الموضوع: ماهى اسعار قطع الغيار جيب 1998

استاذ شربينى

الشيروكى عامة تاخد بالك منة وتعملة صيانتة الدورية العربية تديك عينها بجد

الشيروكى لو عطلت بسبب شىء سورى فى اللفظ تافة ووقفتها بتجر حاجات كتير والعطل بيكبر

الشيروكى عايزة تكون ايدك معاها على طول اى حاجة لقدر اللة تحصل على طول تصلحها

مفيش حاجة اسمها اكتر الحاجات اللى بتبوظ فيها لان لو حضرتك واخد بالك منها ومن صيانتها هتخاف من اية الا لوحاجة العمر الافتراضى بتاعها انتهى

اسعار قطع الغيار كويسة مش غالية اوى زى مالناس فاكرة وقطع الغيار كلها موجودة فى الحرفيين وشارع شامبليون ولعلم حضرتك قطع غيار ال6سلندر اللى هى 4000 سى سى ارخص من ال4 سلندر وموجودة اكتر منها

بالنسبة للكشف على العربية كان فى مركز استاذ مينا العضو الفاضل كان بيقول علية وكان بقول عليهم ناس محترمة المركز دة اسمة جيبولى فى صقر قريش فى الاوتوستراد اهم حاجة تخلى بالك منها الكوارين والفتيسين والشاسية لان فى ناس بطلع عين العربية وبتبقى العربية شقيانة معاهم لان الحاجات لو فيها حاجة ولو بسيطة ساعتها هتصرف ثروة طائلة

الشيروكى 98 عربية حلوة ودة تقريبا بداية الشكل الجديد اللى هو قبل الليبرتى كانت معايا بس 4 سلندر بس زى محضرتك قلت استهلكها للبنزين عالى شوية مقارنة بال 4 سلندر

بصراحة مقدرش افيدك فى موضوع المفتاح مسمعتش عنة قبل كدة خالص واللة اعلم بس انا عايز اعرف من حضرتك يعنى اية بدور باى مفتاح هى كانت معايا وعادى كان مفتاحها لونة رمادى

واللة اعلى واعلم فيما قلت

واى استفسار انا تحت امرك

انا ياباشا مش عارف اشكرك ازاي على اهتمامك وعلى ردك على الموضوع وانشاء الله هتابعك بالجديد :)

لا شكر على واجب ياباشا