هى اة نوع المقاومة اللى بتركب على الليد
عرض للطباعة
هى اة نوع المقاومة اللى بتركب على الليد
يعني ايه نوع المقاومه
هيا المقاومه 330 اوم
انما نوعها مش عارف
غالبا ذكر
:E_braces[1]::E_braces[1]:
ياعم اسف ايه وبتاع ايه
يعني هوا قسم الولاده
الفكره كلها ان الرينج الدايره الواحده ده زي ما ميسو قال معمول بمحول
وده اللي انا قلت انه ب400 جنيه
لان المحول بتاعه غالي والرينج نفسه معمول بنضافه
البديل ايه بقي
انك تعمل الدايره مش كامله وتحط الليدات علي اطراف الدايره وتحط مقاومه تقوم بعمل المحول
وكل ده ميكلفكش 50 جنيه
وتروح تقف جمب البي ام وتقوله
هع هع هع هع
دافع في عربيته ربع ارنب
وانا ب50 جنيه عملت الفوانيس
بقي بالذمه مش غلابه احنا :):POINTIy2[2]:
اللى انا عايزة ال 330 اوم انما ذكر بقى نتاية مش هتفرق شكراااا
يا جدعان محول ايه وبتاع ايه الليد مبيحتجش محول الكلام ده فى الرنج النيون ابو 40 جنيه
الليد كل اللى بيحتاجة مقاومة 560 اوم ب5 قروش او 330 اوم بس كدة الليد مش هيعمر معاك وشكرا على كدة
برده احب اصحح حاجة بالنسبة للبى ام برنجات وليس اللى متركبها رنجات
الرنجاية اصلا بتبقى مصبوبة فى الفنوس ومقسمة بشكل معين وليس نيون ونما هى لمبة عادية سواء كانت بيضاء او صفراء ولما بتحطها الربنج كلة بينور لان اللمبة اصلا بتتحك من ورا الرنج بزاوية ميل معينة ولا انا ولانت ولا اى حد يعرف يعملها الا لو هتعمل فانوس بمواصفات معية فى مصنع
اما الرنجات النيون وده نظرها معرفو بتبقى برده ناس مركبها فى البى ام وخصوصا البى ام القديم عشان مبتبقاش فى الفانوس عندوهم زينا يعنى فانوس عادى لكن اللى احنا بنهملها ده رنج مشابهة تماما للرنج بتاع البى ام ولاكن تغزية النور من اطراف الرنج بلدات واصلة بمقاومة
يعنى اجيب 330 اوم ولا 560اوم انهى احسن ومش تسخن
ال330 عندي شغاله زي الفل ومش بتسخن
انا جربتها عندي نص ساعه قبل ما اركب ومسخنتش
وبعدين ازاي الليد مش حيعمر
اذا كنا احنا حاطين المقاومه عشان الليد يعيش وميتحرقش
وعن تجربه الناس اللي وصلت بدون مقاومات او بمقاومه اصغر من كده
الليد اتحرق ومعاشش كتير
ياريت توضيح للنقط دي ياباشمهندس محمد
اللي أعرفه يا ميكي ،، كل المقاومة بتزيد ،، كل مبيعيش الليد أكتر !! بس المقاومة بتزيد على حساب قوة الأضائة !!
هو ال 330 كويسة جداً أن شاء الله
تقبل مروري !!
