الموضوع: تجرتي مع شوية صيانة بالأسعار و معلومات اعتقد مهمة

النهارده روحت اعمل شوية شغل في العربية

1- تغيير جوان غطاء التاكيهات

جوان اصلي GM + سيليكون حراري + سلك بوجيهات كوري مش GM + طقم بوجيهات NGK واحد شعلة ياباني العلبة الحمراء = 185 جنية

2- تغيير تيل فرامل ورا و قدام

تيل امامي كوري اسمه faprix مش متاكد من الاسم اوي بس هوا كوري + تيل خلفي جولد كوري = 150 جنية
خرط الطنابير الخلفية عشان كان فيها شفة كده = 15 جنية

3- قاعدة ماكينة يمين ناحية اللي جنب السواق

كنت بحس باهتزاز جامد في التابلوة و زاد مرة واحدة فرفع الماكينة بالكوريك من ناحية القاعدة دي الصوت راح

بعد التغيير الاهتزازات اللي بتحس بيها داخل الكابينة تكاد تكون اختفت .. ولا تقولي رجة المكنة ولا اي حاجة .. الحمد لله

المهم.. قاعدة المفروض انها كوري بس ولا في علية و لا كيسة ولا اي حاجة ولا مكتوب عليها بلدها بس جبتها من محل المفروض انة ثقة = 100 جنية


المصنعية 120 جنية

الشغل صافي شغل حوالي ساعتين كده بس كلة 3 ساعات


الأسعار دي هنا في بورسعيد .. يا ريت اخوانا المصراوية الاسعار عندهم في التوفيقية افضل.. يا ريت يقولولنا عليها
و سعر المصنعية نظامة ايه انا مش مستكترة بصراحة


معلومات عرفتها وانا هناك:

تويوتا افانزا عطلانة زي حالتنا طلمبة بنزين .. انا فرحت اوي مش شماتو و الله بس ده معناة ان مشاكل الطلمبات في كل العربيات .. اكيد صاحبها بيحط 92 او 90 بالميت.. بكلم الميكانيكي بيقولي بنزين مصر كلة هم... الطلمبة دينسو ياباني زي بتاعتنا بس اقصر شوية و جابلة واحد اختها ياباني جديدة قلتلة هوا فية بتاعة نوبيرا ياباني قالي لا

الأسخم من كده ...عشان يفك الطلمبة .. رفع العربية و فك تنك البنزين كلة و سقطه .. و اعد يفك فيها .. مربطو بمسامير 6 باين .. حاجة غلبة
الحمد لله الوضع عندنا اسهل كتير

بالنسبة لأسعار المكن :
اولا مكن النوبيرا 2 المصري 1600 سي سي ده مكن النوبيرا 1 الكوري و ده يعمل بالفتيس الأوتوماتيك حوالي 3000 جنيه علي كلامة
ثانيا مكن النوبيرا 2 الكوري 1500 سي سي ده اغلي من كده شويةتقريبا 3500 جنية

الأسعار دي في دردشة كده يعني تقريبية

اتمني الافاده للجميع