عيد جوازي الثالث بعد بكره ...... ايه الهدية المناسبة ؟

**MaZaGAngeE** · 16-12-2010 08:45 PM

ان شاء الله بعد بكرة عيد جوازي الثالث و عايز أعمل مفاجأة حلوة للمدام و أجيبلها هدية ( من يوم ما اتجوزنا مجبتش حاجة ) و مش عارف أجيب ايه ......
عايز اقتراحات من سيدات المنتدى ,

ايه الهدية المناسبة اللي عايزة جوزك يجيبهالك في المناسبة دي ؟

**AhMeD EzZ** · 16-12-2010 08:51 PM

ممكن عشاء هادي في مكان رومانسي "مركب علي النيل مثلا " مع هدية ساعة ماركة محترمة او حاجة دهب
و كل سنة و انت طيب يا باشا

**amir** · 16-12-2010 10:02 PM

المشاركة الأصلية كتبت بواسطة MaZaGAngeE

ان شاء الله بعد بكرة عيد جوازي الثالث و عايز أعمل مفاجأة حلوة للمدام و أجيبلها هدية ( من يوم ما اتجوزنا مجبتش حاجة ) و مش عارف أجيب ايه ......
عايز اقتراحات من سيدات المنتدى ,

ايه الهدية المناسبة اللي عايزة جوزك يجيبهالك في المناسبة دي ؟

ليه مصمم تقطع رزقك كده و تقصر المشاركه علي السيدات؟!!

اولا الف مبروك و ربنا يديم بينكم الود و المعروف و يبارك لكم

ثانيا انا هقول شويه كلام و انت بنفسك هتحدد و تختار

في حاجات معينه اوعي تفكر فيها نهائي بتاتا اطلاقا

زي حاجات المطبخ او البيت عموما اياك ثم اياك تفكر في حاجه كده حتي لو هتكون مساعده ليها في شئون البيت لأن ببساطه ده عيد جوازكم انتو الاتنين
و دي مناسبه انك توريها تقديرك ليها كشريكه حياه
فحاول قدر الامكان الهديه تكون علي المستوي الشخصي بالنسبه ليها و في نفس الوقت تكون حاجه ليها رمز و معني
انا عارف ان الكلام عايم بس علشان انت نفسك اللي عليك الاختيار و لو انا هاقترح يبقي هاقترح عليك لو في امكانك تاخدها اسبوع او 3 ايام حتي في اي قريه سياحيه و اظن حاليا الاقصر و اسوان جوهم مناسب جدا و الاماكن الطبيعيه و المناظر هناك حاجه لا توصف بالكلام

لو مكنش ممكن يبقي ترتب عشاء نيلي في يخت خاص مثلا و لو قدرت تبتكر انك تجيب عازف هيضفي جو مختلف تماما علي الليله كلها و طبعا لازم يكون فيه جرسون يقدم الاكل و ياسلام لو عندك القدره انك تضيف هديه تكون حاجه بتحبها زي دهب او ساعه او اي حاجه علي القياس

اتمني ان كلامي لو مكنش مناسب يبقي علي الاقل فتحلك مجال للتفكير و متشكر علي حرق افكاري الخاصه

و علي فكره انا لسه شايل منك شويه بخصوص اخر مشاركه ليك بخصوص المنتجعات خليت الايام تمر علي و انا

بس الحمد لله ادي ادائه تغلب علي النقطه الحرجه دي

كل سنه و انتم بكل خير و صحه

**zago** · 16-12-2010 10:09 PM

الف مبروك
ونصيحتي ليك تجيبلها اي هديه رقيقه ماعدا...

ماعدا انك تجيبلها عروسه جديده

**M.Elsheikh** · 16-12-2010 10:29 PM

هاتلها برواز شيك و حط فيه صورتك ........ هاهاهاها

انا للأسف قربت على 6 سنين و مشاغل الحياة خدتني
كل انسان لي زوقه علشان كده انت اللي تقدر تحدد هي بتحب ايه
وجود بالوجود وعقبال 1000 سنه ان شاء الله

**blazer** · 16-12-2010 10:30 PM

الف مبروك
ربنا يديم المحبه والمعروف ما بينكم
هحاول اساعدك :d
ممكن تجيب برفان
مايك اب
ساعه
خاتم ذهب
اى هدوم شيك هى بتحبها : جزمه و شنطه مثلا
+اعزمها على العشاء فى اى مكان رومانسى وهادى

**shaddadfalcon1** · 16-12-2010 10:45 PM

انا برده عديت 3 سنين وبصراحه عمري ماجبت حاجه بس بحتفل بيه انا وهي في البيت

نفسي المره الجايه تبقي العمليه متيسره واقدر اجيبلها دهب بدل اللي اتسرق واللي مش قادره تنساه

**shooter123** · 16-12-2010 10:57 PM

الذهب صدقني له مفعول السحر بل هو السحر نفسه

بس طبعا مش الصيني

**ahmedbeirut123** · 16-12-2010 11:05 PM

سلسلة دهب و مكتوب عليها الله

او خاتم دهب ابيض(البنات دلوقتى بتحب الدهب الابيض اكتر من الاصفر)

+بوكيه ورد شيك

او لو هى كانت عايزة تشترى موبايل او فيه ساعة فكارفور عجتها مثلا انزل معاها اشتريها