قال يعني top gear

**mailo** · 16-12-2010 01:59 PM

حد شاف البرنامج الفاكس الفاشل البارد الممل اللي ملوش لازمة اليهوا أصلا مجرد تَضييع وقت وسبب وجيه جدا للإنتحار اللي اسمه driven

ده أنا مش فاهم المفروض يعني ده -top gear الفيرجن السعودي ولا إيه يعني
ولا المقدم البرشت بتاعه ده

أنا كان ليَّ القرف إني أشوف أول حلقة منه وكرهت نفسي وكرهت حياتي أصلا ومن كام يوم كده بقلب لقيته شغال وكان بيعرض فيها اللوتس الجديدة وهو هو نفس المقدم وهيا هي نفس eltopics الفاكسا اللي ملهاش أي 3 لازمة ولا معنى ولا فايدة

اللي يعرف حد في MBC A يقولهم يتلهوا على عينهم وبلا خيبة

**eng.m7md.ali** · 16-12-2010 02:10 PM

هههههههههههههههههههه
انا اول مرة شوفتو بصراحة مت على نفسي من الضحك
مش عارف ايه الهبل والتخلف اللي وصلنا ليه كعرب
وبعدين لو تلاحظ فقرة pimp my ride اللي بقالها اربع حلقات ولسة معملوش حاجة في العربية (بيفكروني بالكابتن ماجد والله )
ولا الناس المملة فعلا اللي تيجي تقدم عربياتهم وعايشين الدور اوي وفاكرين نفسهم امريكان ولا حاجة

بصراحة برنامج فاشل اوي انا بس بتفرج عليه علشان اضحك على الهبل

**MNabeih** · 16-12-2010 02:12 PM

انا للاسف كنت فعلا مستني البرنامج دة و اتفرجت علي اول حلقة,
والله انا كان هاين عليا ارزع التليفزيون في الارض,

اة المستوي الجميل دة, بجد محترفين جدا لدرجة انهم ما يعرفوش يقيموا عجلة bmx
و التقليد الاعمي, دة حتي التقليد مش عارفين يقلدوا

حسبي الله و نعم الوكيل

**Scuderia.M** · 16-12-2010 02:20 PM

مرة اتفرجت عليه للاسف, أكتر حاجة متخلفة شفتها كانت فقرة Gadgets المفروض يجيبه اجهزه كويسة أو لسة جديدة محدش يعرف عنها حاجة, دول كانوا جيبين الFM Transmitter اللي بيتحط في الولاعه! وكمان مش نوع نضيف لأ اللي بيتباع عندنا بـ 20 جنيه!! و الست المذيعة كانت فرحانة قوي بيه
والفقرة اللي عشان يقولك على اسم حاجة يجيب إتنين عاهات يرسمها جرافيتي عالحيط الاول!

**MohssenRashed** · 16-12-2010 02:28 PM

سيسسسسسسسسسس اوي

انا شوفت الحلقة الي كان بيشد بالمرسيدس مع اودي و كانوا فاشلين اوي

بجد البرنامج دة لو اتعمل مصري بناس مصرين بتوع اتوكروس و الناس الفاهمة دي كان هيبقى احلى بكتيرررر

**M.Osman** · 16-12-2010 02:39 PM

انا لما شوفته ضحكت اكتر من حلقات توب جير كلها

يا راجل دا حتى المزيكا التصويرية من nfs

**m_kamal** · 16-12-2010 02:49 PM

انا شفته مرة واحدة ( اول حلقة) و مرارتى اتفقعت و الحمد لله ماكررتهاش تانى ولا هكررها ولا عاوز اكررها

**mailo** · 16-12-2010 03:00 PM

طب كده الحمد لله يعني العيب مش فيَّ

المشاركة الأصلية كتبت بواسطة felix

بصراحة برنامج فاشل اوي انا بس بتفرج عليه علشان اضحك على الهبل

أنا بقى عندي الضغط فمبقدرش أشوف الكلام ده

المشاركة الأصلية كتبت بواسطة MNabeih

انا للاسف كنت فعلا مستني البرنامج دة و اتفرجت علي اول حلقة,
والله انا كان هاين عليا ارزع التليفزيون في الارض,

حسبي الله و نعم الوكيل

هو ده نفس الإحساس اللي جالي فالاول وبعد كده اتطور وكنت بدور على أي حاجة ادشها مالقيتش غير ابني جنبي
بس الحمدلله مراتي لحقته

المشاركة الأصلية كتبت بواسطة Scuderia.M

مرة اتفرجت عليه للاسف, أكتر حاجة متخلفة شفتها كانت فقرة Gadgets المفروض يجيبه اجهزه كويسة أو لسة جديدة محدش يعرف عنها حاجة, دول كانوا جيبين الFM Transmitter اللي بيتحط في الولاعه! وكمان مش نوع نضيف لأ اللي بيتباع عندنا بـ 20 جنيه!! و الست المذيعة كانت فرحانة قوي بيه

والفقرة اللي عشان يقولك على اسم حاجة يجيب إتنين عاهات يرسمها جرافيتي عالحيط الاول!

متفكرنيش بالفقرتين دول ونفس reaction ممكن يجيلك من فقرة الراجل بتاع الصحرا اللي بيقولك على الحاجات اللي فالبنزينة اةةةةةة وانا بقى أعد مستني أشوف الساحر هيعمل إيه

المشاركة الأصلية كتبت بواسطة mohssenrashed

سيسسسسسسسسسس اوي

انا شوفت الحلقة الي كان بيشد بالمرسيدس مع اودي و كانوا فاشلين اوي

بجد البرنامج دة لو اتعمل مصري بناس مصرين بتوع اتوكروس و الناس الفاهمة دي كان هيبقى احلى بكتيرررر

أتوا كروس إيه وبتاع إيه دا لو اللي عمله فالاعدادية كان جاب معلومات أكتر

المشاركة الأصلية كتبت بواسطة M.Osman

انا لما شوفته ضحكت اكتر من حلقات توب جير كلها

يا راجل دا حتى المزيكا التصويرية من nfs

طب شفت بقى الايتم اللي بيقدمه لما كان بيتكلم عالمرسيدس e class وكيف إنها عبقرية ومفيش زيها ويتكلم بقرف عن باقي العربيات

طب شفتوه بقى عالتراك لما معرفش ياخد الملف 90 درجة

هو الواد ده فعلا آخره التاكسي اللي كان راكبه في أول حلقة

**megamoudy** · 16-12-2010 03:26 PM

فعلا اكتر حاجة مستفزة الواد المزيع بريشت فعلا

واللكنة الانجليزية بتاعته مستفزة جدا جدا

على رأي ابراهيم الفقي الناس دي فاقدة الهوية

اه اعرف اكلم انجليزي وامريكي بس مكونش مدلع ومايع كده زي الامريكان انا عربي ف الاول والاخر