اكتر 5 حاجات بحبها في هوندا سيتي
السلام عليكم
بعد امتلاكي للهوندا سيتي 2009 حبيت اعمل موضوع عن اكتر الحاجات اللي عاجباني في العربيه ده
اولا: الشكل الثوري
هوندا غيرت شكل السيتي تماما من 2008 ل 2009 والشكل الجديد بجد ابعاده مناسبه تماما - ابعاد العربيه قريبه اوي من ابعاد الالنترا والسيراتو والحجم ده مناسب جد لمصر - الميزه اللي فيها ان الكبوت اصغر وعشان كده الصالون اوسع - الشبكه الاماميه مختلفه تماما عن اي عربيه تانيه
http://lh4.ggpht.com/_X9AQyEbLxe8/TQ...00/city_07.jpg
http://lh5.ggpht.com/_X9AQyEbLxe8/TQ...00/city_08.jpg
http://lh6.ggpht.com/_X9AQyEbLxe8/TQ...ty_vti_001.jpg
ثانيا: الموتور
طول عمري اسمع ان مواتير هوندا حاجه تانيه خالص - وفعلا الواحد مينفعش يقارنه باي موتور تاني نفس السعه حتى لو ياباني - العربيه 122 حصان وهي 1500 سي سي فقط - التسارع هائل والفتيس الاتوماتيك بتاعها هائل مش بتحس بالنقلات ابدا - اي عربيه وتوماتيك بيكون فيها تاخير واحد ثانيه لو حبيت تعمل كيك داون - لكن العربيه ده الاستجابه فيها لحظيه تقريبا والتاخير ده مش موجود - استهلاك البنزين قليل جدا - انا عايز اقول انها بتستهلك بنزين تقريبا زي الدايهاتسو سريرون ال 1.3 الي كنت بتفاخر دايما باستهلاكها القليل جدا للبنزين
http://lh5.ggpht.com/_X9AQyEbLxe8/TQ...ine-795497.jpg
ثالثا: نظام الصوت
نظام الصوت في السيتي بيدعم زياده الصوت او تخفيضه تباعا لسرعه العربيه - يعني كل ما سرعة العربيه تزيد الصوت هيزيد كمان - وبكده يغطى على الدوشه الناتجه من زياده السرعه - كمان في USB و Aux in غير انه اصلا بيقرا CD + MP3 - يعني نظام الصوت فعلا مخليك مش محتاج اي حاجه
http://lh3.ggpht.com/_X9AQyEbLxe8/TQ...-dashboard.jpg
http://lh4.ggpht.com/_X9AQyEbLxe8/TQ...ty-cd-slot.jpg
http://lh6.ggpht.com/_X9AQyEbLxe8/TQ...y-usb-port.jpg
رابعا: العدادات
نور العدادات رائع - المعلومات المتوفره رائعه - ترتيبها اروع - بحس انها منظمه اوي - في مؤشر ديجيتال لاستهلاك البنزين الحالي بيتغير حسب دوستك على البنزين - نور التابلو بيكون منور حتى لو انت طافي نور العربيه الصبح وبيكون شاكله شيك اوي - في مؤشرات خاصه باستهلاك البنزين والمسافه اللي ممكن قطعها بالبنزين الموجود في التنك
http://lh4.ggpht.com/_X9AQyEbLxe8/TQ...city-meter.jpg
http://lh4.ggpht.com/_X9AQyEbLxe8/TQ...eter-panel.jpg
http://lh3.ggpht.com/_X9AQyEbLxe8/TQ...da-City-24.jpg
خامسا: المساحات:
مساحه السياره الداخليه مقارنه بطول العربيه الخارجي يعتبر ممتاز جدا - حجم الشنطه ممتاز عكس شكله الخارجي - الكبوت من الداخل به مساحه واسعه اوي بين الاكصدام والرادياتير ومساحه اوسع بين الرادياتير والموتور نفسه - ده بيحمي موتور العربيه في حاله الحوادث لقدر الله - مساحات التخزين الداخليه ايضا ممتازه - وغطاء تنك البنزين بيشتغل مع السنتر اتوماتيك
http://lh5.ggpht.com/_X9AQyEbLxe8/TQ...00/city_10.jpg
http://lh6.ggpht.com/_X9AQyEbLxe8/TQ...id%201_770.jpg
http://lh6.ggpht.com/_X9AQyEbLxe8/TQ...ty_vti_004.jpg
http://lh4.ggpht.com/_X9AQyEbLxe8/TQ...da-City-26.jpg
http://lh3.ggpht.com/_X9AQyEbLxe8/TQ...da-City-27.jpg
http://lh5.ggpht.com/_X9AQyEbLxe8/TQ...da-City-29.jpg
http://lh5.ggpht.com/_X9AQyEbLxe8/TQ.../Trunk_770.jpg