شوف يا ريس فائدة المقاومة ديه تقليل التيلر ..وبكدة دخول تيار مناسب لليد وطبعا الليد ليها حد ادنى يادوبك ينور الليد بالعافية وحد اقصى للتيار بعدها الليد تتحرق
احنا بقى بنحط مقاومة تدخل تيار تنور الليد وفى نفس الوقت ميزودش التيار عليها وما تتحرقش انا عن نفسى حطيط 680 اوم وده بيقلل التيار شوية والليد تقعد معايا فترة طويلة
اما بالنسبة ان الليد او المقاومة تسخن فمفيش الكلام ده المقاومة تسخن بس بسبب ان الوات بتعها قليل يعنى ما تتحملش باور عالى عشان كدة انصح بمقاومة 680 اوم,ربع وات ديه تمام اوى للرينج الواحد هينور كويس وفى نفس الوق تقعد فترة كبيرة وفى ناس تانية بتحط 560 اوم عشان تنور اكتر بس وناس تانية تحط 330 اوم عشان تنور اكتر واكتر بس مش هتعمر معاهم
يعنى من الاخر عايز تخلى الليد ينور اكتر تزود اليتار عليه بس ليه حد فى الحرق
وعايز تحميه تحط مقامة تحد اليتار ده
والتيار فى علاقة عكسية مع القاومة
اناكان معايا ليدين بتوع بي ام
كنت مركبهم
كانو جاين في كشاف
كانت الفكره لمبه اسمها سفايه بي 50 قرش
بتغيرها و تتحط في الرينج تلاقه نور
كان امد
بس بعتو بقي والحمدلله
فعلا الليدين توالى مع بعض اذا التيار اللى فيهم واحد فاحنا بنحط مقامة توالى معاهم عشان تحد التيار ده
اذا المقاومة 680 اوم مش هتتقسم على الليدتين ولا حاجة ادام كلهم موصلهم مع بعض الا اذا وصلتهم توازى
اما بالنسبة لو عايز نوصل كل ليدة على مقاومة يعنى مقاومين فى الرينج الواحد فأنا منصحش بيه على الاطلاق
ومبدأيا مينفعش احط الليدين توازى مع بعض عشات كدة التيار هيتقسم على اتنين وبكدة انا هحمل على الكتاوت
مياا مييييييا !! انا مش فاهم أوي ،، بس تقريباً انا فاهمك يا كابو !!
على العموم ،، أنا لقيت ليدايه 12 فولت ،، بابا أصلاً مهندس ألكترونيات و أجهزة طبية ،، و جابلي ليدايه 12 فولت !!
تقريباً ،، لني أنا مش فاكر هو قاللي ايه في التليفون ،، استنوا يجي من المشوار ده و أرد عليكم برد قاطع !!
بس لو كده تمام ،، يبقى حتركب من غير مقاومة و الحمد لله !! :verygood:
معلش يا سمسم للاسف لازم تركبلها مقامة لاتيار العربية عالى بغض النظر عن كونها 12 فولت ولو24 والتيار قليل هتشتغر
على فكرة الليد للى والدك بيتكلم عليها ديه تشتغل عادى بس لفترة تشغير قليلة لا تتعدى الساعتين وتتحرق الا لو ركبتلها مقاومة
يا رجالة المقصود من تركيب المقاومة تقليل التيار مش الفولت...الفولت ثابت فى العربية ولكن اليتار هو المهم
مبرووووووووووووووووك ياميكي الف مبروك ماشاء الله تبارك الله
الله ينور بجد شغل 100/100 والله يعينك على عيون المنتدى بجد في ناس زي الفل
ياعم انا نزلت النخيلي وعند حسام عبد الشافي والناس بتوع الالكترونيات لقيت المقاومه عند النخيلي ورخيصه تمنها 20 قرش
المشكله في الليدات مالقتش الابيض عند النخيلي ولقيت ليدات شفافه بس اضائتها مختلفه تلاقيها احمر دي انا شفتها عند حسام عبدالشافي المهم دلوق الليدات سمعت ان فيها كذا فولت 1.5 و 3 فولت مزبوط ومعرفش ربع او نص واط ايه الفرق وايهم احسن ؟؟؟ اعرفهم ازاي؟؟؟؟؟؟يايريت ميسو يشارك في الاجابه
