السكن فى القاهرة

**Mohamed_Ayman** · 16-12-2010 09:06 PM

كل سنة وانتم طيبين

أنا شغلى اتنقل للقاهرة ومحتاج نصيحة لأنسب مكان انقل ليه.
شغلى ان شاء الله فى مدينة نصر سيتى ستارز

محتاج شقة بسعر معقول وتكون قريبة ، مكان هادئ ، أمان للزوجة والأطفال ، خدمات متوفرة ، قريب من مدارس كويسة... يا ترى فى حاجة كدة؟؟!

طب ايه الأنسب: زهراء مدينة نصر وللا العبور وللا الشروق
معليش أنا محتار ومحتاج نصائح أهل الخبرة ،

ايه رأى الأعضاء الكرام

**M.Mostafa80** · 16-12-2010 09:28 PM

بيتهيئلى العبور هى بعيده شويه لكن اسمعانها نضيفه وحواليك مدارس كويسه كتير لو ناوى على لغات ولو عادى اسمع ان المدارس فى المدن الجديده كويسه

**Mohamed_Ayman** · 17-12-2010 11:31 PM

ألف شكر على الرد أخى العزيز ، أنا فعلاً بفكر ف العبور ، بس لو حد ساكن هناك أو عنده فكرة لوسمحتوا يقولى ايه نظام المدارس هناك؟

**M.Elgergawy** · 18-12-2010 12:24 AM

ايه رايك في القاهرة الجديدة ( التجمع التالت )

**tom_gr** · 18-12-2010 12:29 AM

ايه ياعم الى واداك القاهرة
ارجججججججججججججججع

ده انا قعدت فيه كام شهر كنت خلاص قربت اروح العباسية وابقى مجنون رسمى

اهرب يا عم

ربنا يوفقك فى شغلك وحياتك الجديدة ويوفقك تلاقى سكن مناسب ليك ولاسرتك

وحسب خبرتى البسيطة العبور افضل مكان لظروفك

**Ahmed Nouh** · 18-12-2010 03:11 AM

انا نفس قصتك الفترة دى ، كنت مستقر على الانتقال للعاشر من رمضان وبعدين بقيت مضطر تانى اكون فى القاهرة

وياويل الويل من القاهرة ، الحل فعلا هو العبور

اقرب حاجة للقاهرة ، الوقت منها لمدينة نصر مثلا اقل من الوقت من رمسيس لمدينة نصر

مساحات واسعة وخضراء وجو نضيف وفيها اماكن خروج وتسوق محترمة ومستوى اجتماعى جيد واسعار العقارات كويسة جدا

و خلال نص ساعة على اقصى تقدير هتكون فوق الدائرى الى اينما شئت جوا القاهرة

زهراء مدينة نصر معجبنيش جو الصحراء والمطبات الكاسحة اللى مسيطر على المكان واسعار العقارات المبالغ فيها للأماكن الكويسة

**amir** · 18-12-2010 03:23 AM

المشاركة الأصلية كتبت بواسطة mohamed_ayman

كل سنة وانتم طيبين

أنا شغلى اتنقل للقاهرة ومحتاج نصيحة لأنسب مكان انقل ليه.
شغلى ان شاء الله فى مدينة نصر سيتى ستارز

محتاج شقة بسعر معقول وتكون قريبة ، مكان هادئ ، أمان للزوجة والأطفال ، خدمات متوفرة ، قريب من مدارس كويسة... يا ترى فى حاجة كدة؟؟!

طب ايه الأنسب: زهراء مدينة نصر وللا العبور وللا الشروق
معليش أنا محتار ومحتاج نصائح أهل الخبرة ،

ايه رأى الأعضاء الكرام

تنور القاهره و اهل القاهره

بس مقولتش عايز ايجار ولا تمليك و مدام شغلك قريب من سيتي ستارز ففي اماكن جوه مدينه نصر سواء ايجار او تمليك بس انت قول متوسط فلوسك كام ولايجار ولا تمليك

اخوك بيلف علي شقه لعياده في مدينه نصر بقاله اكتر من سنه و بقيت خبره في اسعار الشقق في مدينه نصر تقريبا!!

**korkor** · 18-12-2010 06:23 PM

انا متهيالى ان لو حضرتك شغلك فى مدينه نصر يبقى الاقرب ليك الشروق والفرق مابينهم فى المسافه مش كبير بس الشروق الميزه اللى فيها انك هتخرج مباشره على اتجاه مدينه نصر من غير وجع الدماغ اللى فى طريق اسماعيليه وزحمه جوزيف تيتو والشيراتون وهى تقريبا مماثله للعبور فى كل حاجه وبالتوفيق ليك ان شاء الله

**amir** · 18-12-2010 07:07 PM

المشاركة الأصلية كتبت بواسطة korkor

انا متهيالى ان لو حضرتك شغلك فى مدينه نصر يبقى الاقرب ليك الشروق والفرق مابينهم فى المسافه مش كبير بس الشروق الميزه اللى فيها انك هتخرج مباشره على اتجاه مدينه نصر من غير وجع الدماغ اللى فى طريق اسماعيليه وزحمه جوزيف تيتو والشيراتون وهى تقريبا مماثله للعبور فى كل حاجه وبالتوفيق ليك ان شاء الله

مش صح قوي الكلام كده
لو شغله في مدينه نصر يبقي احسن ليه يسكن في مدينه نصر

بس هو يدخل يقول ناوي شرا ولا ايجار و بكام و احنا نقدر نساعده

و بالنسبه للشروق فممكن يكون كلامك صح ان الوصول هيكون من غير زحمه زي طريق الاسماعيليه بس اطول بكتير اولا ثانيا الشروق مش زي العبور العبور عمرت و فعلا مدينه جميله تخطيطا و سكنا
اما الشروق فلسه شويه كمان و ربنا يسهل و تتعمر و نشوف بقي هتكون عامله ايه

-

الموضوع: السكن فى القاهرة

LinkBack

أدوات الموضوع

عرض

السكن فى القاهرة - انشر الموضوع فى :

-

-

-

-

المواضيع المتشابهه

لراغبى السكن الفورى ( الشيخ زايد )

عيوب ومشاكل السكن فى الدور الأخير ؟

السكن عند الماجيك لاند

تغيير محل السكن

لهواة السكن الراقي في مدينة نصر

الكلمات الدلالية لهذا الموضوع

المفضلات

المفضلات

ضوابط المشاركة