الموضوع: تعديلات تراها واجبة في سيارتك ( ادخل وادلي برأيك )

اتكلم عن مجموعة الفرامل تحتاج طرمبة سيرفو اقوى من كده الكليبرات الامامية تكون 2 pots

الواجا تكون جنط 16 شداد البطحات يوضع فى كل الموديلات مش البرسونا والجين بس

طبعا كل الا تكلمت عنه يمكن شرائه وتركيبه

الصالون الداخلى اتمنى يكون فى فتحة تكيف خاصه لراكبى الكنبه الخلفية

ولكن طبعا الواجا اصلا تغيرت كليا وبقت ميتسوبيشى قرش كلها

انا هتكلم بالنسبة للواجا
كان نفسي تبقى ثباتها احسن من كدة زي الواجا القديمة
هتقولولي ازاي هقولكو العربية لازم تبقى واطية اكتر من كدة بكتير وكمان جنوط 16 زي زمان وياريت لو فيه فتحة سقف يبقى حلو اوي كدة

اولا بس كل سنة وحضرتك طيب ثانيا بقى نشوف .. انا بصراحة مجربتش الواجا ولكن انا عارف انها قاعدة في جميع سيارات بروتون الثبات الجيد للغاية يعني الساجا مثلا بسم الله ماشاء الله انا بتكلم عليه عشان دي العربية اللي جربتها بنفسي ولكن الإرتفاع صدقني هوة ميزة وعيب في نفس الوقت من حيث طبيعة ارضنا الممتازة الحقيقة للعربيات المنخفضة انا الحقيقة فعلا بيصعبوا عليها اللي جايبين تحفة هوندا = سيفيك في القاهرة !!!! ولكن اعتقد بأن القليل من الإنخفاض في الإرتفاع لن يضير شيئا ولكن هل حضرتك متأكد انه القليل من الإنخفاض ها يدي الثبات المطلوب ولا ها تظر تخليها تقريبا ملامسة للأرض ؟ واعتقد فكرة الجنوط فكرة ممتازة وكان نفسي فعلا العربية تنزل بأوبشنز اللي عايزها كده ماشي واللي عايزها كده برضوا ماشي وبصراحة فتحة السقف واضح انه مطلب جماهيريييييييييييييي وعليه فعلا اقبال كبير جدا ...

اتصدق فعلا يا فيلكس مش عارف ليه بروتون مش عامله عربيات هاي لاين بفتحة سقف خالص مع انو انا شايف انها هتبقي ملهاش حل لأن برتون اساسا عربياتها ذات شكل رياضي فتحة السقف بقي هتدي للعربيه شكل احلي كمان بكتير

واضح يا جماعة انه فتحة السقف عليها اجماع في جميع سيارات بروتون .. يبدو انها النقطة المشتركة في جميع سيارات بروتون ..

السلام عليكم ورحمة الله وبركاته

انا معايا جين 2 2009 , انا فعلا كنت اتكلمت قبل كده عن موضوع الساعه والجراب النظاره
ومثبت السرعه , وكمان كان نفسي يزودو الكنبه الخلفيه بمسند , و الحاجه اللي بدايقني
اني ساعات ببقي في مكان مظلم واجي ادور العربيه مابقاش شايف مكان المفتاح ليه ميعملوش
رينج نور حوالين المفتاح وهو موجود فعلا بس مش بينور ...

انا فعلا متابع مع حضرتك وفي اصرار من ملاك الجين 2 انه الساعة حاجة اساسية جدا جدا جدا عندهم وجراب النظارة برضوا ولكن الساعة اعتقد هي المطلب رقم اتنين لملاك الجين 2 بعد مثبت السرعة ...
والساجا برضوا تخلوا من مساند خلفية في الكنبة مع انها المفروضة سيارة اقتصادية لمدينة .. ولكن دي بسيطة هوة الحقيقة في رينج برضوا في الساجا وكذى مرة افتكر انه بينور باليل ولكن اكتشف انه مش بينور واعتقد انها يمكن تكون بتنور في فئات تانية من الساجا ده على اعتبار انه اللي بينزلنا مش Full Option ولكن الله واعلم دي اعتقد برضوا من النقاط اللي فيها اجماع ما بين الساجا والجين 2 والبيرسونا ...

بالنسبه للجن 2 ياريت يكون تانك البنزين اكبر شويه

فتحة سقف

مرايات احلى في الرؤيه

لمبة صالون اماميه

وحدات رفع وتنزيل للزجاج

فوجات اماميه اشيك من كده وعمليه عن كده

وصلة يو اس بي للكاسيت

الاهتمام اكتر بطابلوه السياره تحديدا اماكن مفاتيح التكييف

مالتي قانكشن شكل اخر احلى من ده

مجموعه من الفرامل اقوى من كده

حساسات جانبيه


دي طبعا امنيات ياجماعه ماحدش يزعل مني لاني انا من ملاك الجن 2 الهاي لاين وكان ينقصني الحاجات دي