كمان فيه منهم (اقصد الليدات) مقاسات دا انا لقيت ليدات مقاس كبير تقريبا كانت 10 او 12 مم بتنور ابيض وشفافه عند عبدالشافي ودا موجود في ممر قدام فرع النخيلي الفرع الجديد(مول النخيلي ورا مول البستان بصراحه مرتين اروح ومالقيش رام فاتح) جبت شويه قلت اعمل بيهم بروفه للشغل بس للاسف كبار على قضيب الاكريلك كمان في فرق في الاضاءة لاني لاقيت واحده مقاسها صغير سنه تقريبا 8 مم اضائتها اقوى فانفسي اعرف تفاصيل لان بجد لما جبت الحاجه لاقيت الشغل مش سهل اوي( مقرف ومحتاج تركيز وادوات وبجد الميني كرافت بيفرق في الشغل)وكمان محتاج الواحد فاهم بيعمل ايه ؟ وبعدين لما بتحفر مكان اللمبه بيسيب اثر بيغلوش على الاضاءه المونيكير الشفاف بيجيب نتيجه ولا ايه ؟ وهل في حاجه غير المنكير دا كمان القطع اللي على البار الاكريلك مش سهل خالص محتاج مجهود وتركيز وبيسيب اثر كمان ياخويا ايه حوار الهيت شيرنك او خرطوم المكرونه دخت ومالقتش مقاس مناسب للبار 10 مم لقيت 4 و 6 و 8 وكمان فضلات وفي واحد قالي عندنا شيبسي ومافيش مكرونه هههههههههههههههههههه
في واحد صاحبي بيقولي موجود منها في العتبه لغاية مقاس 12 مم ودي تبقى مناسبه لعود 10 مم
بالمناسبه انا جبت اعواد اكريلك 10 مم لاني مالقتش 8 مم وتخانتهم مناسبه بيتهيالي هايبقم احسن من ال 8 كمان لو احتجت اجيب تاني ممكن اجيب 12 مم عشان اجيب ليدات اكبر
المهم انا عايز تفاصيل عن الليدات (الفولت والوات والمقاس واللون بتاعهم ) ومكان اللي انت جبتها منه وخرطوم المكرونه جبته منين؟ عشان بجد دخت وماجبتش حاجه مناسبه ؟؟؟؟؟؟؟؟ والمقاومه 330 ترتيب الخطوط اللي عليها ايه ؟؟؟؟؟
شوف بقي ياحج محمد
اول حاجه خالص انا جبت الليدات من عند رام عشان اجيب تلجي
الكلام ده من سنه بالتمام والكمال
لما رحت اسأل تاني الواد اللي بعتته راح الجمال مش رام
وبالتالي ملقاش تلجي
التلجي الفرق بينه وبين الابيض طول رجلين الليد
في التلجي اقصر
بس الليد اقوي في الاضاءه واشد بياضا
وطبعا الليدات مقاسات وفولتات بس غالبا حتلاقي 3 فولت
ميسو جاب 3 ونص معرفش منين
رقم رام
23918961
23 ش عبد السلام عارف - الفلكي سنتر
رقم الجمال
27943760
27960753
ش البستان بن قريش - التحرير
ثانيا مين قاللك ان الشغل سهل
شوف تاريخ الشغل امتي واعلان الزهق امتي وشوف تاريخ الانتهاء امتي وانتا تعرف الشغل مقرف ولا لا
ومحاولات بقي وخنقه وتفشل وتنجح
بس يكفي انك عامل حاجه بايدك في النهايه
طعم تاني بجد
المتعب في الموضوع انك بتشتغل في حاجه مش فاهم فيها حاجه ماشي بارشادات مش عن خبره
بتتعمل بمحاولات وانتا وصبرك بقي
ياترمي الحاجه كلها ياتكمل وتبقي مبسوط
اول محاوله ليا كانت من سنه
وفشلت ونفضت ورميت الحاجه
وتاني محاوله ليا هيا دي والحمد لله عدت علي خير
بالنسبه لليدات فهيا ليدات عاديه خالص
ولا مقاس ولا بتاع
ومتجبش حاجه كبيره عشان تخش في الرينج بسهوله
نيجي بقي للحاجات اللي الاستاذ استخدمها في الفيديو
ده راجل ابن ناس ومتوفر ليه امكانيات
انا مش حروح اجيب ميني كرافت ب200 جنيه عشان اعمل رينجات
اجيبه اما ابقي محتاجه وحستخدمه في شغلي
انا كل اللي استخدمته كالاتي
