ميكي انت برنس بجد
وميزو الكس استاذ بمعنى الكلمه
احييكم وارفع لكم القبعة على روحكم المعنويه الحلوة ودمكم الخفيف
بالنسبه للشريط اللي انت عامله تحت بس ياريت يا ميكي بدل ماتعمل شريط ليدات اعمل من نفس البلاستك الاكريلك دا بس اعمل الرفيع 8 مم هايبقى اشيك كدا زي ماقلك ميزو هاتبقى جامده جدا (كانها لمبة نيون بص صغيره ورفيعه) وممكن تركب ليد في النص( بس اما تيجي تركبه تخلي ظهر التوصيلات لورا وتجيب شريط لحام رفيع وتلزقه في ظهرها بالطول ممكن اسود وممكن سيلفر عشان يبقى عاكس وعشان تثبت اللحامات والاسلاك تحت الشريط) عشان هاتبقى حتت الاكريلك طويله دا لو لقيت الاضاءة ضعيفه في النص
بس انا عندي سؤال ممكن يكون عبيط بس انا عارف اجابته وشاكك فعايز اتاكد
هو الوش الكرستال او الفانوس الكرستال دا بيبقى زجاج شفاف و كلير مافهوش النغمشه والتقسيمات بيبقى عامل زي لوح الزجاج العادي بتاع المكاتب والشبابيك من غير النقشات هو دا بالمقصود بيه ؟
طب هو مش ممكن يتباع كوش بس للفانوس الاوريجنال ؟
لو كدا يتباع فين ؟
طب لو مافيش ممكن اصبه او اعمله عموله ينفع الكلام دا ولا ايه ؟وفين لو ينفع يتصبوا؟
انا لحظت ملاحظه مش عارف بقى انا يمكن سقطت حاجه في النص ولا ايه المهم الملاحظه ان الانبوبه او المواسير الاكريلك دي بتبقى عامله زي اللزق بتاع مسدس الشمع بس شفافة وصلبه مش طريه او مرنه مزبوط؟
ومافيهاش نغمشه انا ملاحظ ان فيها عندك شرط او قطعيات داير مايدور هي دي اللي قصدك انك عملتها بالاركتكت مزبوط كدا ؟
طب ايه فايدت الشرط دي هل انها بتعكس الضوء ولا حاجه تانيه؟
وبتعملها كحز على الوش ولا عمق التشريط دا قد ايه؟
بالمناسبه كمان انت ثبتهم بايه بالزبط مالقتش العجينه السحرية دي اصل اول مره اسمع عنهم ؟اعرف اللي انت بتكلم عليها المادتين اللي بيلزقوا في الايد كانك مسيح بلاستك ولا فبر وحطيت ايدك فيهم هي دي اللي انت استخدمتها ؟
بالمناسبة انت سو فاني ياميكي