تحياتي

خلينا نكون اكثر وضوحا قليلا طيب هوة تنك البنزين بتاعها كام وحضرتك عايزها تبقى كام ؟ بصراحة انا كان نفسي برضوا الساجا تبقى مثلا 50 لتر لأنها 40 وكل اسبوع لازم تفويلة ... ولكن الله المستعان وفي انتظار رد حضرتك .. فتحة السقف امر مفروغ منيه واعتقد هوة مطلب من الجميع ..
ممكن حضرتك توضح يعني ايه مرايات احلى في الرؤية يعني هل موقعها سئ في الجين 2 ام مثلا مساحتها اللي بتغطيها قليلة ام ما هي عيوبها ؟ لمبة للصالون امامية انا برضوا مع حضرتك في دي لأنه اي نعم اللمبة الوسطانية كافية ولكن اعتقد ان الإضاءة الأمامية لا غنى عنها برضوا ..
حضرتك الفوجات اعتقد هي صفة مشتركة ما بين البيرسونا والجين2 والساجا ودي مصلحة وهي بتأدي الغرض منها ولكن بصراحة انا مجربتهاش على طريق سفر وضعها ايه ولكن هي كانت ممتازة في الظلام الحالك ولكن لو حضرتك عندك عليها تعقيب انا في انتظار اني اسمعوا من حضرتك .. اعتقد انه الجيل القديم من الجين2 كان الناس ليها جملة واحدة ثابتة عليها يقولك يا عم ده التابلوه بتعها عامل زي لعب الأطفال ولكن مش عارف الحقيقة اذا كان تم تطويره بعد الجيل الأول ام ما يزال يحتفظ بنفس نوعية الأزرار .. الحساسات الجانبية حضرتك تقصد زي اللي بي الباسات 2010 ؟
انا الحقيقة كان ليا تعقيب برضوا الا وهو انه السيارات اللي بيجي فيها حساسات اصلا جاهزة بيبقى في الشاشة الداخلية بتبين قرب المسافات من انهي حساس فيهم عشان وانتا بترجع تبقى متوقع على الأقل انتى اقرب لأنهي جنب ولكن هو شئ يمكن التغاضي عنه الحقيقة ..

موضوع لذيذ...اسمحولي لقول علي الحاجات اللي المفروض تتعدل في الساجا....
1 - الحفره اللي في التابلوه تتسد
2- مسند للقدم اليسري للاوتوماتك
3-ازاز اوتو خلفي
4-مخدع بين الكراسي الاماميه
5- اضاءه لنقلات الفتيس الاوتو
6- جنط اكبر ..مثلا 15
7- كاسيت mp3 وبه وصله USB

انا مش ها اعلق على رد حضرتك عشان حضرتك جبت من الآخر بصراحة ولكن بس بلاش الحفرة دي عشان دي اللي انا عايش عليها الحقيقة وهي تحفةةةةةةةة ههههه يمكن جت معاهم صدفة عشان الإيرباج ولكن انا عاجباني جدا .... ولكن جميع الطلبات اللي حضرتك اتكلمت عليها هيا حاجات انا مقتنع بيها 200 ولكن ضيف عليهم فتحة سقف كمان .. واعتقد جنط 15 كان ها يضفي عليها المزيد من القوة في الشكل والحالي الحقيقة برضو شكلوا حلو ولكن لن يضير شيئا جنط اكبر .. ولكن ممكن على الأقل يخلوا الحاجات اللي زي دي العربية تنزل بفئات الحقيقة يعني هاي لاين في الأوتو وبيز لاين في الأوتو وهكذا حتى يتسنى للمشترى انه يختار بنفسه ..

اتكلم عن مجموعة الفرامل تحتاج طرمبة سيرفو اقوى من كده الكليبرات الامامية تكون 2 pots

الواجا تكون جنط 16 شداد البطحات يوضع فى كل الموديلات مش البرسونا والجين بس

طبعا كل الا تكلمت عنه يمكن شرائه وتركيبه

الصالون الداخلى اتمنى يكون فى فتحة تكيف خاصه لراكبى الكنبه الخلفية

ولكن طبعا الواجا اصلا تغيرت كليا وبقت ميتسوبيشى قرش كلها

حضرتك تاني زميل يتحدث في موضوع الفرامل التي تحتاج تعديد ممكن حضرتك توضح قليلا من وجهة نظر حضرتك ما هي الحاجات اللي شايف انها ناقصة نظام المكابح في السيارة .. ..... انا مع حضرتك في موضوع الشداد واحنا بنسعى فيه في الساجا كمان بصراحة .. اعتقد الواجا كمان يمشي عليها جدا شكل الجنط الـ 16 .. فتحة التكيف الخلفية برضوا امر جميل وموجود في العديد من السيارات في هذه الفئة الحقيقة .. ولكن انا مش عارف الشكل الجديد للواجا واحنا عارفين انه مش ها ينزل هل ها ينزل نفس الشكل الموجود حاليا في مصر ام الوضع ها يبقى ايه وهل الشكل الجديد اللي نزل في ماليزيا تم التغير في الدواخل للسيارة الحقيقة المعلومة دي مش عندي ولكن كل برضوا اضافات حضرتك مفيدة جدل الحقيقة خصوصا التكيف ...

بعد السلام عليكم ..............................................ان ا عربيتى برسونا 2010 اوتوماتيك - والشيئ اللي شايف انه المفروض يتعدل هو الفراغ اللى بين باب الشنطة وهيكلها حيث دائما هذا الفراغ اوالتجويف مليء بالتراب واوراق الشجر وبجد صعوبة دائما فى تنظيفة - ..........ثانيا كنت اتمن وجود جريد فبر اوجلد علي اجناب العربية وبالعتب لوقياتها من التجريح والخرابيش - ولوفى فتحة سقف في العربية كانت تبقى تحفي

اعتقد انه الفايبر اللي من على الجناب ده ها يسئ بشكل كبير يا اخي من منظها وها يخلي شكلها غير محبب الى العديد من الناس ولكن هي اختيار وموجود ويمكن تركيبه برضوا واعتقد انه واضح انه لو فتحنا نسبة للتصويت على فتحة السقف فأنا اعتقد بأنها ستحصل على 120% للحصول عليها في جميع السيارات فهي مطلب واضح جدا من الجميع الكل يطالب بها

وفي انتظار المزيد من الإضافات ...

والله العظيم الناس دي بتقول كلام زي الفل يا خال