عرض للطباعة
بسم الله الرحمن الرحيم
امبارح استلم صديق لى سيارة نيسان صنى اى اكس اوتوماتيك 2011 زى بتاعتى ال 2010 بس لونها اسود و بحساس اكسجين
الغريب
بصيت على استيكر ضبط هوا العجل بجانب باب السائق فوجئت بان ضغط الهواء الموصى بيه 36 قدام و33 ورا ......زى السوبر صالون
المعروف ان الصنى اى اكس ضبط هواها على 32 قدام و 29 ورا
يا ترا دا استيكر السوبر صالون ولزقوه بالغلط ولا تم تعديل ضغط الهواء !!! علما بان 2011 ليس بها تعديل بالعفشة
رجاء من اللى استلم صنى اى اكس 2011 يقولنا استيكر ضبط الهواء عنده كام !!
36 قدام و33 ورا
معلش يا باشا حضرتك التوكيل هيقولك اظبطها علي 32 قدام و 29 ورا
اطمن يا دكتور فعلا الاستيكر صح واغلب الناس بتعمل باللى مكتوب
لان الكلام اللى مكتوب ده كلام بريدج ستون , ومبلغة بيه مصنع نيسان
فاطمن مش حيكتبوا حاجة غلط , الا لو هما بقا عاوزن يخسروا , لان لو فى غلط اكيد وقتها حيتحملوه
اقتباس:
المشاركة الأصلية كتبت بواسطة ahmed.tv
العجيب ان التوكيل بيضبط على 32 / 29 ومش معترف بالاستيكر
يعنى 2010 يبقى 32 و 29 و 2011 نفس العربيه يبقى 36 و 33
مع ان مفيش تغيير فى العفشه لكن لو سوبر صالون و جنوط ماشى (36 و 33 ) و هو هو نفس الكاوتش بالمللى
عايز كلام مقنع !!!
عشان كلنا ماشيين على اللى بنعمله من زماناقتباس:
المشاركة الأصلية كتبت بواسطة hossam_gabre
والتوكيل نفسه هو اللى قالى لما سالته على عربيات الصنى ليكم
على موضوع المقاسات الجديدة
قالى المواصفات دى مش نيسان اللى حطاها دى بريدج ستون
وبعدين حقولك على حاجة
انا عندى فى التيدا بحط صيف شتا المواصفات اللى مكتوبة على القايم
ولو قلت درجة او حاجة بحس ان الدريكسيون تقل واستهلاك البنزين مش مظبوط شوية
جربوا مرة تظبطوا على المقاس اللى فى قايم الباب وشوفوا حيحصل ايه
يمكن
الباور يكون كويس ويتحسن ويكون اخف واحسن من الاول
والاستهلاك البنزين يكون افضل
جربوا وقولولنا
وارجع تانى واقول ظبط ضغط الهواء لو كان خاطى ممكن يكلفوهم هما خسائر كتير وحيكون وقتها الكاوتش حيتغير على حسابهم
فمش معقول حيكتبوا حاجة غلط
وعلى العموم انا حسال تانى مركز خدمة كبير وناس فى المصنع عشان اعرف السبب ليه زودوا مقاس الهواء كدا
انا بصراحة يا احمد مش عارف اقولك ايه .. دا انت حتي المكالمات ديه كلها ايه ذنبك فيها يعني .. انت محبتك كبيرة علي فكرةاقتباس:
المشاركة الأصلية كتبت بواسطة ahmed.tv
علي العموم انا هزود برده بالمقاسات اللي مكتوبة مع الاعضاء الاحباء في عربياتهم و اشوف هل الفرق هيأثر علي العربية علي ما انت تتصل و تقولنا الاخبار الجديدة
شكرا جزيلا
الله يخليك يا بيشوى وشاكر ذوقك
انا اتصلت فعلا ببريدج ستون وقالولى التزم باللى مكتوب فى القايم
وبخصوص مقاس ضغط الهواء وعلى كلام بريدج ستون سواء فى الرقم الخط الساخن او فرع عمارات العبور اللى سالت عندهم
اصلى اتصلت بالاتنين عشان اشوف الكلام حيكون واحد ولالا
فقالوا:
