الموضوع: الايفو مانيوال ولا اوتو

الاوتو يا باشا فيها الاتنين,,بالاضافة ان تغيير السرعة من الطارة او من الفتيس نفسه,,و الاوتو عموما لما تسقط نقلة بيشد معاك زي المانيول,,,ده بالاضافة ان الفتيس اللى فيها اسمه ديوالوجيك,,و ده بيوفر معاك في البنزين زي المانيول بالظبط لانه فيها دبرياج بس كمبيوتر العربية هو الي بيقوم بالمهمة ده نيابة عنك و بيتعرف علي اسلوب قيادتك و بيسجلها كمان.

أنا معايا المانيوال و مش هاعرف افيدك عن الاوتو بس اللي احب انصحك بيه لو معاك 100 الف بس زيي...هيبقي قدامك حاجة من اتنين...مانيوال باكيدج 2 او اوتو باكيدج 1......نصيحتي...هات المانيوال باكيدج 2 لان الكماليات الزيادة تستاهل....لكن لو تقدر تدفع 109 الف...يبقي هات الاوتو باكيدج 2 طبعا

بص، و الله اللى انا فهمته من الناس هنا (انا معنديش العربية ولا جربتها )
الفتيس Dualogic
و دة من اسمه dual logic ، يعنى بردو على حسب اللى انا فاهمه، هو نفس مبدأ المانيوال بطريقة شبه اوتوماتيك فى النقل..
يعنى انت تقريبا ممكن تخليه زى الاوتو العادى (بس دى انا مش متأكد منها) و ينقل عادى على 2500 او 3000 تقريبا
و ممكن تخليه مانيوال و هو بيفهم من دوسة البنزين بتاعتك.. يعنى لو الrpm بتاع العربية عدى ال3000 و انت لسة دوسة رجلك على دواسة البنزين لسة ثابنة او كمان زودت فى الدوسة العربية حتكمل على نفس النقلة و الrpm طبعا حيزيد عادى زى المانيوال..
و فى نفس الوقت لو وصلت ل2500-3000 و خففت رجلك عن البنزين ( او تقريبا كمان ممكن تدوس سنة فرامل بس طبعا مش مع البنزين :) ) الفتيس حيفهم انك عايز تنقل للنقلة الاعلى..
دة اللى انا فاهمه و ممكن اوى يطلع غلط فمتاخدش رأيى على انه كلام نهائى و اعتقد انه فيه غلطات فممكن حد من اللى عارف يدخل يعلق على مشاركتى و يعدل فيها لو فيها حاجة صح :D
دة غير ان فى paddle shifter فى الدريكسيون.. دة فيه + او - عشان ينقل لفوق او لتحت.. يمكن يكون هو دة الdualogic مش الكلام اللى انا قلته فوق دة بتاع الدوسة على دواسة البنزين
فى كل الاحوال، ما تاخدش كلامى ثقة بأى حال من الاحوال :)

المشاركة الأصلية كتبت بواسطة yoko

هو فتيس مانيوال بدبرياج كهربى (نصف أوتوماتيك)
لو حطيته على الa هيبقى أوتو عادي جدا زي أي عربيه
لو حطيته على الm هيبقى مانيوال وتنقل إنت بنفسك ومش هتنقل غير لما تنقلها إنت بالفتيس أو الشيفت الي في الدركسيون أو توصل للريد زون
ومن هنا الإتنين المانيوال والأوتو بتوع الإيفو عبارة عن فتيس مانيوال بدسك وإسطوانة فبالتالي الإتنين سحبهم واحد وإستهلكهم في البنزين واحد بس مجرد في الأوتو إنك بتشيل من دماغك دوسة الدبرياج وإنك تنقل لو حطيت a لكن لو m هتريح نفسك من الدبرياج بس وتنقل بنفسك

الف شكر يا باشا بس انا عايز اعرف ظروفو فى المطالع و الزحمه زى الوتو العادى و لا بيكركر لو طلعت مرة واحدة و كل التفاصيل ديه يعنى كان فيه ناس قالت ان لو فرملت مرة و احدة و جيت اطلع تانى حتنط و تكركر كده علشان طده عايز التفاصيل ديه مهمة كتييير

المشاركة الأصلية كتبت بواسطة yoko

طنت وتكركر أكيد الي سايق هو الي مش عارف يسوق (مع كامل إحترامي)

ايوه كده انا اطمنت :) شكرا ليك يا يوكو و ان شاء الله ربنا يكرم

المشاركة الأصلية كتبت بواسطة prince93

بص، و الله اللى انا فهمته من الناس هنا (انا معنديش العربية ولا جربتها )
الفتيس Dualogic
و دة من اسمه dual logic ، يعنى بردو على حسب اللى انا فاهمه، هو نفس مبدأ المانيوال بطريقة شبه اوتوماتيك فى النقل..
دة اللى انا فاهمه و ممكن اوى يطلع غلط فمتاخدش رأيى على انه كلام نهائى و اعتقد انه فيه غلطات فممكن حد من اللى عارف يدخل يعلق على مشاركتى و يعدل فيها لو فيها حاجة صح :D
يمكن يكون هو دة الdualogic مش الكلام اللى انا قلته فوق دة بتاع الدوسة على دواسة البنزين
فى كل الاحوال، ما تاخدش كلامى ثقة بأى حال من الاحوال :)

كلامك مضبوط ياPrince93...

المشاركة الأصلية كتبت بواسطة Ahmed_Ezz

الف شكر يا باشا بس انا عايز اعرف ظروفو فى المطالع و الزحمه زى الوتو العادى و لا بيكركر لو طلعت مرة واحدة و كل التفاصيل ديه يعنى كان فيه ناس قالت ان لو فرملت مرة و احدة و جيت اطلع تانى حتنط و تكركر كده علشان طده عايز التفاصيل ديه مهمة كتييير

فى المطالع هيسقط نقلة او 2 لوحده (علشان حساسات ال Slope/Inclination)
وممكن يحرق اكتر على الغيار اكتر علشان يحافظ على سرعة العربية

وفى الزحمة هيدى غيارات حسب سرعة الطريق, وبأستمرار هيحاول يدى غيار اعلى علشان الأستهلاك

لو فرملت مرة واحدة هيسقط غيارات علشان يعمل Engine-Braking ولو دوست بعديها على طول العربية هتطلع جامد فعلا علشان ال rpm بيبقى عالى