الموضوع: السكن فى القاهرة

هوه حضرتك ناوي تدفع اد ايه
وايجا ولا تمليك

وحسب الرينج اللي حضرتك هتقوله هيتحدد المكان

بس طبعا طبعا افضل مكان وافرب مكان مدينة نصر بس اسعارها نااااااااااااااار فلو حبيت ممكن افيد حضرتك لان انا ساكن هناك

المشاركة الأصلية كتبت بواسطة puyol

ايه رايك في القاهرة الجديدة ( التجمع التالت )

مش عارف بتهيقلى هتكون أسعار الشقق غالية قوى

المشاركة الأصلية كتبت بواسطة tom_gr

ايه ياعم الى واداك القاهرة
ارجججججججججججججججع

ده انا قعدت فيه كام شهر كنت خلاص قربت اروح العباسية وابقى مجنون رسمى

اهرب يا عم

ربنا يوفقك فى شغلك وحياتك الجديدة ويوفقك تلاقى سكن مناسب ليك ولاسرتك

وحسب خبرتى البسيطة العبور افضل مكان لظروفك

هههههههه
بعيد الشر عليك ، والله فى ناس كتير بيقوللى كدا ... بس ربنا يستر محدش عارف الخير فين!!

ربنا يوفق وادعيلى :)

المشاركة الأصلية كتبت بواسطة amir

تنور القاهره و اهل القاهره

بس مقولتش عايز ايجار ولا تمليك و مدام شغلك قريب من سيتي ستارز ففي اماكن جوه مدينه نصر سواء ايجار او تمليك بس انت قول متوسط فلوسك كام ولايجار ولا تمليك

اخوك بيلف علي شقه لعياده في مدينه نصر بقاله اكتر من سنه و بقيت خبره في اسعار الشقق في مدينه نصر تقريبا!!

ربنا يكرمك يا دكتور ، والقاهرة منوره بأهلها ..
أنا نفسى فى تمليك طبعاً ، بس الفلوس معايا مش قوى .. يعنى بالعافية 200 ألف (بعد السلف والذى منه)
لو فى أماكن جديدة فيها تمليك بالتقسيط يكون كويس..

وربنا يوفقك وتلاقى عيادة مناسبة ، وأجى ازورك ... بس مش هدفع كشف :)

المشاركة الأصلية كتبت بواسطة ahmed nouh

انا نفس قصتك الفترة دى ، كنت مستقر على الانتقال للعاشر من رمضان وبعدين بقيت مضطر تانى اكون فى القاهرة

وياويل الويل من القاهرة ، الحل فعلا هو العبور

اقرب حاجة للقاهرة ، الوقت منها لمدينة نصر مثلا اقل من الوقت من رمسيس لمدينة نصر

مساحات واسعة وخضراء وجو نضيف وفيها اماكن خروج وتسوق محترمة ومستوى اجتماعى جيد واسعار العقارات كويسة جدا

و خلال نص ساعة على اقصى تقدير هتكون فوق الدائرى الى اينما شئت جوا القاهرة

زهراء مدينة نصر معجبنيش جو الصحراء والمطبات الكاسحة اللى مسيطر على المكان واسعار العقارات المبالغ فيها للأماكن الكويسة

شكراً أخى الفاضل ، ربنا يوفقك
والله فى اعضاء كتير بيشحوا العبور .. مشكور على النصيحة

المشاركة الأصلية كتبت بواسطة محمد محمد

فيه في العبور كل مستويات المدارس اللى حضرتك عايزها
حكومي وتجريبي: 8مدارس تقريبا
فرع لمدارس النيل المصرية
مدارس دولية: مدرسة انتركونتيننتال
مدارس خاصة ولغات:6 تقريبا
ازهري: 3مدارس منهم واحدة خاصة
دي المدارس اللى داخل المدينة برة المدينة بقي فيه نفرتاري علي الطريق وطيبة وشوية مدارس تانيين.
بالنسبة للطريق الى مدينة نصر فحضرتك هتلف وانت جاي من العبور من تحت كوبري الحرفيين وترجع علي الدائري اتجاه القطامية وتنزل نزلة مدينة نصر او الماظة هتلاقي نفسك خارج من جنب الكيلو 4.5 عند النادي الأهلي

أهلاً أ. محمد وألف شكر ياباشا بس لوسمحت لى أنا عايز اتعبك شوية. بما انك خبرة فى العبور:)

يا ترى بالنسبة للمدارس الخاصة ، ايه مستواها ورينج المصاريف وسمعتها..
وبالنسبة للشقق هل ايه أنظمة التمليك بالتقسيط ورينج الأسعار؟

المشاركة الأصلية كتبت بواسطة محمد محمد

هو الأخ ساكن معانا جديد.:oc_sun1[1]:

لا انا بدور على شقة فى مدينة نصر

ههههههههههههههههههههههههه :)

المشاركة الأصلية كتبت بواسطة korkor

انا متهيالى ان لو حضرتك شغلك فى مدينه نصر يبقى الاقرب ليك الشروق والفرق مابينهم فى المسافه مش كبير بس الشروق الميزه اللى فيها انك هتخرج مباشره على اتجاه مدينه نصر من غير وجع الدماغ اللى فى طريق اسماعيليه وزحمه جوزيف تيتو والشيراتون وهى تقريبا مماثله للعبور فى كل حاجه وبالتوفيق ليك ان شاء الله

شكراُ يا باشا ، م الحقيقة أنا محتار بس سمعت ان الشروق أغلى من العبور كمان العبور متطورة أكثر..