لتخريم الرينجات شنيور
لنزع اثر التخريم زجاجه اسيتون ب4 جنيه
لترشيط الرينج منشار اركت او سكينه مشرشره او صفيحه منشار رفيعه ولو مش لاقيهم بتتباع عندنا في شارع الجمهوريه
للزق السيلوفان وتثبيته بكره شيكرتون اسود (الهيت شرينك ) ولا مكرونه ولا بطاطس الحاجات دي بتتخن وحتخلي الرينج يطلعله كرش
ههههههههههههههههه
تثبيت الرينج عندك 500 طريقه
انا عملت مسدس شمع
مومو عمل بالعجينه
ميسو تقريبا عملها بصمغ عادي ومسدس الشمع بردو
المهم انك توصل للنتيجه
واعمل تجربه واتنين وعشره وخللي النهائي يبقي جوه الفانوس
وجرب الاضاءه مره واتنين وتلاته وعشره
وشوف التوصيلات
عود الاكلريك هوا مقاسين 8 و10
وانا اشتريت الاتنين وفي الاخر استقر علي ال10
لانه افضل في الشغل واسهل
ابقي قابلني لو خرمت ال8 ده
ده طلع عين اهلي وفي الاخر اتكسر من اطرافه
ال8 يبقي حلو لو الرينج واسع عشان تعرف تشتغل براحتك
انما لو ضيق زي عندي حيخنقك
ودي صوره المقاومه
http://i56.tinypic.com/34sfbpw.jpg
ياترى فيه رينجات جاهزة للعربيات القديمة زى ال 132 وال 128 ؟؟
المشكله مش في الرينجات الرينجات مقاسات
المشكله في العربيات دي وش الفانوس بيبقي باغ مشرط
مش بلاستيك شفاف
عشان كده رينجات ولمبات وزينون مبيعملوش حاجه
لازم وش الفانوس الاول يتغير لشفاف عشان يبان فيه اي حاجه
بشكرك جدا اخى funnymickey على الافادة ولكن ياريت حضرتك بما انك جربت الرينجات دى واكيد تعرف اسعارها
بالنسبة لو انا ركبتها على 128 سعرها هيكون فى حدود كام علما انى محتاج حاجه مش مكلفه وبالنسبة برده للفوانيس الامامية سمعت عن حاجه كده بديل للزينون سعرها 90 او 100 جنيه تقريبا ياترى حضرتك ايه رأيك فيها ؟؟
واسف على الازعاج
الرينجات العاديه الموجوده الصيني من اول 30 لحد 50 حسب حجمها
ودي عشان تبقي عارف بتفصل في ظرف شهر بالكتير اوي شهرين
عشان خاماتها الردئيه
والنضيف منها علي ما سألت عامل 400 جنيه
ودي كويسه ومعاها محول وكويسه وبتستحمل
اما موضوع بديل الزينون ده فكله هكص في هكص
وما هي الا لمبات عاديه جدا لونها ابيض وانا مركب منها فيليبس ومش حتديك اضاءه الزينون لو حتي ركبت منها 10 لمبات جمب بعض
الزينون حاجه واللمبات حاجه
بجد مش عارف اقولك ايه لان كلمه شكر حتى قليله فى حقك من متابعتك السريعه معايا فاكتر الف خيرك اخى الكريم واعزرنى معلش فى الاسئله لان انا خبرتى قليله اوى فى موضوع العربيات ده وكمان دى تعتبر اول عربية ليا فاهتلاقينى بستفسر جديد ويادوب مصدقت حوشت قرش قولت اظبط بيها العربية شوية هههههههه
بالنسبة ياباشا انت حضرتك بتقول النضيف ب400 جنيه طب تمام بس ياترى حضرتك تقصد الفانوس الواحد ولا الفانوسين الخلفى مع بعض ؟؟؟؟ وكمان بالنسبة للزينون انا سمعت ان فيها منها نوع لمبات فليبس المانى بيتباع ب500 جنيه تقريبا وده كان واحد عامل اعلان عنه فى منتدى تانى
الحمد لله خصلت الاستفسارات ههههههه ويارب بقا مكونش خنقتك
ياباشا متقولش كده كلنا هنا اخوات وبنساعد بعض
الرينجات الغاليه دي بتكون 200 جنيه للاتنين رينج
يعني لو عاوز تركب رينج واحد في كل فانوس يبقي التكلفه 200 جنيه
