السلام عليكم و رحمه الله و بركاته
واحد صاحبى معاها هوندا نفس الموديل بتاعى سيفيك 1994 بس انا مش قادر احدد هى فئه ايه بالظبط
معلومات العربيه
Civic 1994
1500 cc half injection
اوبشن :-
سنتر لوك - بور فقط - تانك و شانطه طبعا من جوه - تسخين زجاج خلفى
مفيش تكيف - مرايا عاده - زجاج عاده الحمد لله ان فى عربيه هههههههههههه
بخبرتى الى على قدى عملت بحث و لقيت ان العربيه ديه اصدار بينزل فى كندا من غير اوبشن و طبعا من غير تكيف علشان محدش محتاجو
فالعربيه ديه تبقى ضمن اسواق ايه بالظبط
و شكرااا
محدش عارف خالص ؟؟ فين خبراء الجيل الخامس
اولا ياباشا لو لقيت كلمة jhm يبقى العربية اصدار يابانى ومكانة على اول كود الشاسية
ثانيا دية امكانيات الel
انا مستنيك يا سمسم باشا من زمان قلت مفيش غيره هو الى حيعرفها
طيب و لو طلعت jhm
يبقى العربيه كدا مش اوربى صح كدا ؟؟
شوف ياباشا عشان تعرف الفرق اذا كان الموديل كندا او يابانى او اوروبى
كل لوحات ارقام الشاسية بتاعة الهوندا اليابان موجودة على لوحة معدنية على القايم الخاص بالسائق من اسفل
لكن بالنسبة للنسخة الكندى هتلاقى ورقة بيضاء ملزوقة على جنب القايم من جهة الباب ومكتوب فيها الdetails بتاعتها وفقا للمعايير الامريكية / الكندية لو لقيتها كدة يبقى تعرف ان العربية دية جاية من كندا
ومش شرط انك لو لقيت كلمة jhm يبقى العربية دية يابانى لكن كلمة JHM اختصار الى JAPAN.HONDA.MOTORS
واصلا فية مصنع للهوندا فى كندا والمكسيك وامريكا وكل واحد بمواصفاتة حسب متطلبات السوق
احنا شوفنا و فعلا لقينا استكير ابيض عليه ال details كدا العربيه من كندا بس الى عايزين نوصلو ان العربيه ديه يتقال عليها سيفيك امريكانى ؟؟
هو اكيد لا ..لا انا اعرف ان الامريكانى و الاروبى فيها اوبشان بس يهمنى اعرف راى حضرتك بردو
و الف شكر و تعبتك معايا وشكرا مره تانيه