هما بيعطوا الكاوتشات للمصنع والمصنع هو اللى بحدد المقاسات المظبوطة وفقا الى وزن السيارة وقياستهم اللى شايفنها مناسبة حسب العربية
قولتلهم طيب لو حطوا مقاس خطا فى المصنع , ما انتو حتشيلوا الليلة
قالى لا , حنغير ايوة الكاوتش لو حصل فيه مشكلة ولكن اللى حيتحمل الموضوع مصنع نيسان
فقال امشى حسب التعليمات
قولتله طيب الفنى فى التوكيل بيزود اقل احيانا من اللى مكتوب
قالى يبقا غلطان
وكمان سالته على الصيف نزود والشتا بنقلل والمفاهيم دى ,
قالى غلط بردوا وزى ما مكتوب زود , وكل 10 ايام او بالكتير اسبوعين شيك على الكاوتش
فكدا فاضل المصنع بكره او بعده بالكتير اسال على الحكاية دى واعرف ليه فى فرق بين الموديلات القديمة والجديدة
لان ممكن يكون وزن العربية زاد فعشان كدا زودوا فى المقاسات
بس كنصيحة التزموا بالتعليمات يا جماعة
عشان بتفرق والله فى البنزين وممكن يزيد الاستهلاك لو الكاوتش مقاسه فى الهواء مش مظبوط
و كمان فى الباور مع حركة الدريكسيون لانه ممكن يتقل لو الكاوتش مش مظبوط
طيب دا يفرق من هوا ل نيتروجين؟؟؟؟؟؟؟؟؟
+11111111111111111111111111111111111اقتباس:
المشاركة الأصلية كتبت بواسطة doc_semsem
فعلا العفشة ومقاس العجل والنوع والنقشة وكله مختلفش في موديلات الصني المجمعة محليا وبالنسبة لموضوع الضغوط الجديدة في أخر موديلات النيسان صني السبب الي وصلني من احد المهندسين ان كان في بعض الناس بتشتكي بحدفه بسيطة على السرعات العالية فالقيم الجديدة توصية من المصنع بضبط الإطارات على 36 للإطارات الأمامية و33 للإطارات الخلفية. واعتقد ده السر وراء الإستكر الجديد
ولو كان مثلا زي بعض السيارات يتكتب مقاس الضبط في السرعات الأقل من 150 او 160 ومقاس الضبط (الأعلى) للسرعات الأعلى لكان افضل.
ونصيحة عن تجربة خليك في ضبط الإطارات 32 في الأمام و 29 في الخلف إلا لو انت من مدمني السرعات العالية (ربنا يهديهم ويسلمهم) ولاحظت حدفه فإرفع ضغط الإطارات ل 36 و 33
مراجعة الضبط تتم بصفة دورية والأفضل تشتري مقاس ضغط الإطارات من اي محل عدد او من شارع الجمهورية او ابو الجوخ وتستخدمة سواء بنفسك او عند الفني ويظبطك عليه لأن أغلب الورش المقاس بتاعها بيكون مش مظبوط.
نورت الموضوع يا بشمهندس أحمد علاء
و جزاك الله خيرا على العصير والشيكولاته!!
ده نورك :)اقتباس:
المشاركة الأصلية كتبت بواسطة د.أحمد السعيد
اوعى تكون ضحكت على البنات بحجة تسويس الأسنان وكده :)
ربنا يبارك لكم فيهن ويجعلهن قرة عين لك ولوالدتهن...
أناعندى سوبر صالون 2007 والضبط المكتوب غلى القائم 32 / 29 إيه حكاية 36 / 33
الظاهر كل سنه بنظام !!
2007 العفشة القديمه
الكلام للعفشة الجديدة من اول 2009
الضغط لمقاس العجل ال 15 بوصة 32/29 في الصني منذ بداية الإنتاج في 2005 وحتى بعض موديلات 2010 بعد كده وللسبب الي ذكرته في المشاركة السابقة غيروا الإستكر بتاع الضغط إلى 36/33
والموضوع ده سواء للسوبر صالون او ال ex
مشكوووووور والله يعطيك الف عافيه