السلام عليكم ورحمة الله يا جماعة
انا كنت قاعد مع واحد فى مبيعات غبور امبارح وقاللى علي فكرة النيو اكسنت الشكل الجديد حتنزل فى معرض الأهرام الشهر الجاى .. وحيبقى سعرها بيبتدى تقريبا من نص التسعينات .. ايه رأيكوا؟
عرض للطباعة
السلام عليكم ورحمة الله يا جماعة
انا كنت قاعد مع واحد فى مبيعات غبور امبارح وقاللى علي فكرة النيو اكسنت الشكل الجديد حتنزل فى معرض الأهرام الشهر الجاى .. وحيبقى سعرها بيبتدى تقريبا من نص التسعينات .. ايه رأيكوا؟
والله ده يتوقف على الموتور اللي هاتنزل بيه والاوبشنز اللي فيها
انما لو زي القديمه وهو مجرد تغيير في الشكل يبقى ما تستاهلش
نص التسعينات !!!!!!!!!!!!!!
يا عم بتوع المبيعات دول نصهم بق على الفاضي ... عاوز بس يعمل شو
ممكن بس ده بيتكلم على حاجة حتحصل فى خلال اقل من شهر يعنى لو ده حيحصل بجد اكيد حيكون الخبر معروف لكل الناس اللى شغالين فى الشركة .. اعتقد كمان انه السعر حيبقى منطقى انها تبتدى من ٩٥ فاضية زى ما كان بيقول
على فكرة هو كان بيقوللى كدة بمناسبة انه هو نفسه عنده نيو اكسنت الشكل القديم وبيفكر يبيعها دلوقتى علشان اكيد سعرها حيرخص زيرو ومستعمل اول ماالناس تعرف ان الاكسنت الجديدة نزلت
فاضل شهر و كله يبان !!
95!!!!!!!!!!!!!!!!!!!!!!!!!!!!
هاهاهاهاهاهاهااههاهاهاهاه هاهاهاههاهاهاهاههاهاهاهاه اهها
ليه؟؟
سبحان الله!!! كدة النيو اكسنت الكورى المانيوال حتبقى اغلى من اليارس اليبانى و الفئات الاعلى منها و اتوماتيك كمان!!!! زى الاوبترا الاتوماتيك و النيسان صنى الاتوماتيك!!! على العموم مينفعش نحكم الا اما نشوفها يمكن تطلع تستاهل السعر دة :dzey:
يا جماعة السعر المتوقع دا اكيد مظبوط
اولا العربيات النيسان الصنى و الاوبترا دى عربيات موديل قديم ولسه مستمرين فى انتاجها لحد انهردة بس الموديلات الجديدة غالية اساسا زى الياريس الفاضية اللى ب 120 الف و لا الهوندا السيفيك الفاضية خالص اللى ب 128 الف و دى نفس فئتهم , الالنترا كمان سعرها لما الجديدة تنزل اكيد هيعدى ال115 او ال120 لاول فئة اوتوماتيك لكذا سبب منهم ان العملة المصرية منهارة (الدولار وصل 5.82) و بعدين العربيات دى متظورة كتير عن زمان و فيها حاجات احدث
بعدين الناس مستغربة ليه اذا كانت العربية دلوقتى فاضية خالص ب 88000!!!
دا كده سعرها داخل على بداية الكيا سيراتو !!!
العربية دى كان المفروض تبدا من نصف التمانينات و الهاى لاين اخره 100 الف
اعتقد شوية كمان كده و مش هنلاقي عربيات سيدان كويسة في رينج ال 80 الف
ربنا يستر
اللانسر 1600 خليجي اتوماتيك فول اوبشن من سنتين كانت ب 100 الف او زيادة حاجة بسيطة
دلوقت اللانسر 1300 خليجي مانيوال ب 100 الف !!!
و هي هيا نفس الشكل
التضخم عامل احلي شغل:khd:
يا رجالة خللوا بالكم ان الاكسنت اللى نازلة دى شاكلها وهم اصلا شكلها اجمد من السيراتو بكتير وبعدين انا اتوقع ان الالنترا الجديدة دى اما تنزل عندنا 2012 تمنها حيخش على ال 150 او 160 الف .. مقارنة بسعر السوناتا 2011 الجديدة اللى هى بيبيعها غبور دلوقتى بسعر 320 الف جنية
سعر مقبول لو هتنزل كاملة بالموتور 1600
امال الالنترا هتنزل بكام؟؟!!
التسعير مش بالشكل يا باشا
ثم السيراتو فئة و الأكسنت فئة تانية
السيراتو من فئة الالنترا و الاكسنت من فئة الريو
و انا زيك متوقع برده ان الالنترا الجديدة غبور حيفترى فيها و ينز الهاى لاين بـ 150 الف !
متوقع لها تبدا من 115 الف الى 150 الف
اي كلام....
انا عمري ما اركب ((اكسنت)))بالسعر ده ابداااااااااااااااااا
اولا العربيه من الفيديوهات باين عليها ضيقه برده والتابلوه بتاعهل سئ جدا ما فهوش اي تعديلات
يعني حتي العربية الي كانت سعرها في المعقول هتغلي
يا جماعة الخبر نصة صح والنص التاني غالبا غلط
قعلا فيه عربية نازلة المعرض بس هتنزل بأسم النتراااااااااا بس برة بتنزل بأسم اكسنت والي عايز يتفرج عليها هيلاقي صورها في معرض الكويت انما نيو اكسنت جديدة مش هينزل لان الي في السوق لسه جداد
بتكلم بجد
انا شايف ان غبور بيكسب بيغالي اوي في اسعار العربيات والمصيبه ان الناس بتشتري مع انهم لو بصوا شويه بره هيونداي هيلاقو حاجات كتير احسن وبفرق سعر قليل او بنفس السعر او اقل كمان
فعلا المصريين بيحبو هيونداى لان ناس كتييييير جدا ركباها ومنتشره انتشار رهيب فكله بيفضل يمشى فى السليم ويقولك اجيب زى الناس وخلاص عشان لما اعطل ولااحتاج صيانه الاقى ناس كتير تفيدنى عشان كده تلاقيهم بيدفعو مبالغ كبيره فى هيونداى (او دايو - شيفروليه-) مع انهم لو فكرو كويس ممكن يروحو لليابانى او للاوروبى ولكن كله بيخاف من قطع الغيار والصيانه واهمممم حاجه بيبصو عليها المصريين هيا سعر اعادة البيع (الـ resale ) يعنى الراجل الى بيبيع هيونداى او دايو ده بيبع وهو حاطط رجل على رجل لانه عارف ان سوقها ماشى والطلب عليها كتير وكمان الخساره فيها مش بتكون كبيره
ودى حاجه مش صح لان المفروض ان الى بيجيب عربيه فى الفئه السعريه دى يكون عنده شوية قناعه ويقعد بالعربيه دى مش اقل من عشر سنين مثلا قبل مايفكر يبيع (عربية العمر زى مابيقولو) لكن حبا فى العنطزه والمظهريه كله بيحب يبيع عشان يبقى راكب احدث موديل والناس تشاور عليه
ياريت ياجماعه حد يقولنا آخر كلام : هل الشكل اللى نازل ده هيكون الانترا ولا نيو اكسنت ؟
وهل نزول الشكل الجديد (اذا كان الانترا او نيو اكسنت) هيلغى وجود النيو اكسنت الى موجوده دلوقتى زيرو ؟
وهل سعرها هيتأثر ؟
ارجو الرد لانى ناوى اجيب نيو اكسنت ان شاء الله فى خلال شهرين او تلاته