توكيل هوندا ............ شكرا

**abf-nassar** · 16-12-2010 08:39 PM

اخواني اعضاء الهوندا
انا عملت الموضوع ده لتوجيه الشكر للتوكيل لاننا زي ما بنهاجم التوكيل لما يكون فيه حاجة غلط يبقي من حقه اننا نشكره لما يتعامل معانا صح
الموضوع اني من كام يوم لقيت الدركسيون تقل جدا وعامل صوت مع اللف شمال او يمين صوت تكتكة عالي - وكمان مع المطبات بدأ يظهر صوت تخبيط حديد في حديد عرفت علي طول ان فيه مشكلة في العفشة والضمان عندي فاضل فيه خمسة شهور
المهم اتصلت امس بالتوكيل لحجز ميعاد صيانة 40000 ك لقيت اول ميعاد في التجمع يوم 3/1/2011 قلت للموظفة مش هينفع عندي مشكلة في العربية علي طول ادتني رقم مهندس الصيانة اتصلت بيه علي الموبايل وبلغته بالمشكلة قالي تيجي بكره الساعة 8 الصبح وفعلا رحت النهاردة وواحد من الورشة خرج جرب العربية معايا قالي دي مشكلة بطاحات وهتتغير في الضمان
دخلت العربية علي الورشة الساعة 9 وانا واقف فوق اشوف بيعمل ايه
وفجأة بعد ماخلص البطاحات ونزل العربية وخرج بيها جربها رجع تاني رفع العربية وبدأ يفك من تاني وفوجئت بيهم جايبين صندوق كبير من المخازن لما فتحة لقيت علبه دركسيون كاملة جديدة وقاموا غيروا علبة الدركسيون بالكامل وكمان قاعدة الموتور وعملوا صيانة الاربعين الف واستلمت العربية الساعة واحدة ونصف وخلال الفترة دي شغل متواصل فيها يعني حوالي اربع ساعات ونصف
والحمد لله العربية رجعت زي الاول واللي دفعته هو قيمه صيانه الاربعين الف وباقي الشغل اتحسب من الضمان من غير اي كلام او حتي محاولة انهم يحملوني اي مبالغ زيادة
الحقيقة فعلا توكيل محترم

**damasry** · 16-12-2010 08:47 PM

شكرا على نقل التجربة الايجابية دى والحمدلله وياريت باقى التوكيلات تكون كده

والف مبروك على صيانة الاربعين واصلاح السيارة

**thesamer** · 19-12-2010 10:18 PM

بصراحة التوكيل دا قمة الاحترام غير توكيلات تانية خالص لان انا بردوا القاعدة بتاعت الموتور عندي باظت و غيروها ليا من غير فلوس و من غير اي مشاكل

**askoda** · 20-12-2010 11:58 AM

هوا انا عندي استفسار على موضوع البطاحات دي هيا علطول بتبوظ ولا ليه مش أول واحد اسمع منه الموضوع ده

**abf-nassar** · 21-12-2010 10:26 AM

المشاركة الأصلية كتبت بواسطة askoda

هوا انا عندي استفسار على موضوع البطاحات دي هيا علطول بتبوظ ولا ليه مش أول واحد اسمع منه الموضوع ده

هو انا كنت سمعت الموضوع ده من واحد او اتنين من الزملاء في المنتدي بس الواضح ان عمرها الافتراضي بينتهي عند 40000 ك لاني لما سألت في التوكيل عن السبب قالوا عمر افتراضي
وطبعا مع الاخذ في الاعتبار حجم المطبات اللي العربية بتقابلها يوميا وتفنن الدولة في وضع المطبات الصناعية وخاصة عيون القط اللي هي كفيلة انها تجيب اجل اجدع عفشة لاي عربية وايضا تفنن بعض الاشخاص في عمل مطبات صناعية بالخرسانة والطوب حسب المزاج

**askoda** · 21-12-2010 10:51 AM

My friend have the same problem now and his car is 2010 and only 20000 KM

**sa7aby** · 01-01-2011 02:03 AM

sorry for typing in English, but the arabic letters are wiped off my key board
I have a Civic 2008, had the same problems since the 20,000 KM, changed the steering box on 60,000 KM, and now the car has the same problem again on 78,000 KM, very noisy on the bumps, it's like iron plates striking underneath the car, now I have 7 months left in the warranty, I began to hate the car already, I'm thinking about selling it and getting a VW Jetta or a 4X4, do you know the price of the steering box? it's 7000 EGP before taxes

**No Comment** · 01-01-2011 04:49 PM

طيب يا جماعة ماتروحوا التوكيل مادام دى مشكلة عامة عند بعض الناس .... ده حقكم وخصوصاً انكم بتقولوا انكم لسة فى الضمان .
بتدل ما تقعدوا تفكروا فى البيع وتروحوا تشتروا عربيات ماركات تانية .
ويهون عليكم برضوا انكم تسيبوا الهونداوية .