لو عاوز 4 يبقي 400 جنيه
والخلفي مبيركبلوش رينجات اصلا
اما الزينون الفيليبس فالموضوع ده حيفيدك جدا لاحد الاعضاء هنا جاب الفيليبس الاصلي وعامل مقارنه بينه وبين اللي انتا بتقول عليه ده
http://www.nilemotors.net/Nile/19366...rsion-kit.html
وانا شفت الزينون اللي انتا بتقول عليه ده واستغربت يعني
يعني هوا التوكيل اهبل مثلا
حاجه بتتباع بره ب500 وب800 ويبيعها هوا باغلي من كده
لقيت ان الفيليبس ده صيني ومضروب وبيتباع علي انه الماني
ممكن يكون نضيف شويه
بس مش زي اللي من عند هاشم باص
اللي عند هاشم باص سعره 1400 جنيه بعد الخصم
بص فرق السعر ؟
اكيد فيه حاجه
انما لمبه فيليبس ب500 جنيه
مستحيل
انا راشق في التوكيل وليا اصحاب هناك
وشفت كل اللمبات اللي عندهم واكاد اكون جربتها كلها ماعدا كام نوع وباقي الاعضاء هنا في المنتدي جربوهم كلهم
وولا واحده منهم ليها اضاءه الزينون
زي ما قلتلك بتدي نور ابيض فقط
واضاءه عاديه بردو ابيض
انما مش بفرشه ومساحه وقوه الزينون
انتا بتتريق
طب عقابا ليك هات الجردل وتعالي ورايا
حنسيق المنتدي كله اوضه اوضه
وموضوع موضوع
اي زحلقتقوني الله يجازيكم اي اي
ياعظمك يارضا
أنا بقى جبت عمودين أكريلك من 3 شهور, و جبت اللمبات و المقاومات و وقفت على كدة علشان كان عندى امتحانات أخر سنة فى طب
و لما خلصت امتحانات جبت من أمريكا ليدات جاهزة على التركيب 12v و متغلفة بسلوكها و زى الفل شكلها نظيف قوى
النهاردة جربت و حطيت فانوس قديم وشه مكسور فى الفرن على خشبة
عملت الفرن على 220 درجة و سبته 10 دقايق, طلعته و حاولت أفك الوش الشفاف, مافيش فايدة خالص اللزق قوى مووووت
حطيت الفانوس 10 دقايق كمان على 280 درجة , بارضو اللزق بتاعه فظيع, هو عبارة عن طبقة سيليكون اسود طخينة جدا
المشكلة كمان الفانوس من تحت كان بدأ يسيح
أعمل اية ؟ دة أنا كنت ناوى أركب عدسات كمان و حوارات و بدأت أتقفل من أولها ! و فانوس البونتو كبير جدا و بايخ كدة
أنا شوفت واحد بيعدل فوانيس كان بيسيح اللزق بتاعها بلهب زى بتاع اللحام, أوديله الفانوس يفكهولى و خلاص ؟
:36_2_33:
هههههههههه ،، مبتدئ ... "أنا بهزر معاك " بص يا سيدي انا الحمد لله اتلسعت كده كتيييير :))
بس أنا كنت بجرب في فوانيس الاشارة ،، لحد الحمد لله متمكنت من الموضوع ،،
نصيحتي ..... ولاعة لهب " مش سخان" من ام 2 جنيه دي ،، و كاتترر ،، و سخن و أقطع ،، و حتمشي معاك زي السكينة في الحلاوة ،، أبتدي من القاعدة الأول ،، سخن بالولاعة على الحته الفاصلة بين الباغة م جسم الفانوس ،، رايح جاي ،، رايح جاي بالولاعة و بعد كده بالكاتر بسرعه أرشقه و أمشي بيه في الحته اللي انت سخنتها ،، حتلاقيه فصلها ،،
بتختلف السهولة في التنفيذ من واحد للتاني ،، حسب السيليكون و المساعدة اللي بيلاقيها من اللي حواليه،، انا عماةً نفذت الموضوع ده في العربية انا و صاحبي ،، رحنا كارفور ،، و نفذنا ،، لقينا الراجل بتاع الامن طابب علينا ،، بيقلنا بتعملوا أيه ،، شكله كان بيحسبنا بنشرب حشيش و العياذو بالله ،، و قاللنا مفيش أشعال خالص في البركينج متأسفين ،، قلتله ماشي ، مشى من هنا و رجعت الكرسي ورا و قعدت براحتي شويه و بقيت اعملها ،، أمسك الفانوس و صاحبي يسخن ،، و مجرد منلاقي الدخان بتاع الحرق أبتده يتكون على جسم الفانوس ،، بجيب الكاتر و أرشأه ،، و أمشي بيه ،،
