تعديل موتور البيتلز

**pompo** · 17-12-2010 02:00 AM

السلام عليكم ورحمة الله وبركاته
انا معايا عربية فولكس 1300 جايبها بقالي سنة وشوية متور 1300 ولسة معملتلهاش عمرة قبل كدة لان العربية كانت حالتها كويسة من ساعت ما جبتها المهم في الفترة الاخيرة ابتدت تاكل زيت ودلوقتي بحطلها زيت التعاون الاحمر السايب ورحت للمكانيكي قالي عاوزة عامرة لان العربية اتغيرلها طقم شمبر قبل كدة والمكانيكي اسمة محمد في حلمية الزاتون
اللي بفكر اعملة اني اغير الشمايز والبساتم بالشمبر الي 1600 هل دة ممكن ولا اجيب ال1300 بتوعا وريح دماغي ولا العمرة احسن من دا كلة ارجوكم افيدوني لان انا محتار جدا والمشكلة اني مبروحش للمكانيكي كتير
لانة مشوارة متعب وبعيد
ارجو الافادة وهكون سعيد جدا واسف على الاطالة:b4_592:

**beetleMOSH** · 17-12-2010 02:54 AM

سمعت انه عادى انك تحط بساتم ال 1600 على ال 1300
و كان فى واحد عارض عربيته للبيع كان عاملها
و استنى برضه باقى ردود الاعضاء

**pompo** · 17-12-2010 05:05 PM

اشكرك اخي العزيز على اهتمامك وسرعة الرد وانا مستني ردود باقي الاعضاء

**smsmxxxxxx** · 18-12-2010 12:16 PM

لما جيت اشترى عربيتي شفت حوالى 3 عربيات متحولين بالطريقة دى من 1300 الى 1600
وكلهم فيهم مشاكل فى الموتور

كلهم قالولى انهم عملنها من سنة بس محتاجة طقم شمبر

بيتهيقلي ان الميكانيكية مبيعرفوش يعدلوها صح

علشان كدة بتحتاج عمرة على طول

انتا لو موتورك اتعمر صح هيبقي كويس جدا 1300 سي سي مش وحش

بس انتا اعمل عمرة عند ميكانيكي يكون كويس ومتستقربش

---------------
محمد سالم

**pompo** · 18-12-2010 05:22 PM

كلامك جميل جدا يا استاذ محمد بس انا سمعت ان متور ال1600 بيجيب 140 و160 مستريح واحنا برضو شباب وعيزين نبرطع بقى على الطريق ههههههههههههههههههه
وكان في حاجة تانية في العربية اني كنت عاوز ارفع وش العربية علشان مش مظبوطة من الناحية بتاعة السواق مايلة شوية اظاهر ان الراجل الي كان معاه العربية كان سمين شوية والعربية على دنجل وكل ما اروح لعفشجي بيتل يقولي مينفعش تعلي من قدام لكن ممكن تعلي وتوطي من العفشة الي ورا ياريت لوحد عندة خبرة يفدني وهاكون شاكر جدا

**beetleMOSH** · 18-12-2010 07:23 PM

انا بال 1200 لما كان ابن ناس و سليم هههههههههه
كنت بجيب بيه 140
و احينا 150 بس كنت بحس فى ال 150 دى ان العربيه بتتقطع
هههههههههه
الله يرحمها ايام
دلوقتى لو جبت 120 يبقى رضا هههههههه

بالنسبه للعفشه
الراجل كلامه صح اكيد
و انا برضه عندى نفس الموضوع
بتاع الجمب اللى مايل ده و هو جمب السواق برضه ( على فكره انا مش تخين هههههه )

و هى بتوطى و تعلى من ورا

فى ناس بتعملها من قدام
بيقلبوا الركب باين او بيقلبوا حاجه كده مش فاكر اسمها بصراحه دلوقتى
بس العربيه بتترفع اوى من قدام
و بالتالى هاترفعها من وررا
و كده العجل هايبقى متنى لجوه
و العربيه هايبقى شكلها عاار
انا موطى العربيه على فكره
و بيديها شكل جامد اوى

