السلام عليكم
بعد امتلاكي للهوندا سيتي 2009 حبيت اعمل موضوع عن اكتر الحاجات اللي عاجباني في العربيه ده

اولا: الشكل الثوري
هوندا غيرت شكل السيتي تماما من 2008 ل 2009 والشكل الجديد بجد ابعاده مناسبه تماما - ابعاد العربيه قريبه اوي من ابعاد الالنترا والسيراتو والحجم ده مناسب جد لمصر - الميزه اللي فيها ان الكبوت اصغر وعشان كده الصالون اوسع - الشبكه الاماميه مختلفه تماما عن اي عربيه تانيه










ثانيا: الموتور
طول عمري اسمع ان مواتير هوندا حاجه تانيه خالص - وفعلا الواحد مينفعش يقارنه باي موتور تاني نفس السعه حتى لو ياباني - العربيه 122 حصان وهي 1500 سي سي فقط - التسارع هائل والفتيس الاتوماتيك بتاعها هائل مش بتحس بالنقلات ابدا - اي عربيه وتوماتيك بيكون فيها تاخير واحد ثانيه لو حبيت تعمل كيك داون - لكن العربيه ده الاستجابه فيها لحظيه تقريبا والتاخير ده مش موجود - استهلاك البنزين قليل جدا - انا عايز اقول انها بتستهلك بنزين تقريبا زي الدايهاتسو سريرون ال 1.3 الي كنت بتفاخر دايما باستهلاكها القليل جدا للبنزين





ثالثا: نظام الصوت
نظام الصوت في السيتي بيدعم زياده الصوت او تخفيضه تباعا لسرعه العربيه - يعني كل ما سرعة العربيه تزيد الصوت هيزيد كمان - وبكده يغطى على الدوشه الناتجه من زياده السرعه - كمان في USB و Aux in غير انه اصلا بيقرا CD + MP3 - يعني نظام الصوت فعلا مخليك مش محتاج اي حاجه









رابعا: العدادات
نور العدادات رائع - المعلومات المتوفره رائعه - ترتيبها اروع - بحس انها منظمه اوي - في مؤشر ديجيتال لاستهلاك البنزين الحالي بيتغير حسب دوستك على البنزين - نور التابلو بيكون منور حتى لو انت طافي نور العربيه الصبح وبيكون شاكله شيك اوي - في مؤشرات خاصه باستهلاك البنزين والمسافه اللي ممكن قطعها بالبنزين الموجود في التنك









خامسا: المساحات:
مساحه السياره الداخليه مقارنه بطول العربيه الخارجي يعتبر ممتاز جدا - حجم الشنطه ممتاز عكس شكله الخارجي - الكبوت من الداخل به مساحه واسعه اوي بين الاكصدام والرادياتير ومساحه اوسع بين الرادياتير والموتور نفسه - ده بيحمي موتور العربيه في حاله الحوادث لقدر الله - مساحات التخزين الداخليه ايضا ممتازه - وغطاء تنك البنزين بيشتغل مع السنتر اتوماتيك