طبعاً أتعورت في الاول و كان أمر متعب ،، لكن بعد كده بقيت فرحان لما فكيت الفانوس و عملته سموك بنفسي و كان شكله حلو ،، لسه ان شاء الله أخلص الامتحانات المقرفة دي ،، و أعمل الشغل الأكبر ،، و أعمل موضوع ،،
بس بجد نصيحة بلاش الفرن ،، أنا مسيح 4 فوانيس ،، ... :patch2::beated: و مسيحهم مسيحهم ،، استنى كده اجيبلك صورة أحد الفقداء
http://img204.imageshack.us/i/pict0050e.jpg/
http://img692.imageshack.us/img692/4623/pict00482.jpg
اية دة انت بتتريأ على ؟ وااااااء:Copy of rfds:
انت اللى مبتدئ يا عم, فى حد يسيح 4 فوانيس بحالهم ؟! و كمان مدمن تولع فوانيس فى الباركنج!:tongue32:
عموما الجزء اللى بدأ يسيح عندى قعدة الفانوس اللى على الخشب مش الوش الشفاف
هجرب موضوع الولاعة دة بكرة بقى علشان أنا زهقت النهاردة من الفانوس دة
شكرا على المعلومة المفيدة:verygood:
اخي في الله ،، انا بهزر معاك والله :36_3_10[1]: ،، بس مش تزعل المهم
أما لل4 فوانيس ،، الحمد لله انها جت على قد كده ،، و ادينا اتعلمنا منها ،،
و ان شاء الله بالتوفيق مع الفانوس بتاعك ،، و يتفك بسهولة ان شاء الله
أه بس شوف كام واحد عنده الجهاز ده ... :((:star1:
الفانوس ده لو ملزوق بسيليكون لازم يفك
ومش اكتر من 5 دقايق في الفرن
اكتر من كده حيسيح
بس لازم يكون الفرن سخن
عالعموم جرب تجربه سمسم وشوف الموضوع حيعمل معاك ايه
حتبان الماده اللي ملزوق بيها
وانصحك نصيحه
هات فوانيس تانيه غير فوانيس الفبريقه بتاعت العربيه
تكون رخيصه او استيراد
واشتغل فيها براحتك
وخللي الاصلي عشان لو حبيت تبيع محدش يتلككلك
طبعا عارف انك بتهزر, و متشكر جدا على اقتراحك, هاعمله دلوقتى
المادة بتاعته رخمة قوى, هى تقريبا كاوتش مش متأكد, هجرب طريقة الولاعة دلوقتى
و الفوانيس عندى حالتها مش حلوة, متخربشة و كدة, فلو الفانوس المكسور دة نفع هاشتغل فيهم. شكرا على النصيحة :)
مش كاوتش ولا حاجه
هوا سيليكون بس نضيف
فوانيسي كانت معموله بيه
اهم حاجه راجع عالكلبسات بتاعت الفانوس كلها ممكن يكون حاجه منها لسه موجوده هيا اللي مخليه الفانوس قافش
انا قعدت اشد في الفانوس ربع ساعه واحطه لحد ما اتلسع
وفي الاخر طلعت كنت ناسي كلبس مش شايفه
:)
سؤال في السريع
هوا فيه حاجه اسمها فيشه h1 وفيشه h7
عشان انا لما جيت اركب الفوانيس ملقيتش فيش واضطيت اوصل بالاسلاك علي طول
وبصراحه الشغل ده مش عاجبني
بعد استخدام اسبوعين اهو
الحمد لله وقدر الله وما شاء فعل
لقيت رينج وقع لوحده
من مطباتنا الزفت الظاهر خدته وانا ماشي ولا ايه
المهم ان شاء الله انا كنت ناوي افك عشان السلك اللي اتفك في رينج
واظبط بقي موضوع الفيش ده بالمره
واعيد علي تثبيت الرينجات تاني
غالبا حثبتهم بجبس واسمنت المره دي عشان ميقعوش:)
يعني
شكلي كده والله حقضيها اقعد اعمل رينجات بس :)
السؤال دلوقتي اجيب الفيش دي منين
عشان مش لاقيها خالص
كهربائي بقي ولا مين يجبهالي