نظام الإفراج المؤقت (التربتك) والتعديلات الجديدة

**M.Gamaledeen** · 16-12-2010 01:04 PM

نظام الإفراج المؤقت أو المعروف باسم التربتيك
هو ما يسمح للمصري أو الأجنبي القادم من الخارج بدخول سيارة للإستعمال الشخصي (ولا يمكن ان يقودها احد غيره) تحت نظام افراج مؤقت لمدة ثلاث شهور, وله الحق بثلاث شهور اخرى مباشرة أو بعد فترة, يعني في السنة الواحدة مايساوي ستة شهور,
وتكون قيمة الثلاثة الأولى 500 جم و 1000 جم للثلاثة شهور الأخرى. ثم يعاد تصدير السيارة مرة اخري لمدة مماثلة (يعني ثلاثة شهور أو ستة شهور) أو يتم تخزينها باحد المخازن او المستودعات المعتمدة (مثل نادي الخليج ) وتكلفة التخزين بتكون حوالي 3200 جم للستة شهور

التعديلات الجديدة المتوقعة بالنسبة لقانون الجمارك

ان يتم الإفراج عن السيارة لمدة شهرين فقط ويمكن التجديد لمدة شهر واحد ثم يعاد تصدير السيارة (أو تخزينها) لمدة 9 شهور بنفس القيم السابقة 500 جم للشهرين و 1000 جم للشهر!!

**fadod** · 17-12-2010 12:02 AM

أعتقد ديه أخبار كويسه جدا للمغتربين والمصريين اللي بالخارج خاصه اللي عايز ينزل عربيه مصر ذي حالتي...أنا كنت قرات تصريح قبل كده على لسان مسؤلين في الجمارك وهم اوضحوا في الخبر إن تقليل فتره السماح من 6 أشهر الي شهرين اتنين علشان وجدوا إن فيه ناس كتير مقيمين اقامه دائمه في مصر وبيجددوا اقامتهم في الخارج أو ناس من الحاصلين على جنسية أخري بهدف إدخال عربيات تحت أرقام جمرك واستعمالها في مصر ..
في الحاله ديه المقيمين في الخارج والخليج ..لو واحد نزل له عربية من العربيات الكبيره ال-4x4 اللي تمنهم معدي النص مليون في مصر ويستعملها شهرين ويخزنها ..500 جنيه في الشهر مش كتير ..اللي بيجرش عربيته في جراج عادي .بيدفع نص المبلغ دة على الاقل ..

أنا شاكر ليك يا محمد على متابعتك معايا ..وربنا يجازيك كل خير ..
أنا بس عايز اتاكد إن التخزين ب-500 جنيه بس مش أكتر وشكرا

**M.Gamaledeen** · 17-12-2010 10:30 AM

كلامك مضبوط يا أ/ فادي وادارة الجمارك شايفة إن مافيش حد بيقعد في مصر اجازة ٦ شهور. و على فكرة ! مدة السماح الجديدة هاتكون ٣ أشهر مش ٢. وفي حاجة كمان عايز أوضحهالك ان ال ٥٠٠ جم دول رسم الخدمة للافراج عن العربية في أول شهرين، وهايكون ليك شهر كمان بس ب ١٠٠٠ جم. مصاريف التخزين زي ماقلت حوالي ٣٢٠٠ جم في ال ٦ شهور.
ولا شكر على واجب (:‏‎ ‎

**د.محمود صلاح** · 18-12-2010 07:30 AM

شكرا للخبر .. انا كنت فاكر انها لسه زي ما هي 6 شهور

**OliverTwist** · 20-04-2011 09:40 AM

الف شكر على الافادة وعندى سؤالان لكم
الاول عن الاماكن المخصصة للتخزين بالاسكندرية - هل هى جراجات الجمارك فقط؟ وهل قيمة التخزين لها علاقة بسعة الموتور؟
الثانى عن ايجار النمر (ارقام السيارة) فى وقت تواجد السيارة فى شوارع مصر (هل صحيح ايجار النمرة ب 50
جنيه فى اليوم) ؟ يعنى لو 3 شهور 4500 جنيه ؟؟؟

**Mohamed_Nour** · 19-01-2014 07:28 PM

طيب انا كان عندي سؤال في ناس كتيير بتقول ان لو نزلت عربيه تربتك ممكن اسافر بيها كل 3 شهور او كل 6 شهور لليبيا او بورسعيد و المده تتجدد تاني هل الكلام ده مظبوط