بس انت لما تظبط من ورا بتظبط معاك من قدام على فكره

و يا ريت تقولى على العفشجيه دول مكانهم فين
لو فى نطاق مصر الجديده او مدينه نصر

**pompo** · 19-12-2010 02:08 AM

بالنسبة للمتور 1300 اللي في العربية كنت بجيب 120 كم وبحس ان المتور بيتعفرت ومكنتش بدوس علية اكتر من كده

ام بالنسبة للعفشة لو اتهبطت من ورا في مشاكل في المطبات العالية وبياْثر على المتور وخصوصا لو الحمل تقيل وله لأ ؟

اما بالنسبة لما نزلت اسأل عن العفشة اخدت قريبي معايا لأني مش من القاهرة ورحنا لحتة جمب منطقة اسمها الجراج وهناك كل بتوع الفولكس ولكن المكانيكية ممكن تلاقيهم شغالين في العفشة برضو انا اعرف واحد جمب مصر الجديدة في حلمية الزاتون ميكانيكي وبيشتغل في العفشة

**beetleMOSH** · 19-12-2010 02:21 AM

هههههههههههه
لا انا مفيش الكلام ده
رجلى تقيله على العربيات انا
ههههههه

بالنسبه للتهبيط مفيش مشاكل فى المطبات خالص معايا
المقرف بس لو حبيت تطلع على رصيف
مش هاينفع بدهر العربيه
عشان الشكمان و انت طالع
و العلبه و انت نازل
و انا اصلا بقيت متعود اطلعها بوشها على الرصيف
عشان اخف و بعدين مفيش حاجه يتخاف عليها

بتوع العفشه
عارفهم اللى فى عين شمس
و عارف اللى فى الحلميه ده
قصدك مديح !!
اول يمين بعد التعاون من جسر السويس !!

**pompo** · 19-12-2010 02:25 PM

كلامك مظبوط وفي واحد تاني في الشارع الموازي لية اسمة الاسطى محمد ده اللي بتعامل معاة سألتة على العمرة قالي 2000 ج هل كدة غالي ولا مظبوط ؟ ولو في حد مغير الشميز بالبستم بالشمبر ياريت يفيدنا لأني بعد الرد ده بقيت 50% عايز اغيرهم و50% اعمل عمرة

وياريت تقولي تكلفة التهبيط كام ؟ ومين احسن واحد اتعاملت معاه

**beetleMOSH** · 19-12-2010 02:51 PM

والله انا كنت غيرت العفشه كلها عند واحد فى عين شمس
فى شارع العشرين
و خد مصنعيه 80 جنيه
تغييرالعفشه كلها 4 مساعدين و كشف على البيض و ربط الدنجل و علبه الدريكسيون و تهبيط
و التهبيط اصلا سهل مش حاجه صعبه
اللى صعب انه يظبط الجمبين

بالنسبه للعمره انا معارفش اسعار تحديدا
بس اعتقد ان كده كويس
ولا رخيص ولا غالى اوى
يعنى ممكن تنزل فى السعر شويه

و بصراحه مديح ده روحتله كذا مره و كل مره اقولوا انى عندى حاجه فى العربيه
و ده يقولى لا عربيتك سليمه
و مروحتلوش تانى

الموضوع: تعديل موتور البيتلز

LinkBack

أدوات الموضوع

عرض

-

-

-

-

-

المواضيع المتشابهه

للخبراء فى البيتلز( تعديل البيتلز)

تعديل جامد لموتور البيتلز..

تعديل ماتور البيتلز (ٍٍٍsuper sport)

صوت موتور البيتلز

تعديل لموتور البيتلز 1.6

الكلمات الدلالية لهذا الموضوع

المفضلات

المفضلات

ضوابط المشاركة