع خلع وساب الدنيا تولع
بس انا ملاحظ ان شنورى مبقاش متسرع زى الاول بقى يعرف يسحب الفريسه صح لمكان الحفره
ماهو الواحد مبيتعلمش ببلاش .
ياجماعة لازم تعرفوا انى باحترم ناس هنا كتير وباقدرهم ولكنى عارف احساس اى حد لما يلاقى نفسه بيتظلم لمجرد ان حد يجامل التانى على حسابه
وبامانة شديدة وبدون تحيز (انا اساسا معرفش صاحب الموضوع لكن اعرف الناس التانية وباحترمهم)...انا شايف ان انتوا بتجاملوا بعض على حساب ahmedbeirut123 وصاحب الموضوع
ممكن يكون دى حاجة لا ارادية لان الطبيعى ان الواحد يكون متحيز لاخوه حبتين ...بس لو كنتوا قريتوا الكلام بدون النظر لاسم اللى كاتبه كان ممكن تشوفوا مين اللى غلط ومين اللى مغلطش
انا عارف ان كلامى هايزعل ناس منى مع انى والله باحترمهم جدا وعشان كدة اتمنى انهم مايزعلوش منى
يعنى لو حد وسط الكلام قال لواحد منكم:مين حضرتك؟؟..مع ان الاسم مكتوب فوق صورة البروفايل...يبقى من الطبيعى ان مش قصده خير خالص...ياريت ماتزعلش منى ياشنورى باشا بس قسما بالله لو اخويا غلط لاقوله انت غلطان وانا عارف ان ده هايزعله..بس الحق حق وكذلك على نفسى
بالنسبة لردى بالنص اللى كنت داخل اقوله قبل ماشوف المشاركات
"المنتدى هنابتاع سيارات وبصراحة قصة الحب بين العضو وعربيته هاتكون اكبر من اى قصة حب تانية فممكن ماتلاقيش تفاعل معاك كبير من الاعضاء "
بس للاسف لاقيت تفاعلات مكانش نفسى اشوفها
قبل ماحد يهاجمنى انا بافكر من منطلق (احط نفسى مكان اللى قدامى)...فياريت قبل اى رد حضراتكوا تحطوا نفسكوا مكان اللى بتكلموه سواء انا او ahmedbeirut123
تحياتى واحترامى لكل واحد فى الموضوع ده