الموضوع: فرصة لفترة محدودة وحدة رفع وسنسور للصنى الاتنين مع بعض ب440 جنية

ولو عملت مشكلة ايه الحل !! مين اللى حيسال وقتها !! مش التوكيل اللى مطنش حاليا

حظ حضرتك كويس ومحصلش مشكلة لغاية دلوقتى , لكن ساعة وجود مشكلة اكيد التوكيل حيصحى وحيسال
وبعدين الحاجة اللى حضرتك جايبها كويسة طيب باقى قفص الفاكهة اللى فيه الحاجة الكويسة لو طلع الباقى بايظ , الناس تعمل ايه مش حتتسوح بردوا

ووقتها التوكيل حيسال ومش حيعدى

وزى ما قولت لحضرتك محدش سال لان مفيش مشكلة فى الكهرباء ظهرت عندك والحمد لله ان الحاجة اللى انت جبتها حظك فيها حلو

وصدقنى كمان وقت حتى لو فى عيب من الضفيرة وبعيد عن وحدة الرفع ومكنش بسببها ساعتها التوكيل حتلكك معاك وحيقولك بسببها وحتغير الضفيرة على حسابك , مع ان وحدة الرفع مش هى اللى عملت مشكلة اصلا

احنا بننصح بوجه عام

لان السوق المصرى مالوش امان ابدا فى جودة البضاعة المطروحة فيه , ومن خاف سلم

تحياتى يا فندم

فى البداية اسف جدا على التاخيير فى الرد نظرا لانشغالى الفترة السابقة

المشاركة الأصلية كتبت بواسطة doc_semsem

طيب سؤال هى وحدات الرفع بتكون للأربع ابواب؟
والسينسور بيكون كام عدسة؟
وشكل الشاشة ايه؟

وحدات الرفع للاربع ابواب وكمان بترفع باب باب وضمان سنة

السنسور عدستين واعتقد ان ممكن يركب 4 برضوا لان بيشوى ركب 4 بنفس السعر

المشاركة الأصلية كتبت بواسطة bassamhafez

طب مافيش حظ للتيدا في الليله دي

هو العرض ده فقط للصنى , ولكن اى عربية بتركب اى اكسسورار عندهم مبيكنش فى مصاريف تركيب او ضريبة
والتيدا موجود عندهم وحدة رفع ايطالى ب770 بالتركيب وضمان 3 سنين وبترفع زجاجين اتنين مع بعض
والسنسور هو هو تقريبا بتاع الصنى بردوا بس مش عارف سعره يدخل فى كام لوحده السنسور , واعتقد تقريبا 350 والله اعلم

المشاركة الأصلية كتبت بواسطة megahed124

الله ينور يا كبير بس على الله العرض ده يكون فى مودرن اسكندريه كمان

ياباشا العرض سارى على كل فروع مودرن اللى فى مصر كلهااااا
روح وظبط وادعيلى

المشاركة الأصلية كتبت بواسطة د.محمود صلاح

شكرا لمجهودك المميز .

انا بكون سعيد بوجود معانا فى القسم دايما يا دكتور والله وسعيد بتقديرك وان شاء الله نشوفك قريب يا دكتور

المشاركة الأصلية كتبت بواسطة flavio_egypt

السلام عليكم ورحمة الله وبركاته

اخى الفاضل استاذ احمد اسمحلى استعير كلمة وديع لتهامى باشا فى اعلان ميلودى واقولك

أستاذ :s_thum1[1]:

الله يبارك فيك يا استاذ وائل

المشاركة الأصلية كتبت بواسطة tame

الأخ العزيز أحمد ربنا يجزيك خير على المجهود اللى حضرتك بتعمله . مفيش حد بتقابله مشكله إلا وبيلاقى حضرتك معاه سواء بمعلوماتك الفياضة أو بوجودك معاه لحد ما يخلص مشكلته . ربنا يباركلك فى صحتك وفى أسرتك .أن شاء الله نشوف حضرتك قريب .
بالنسبة لموضوع الريموت : أنا كان المفتاح أتسرق بالريموت ، فغيرت المفاتيح ، أشتريت ريموت جديد بـ 620من مودرن موتورز .

استاذ تامر وحشنى كتيررررررررررررررررررر
شاكر تقديرك الغالى ده يا فندم وكلنا هنا لمساعدة بعضنا البعض

الواحد نفسه يتقابل معاك قريب لان مشفناش حضرتك من ساعة اول مقابلة , وانا عارف انك مطحون فى شغلك , ومع ذلك بتدخل وبتشارك معانا وبتقدرنا , وده بيدل على محبتك لينا وللنايل , وياريت نشوفك فى اقرب فرصة , عشان الناس تتعرف على شخصك الكريم

فعلا استاذ تامر شخصية فى منتهى الذوق والاب والاخلاق والتواضع

المشاركة الأصلية كتبت بواسطة tiger45

بيبيعوا في التوكيل شاشة all in one
اللي فيها gps?????????????????

في عندهم بس للتيدا ومعندهمش للصنى , واللى عندهم للتيدا غالي جدا منصحش حد يجيبه من عندهم الا فى وقت العروض لان تمنها 5500 تقريبا ولما بيكون فى عرض بتدخل فى حدود 3500