مخالفت المرور !!!

**elmkaneeki** · 17-12-2010 02:52 PM

المشاركة الأصلية كتبت بواسطة m_elkhishin

يا باشا اذا كان لو انت سايق عربية صاحبك ومعك رخصة قيادتك ومعاك رخصة العربية من حق الضابط يسحب العربية لو مش معاك توكيل رسمي من صاحبك.

اية دة....يعنى مينفعش اسوق عربية ابويا او اخويا؟

**m_elkhishin** · 17-12-2010 03:27 PM

المشاركة الأصلية كتبت بواسطة elmkaneeki

اية دة....يعنى مينفعش اسوق عربية ابويا او اخويا؟

قانونا عشان تسوقها لازم يكون عاملك توكيل قيادة مركبة

قانونا عشان تسوق عربية مش باسمك لازم يكون معاك حاجة من اتنين، اما توكيل قياده ، أو عقد ايجار

**John_Samy_1** · 17-12-2010 05:20 PM

المشاركة الأصلية كتبت بواسطة m_elkhishin

يا باشا اذا كان لو انت سايق عربية صاحبك ومعك رخصة قيادتك ومعاك رخصة العربية من حق الضابط يسحب العربية لو مش معاك توكيل رسمي من صاحبك.

لأ يا فندم, فقط في حالة إن يكون فيه بلاغ ضد العربية تقف. انما لو مفيش أي بلاغات محدش يقدر يعترض. الكلام ده في العربيات التجارية ( جرار, نقل, ليموزين والحاجات ديه ) والمعاقين واللي عليها افراجات جمركية استثنائية انما غير كده مادام معاك الرخصة تسوقها عادي. وديه خطورة إنك تسيب الرخصة في العربية. أنا عرفت المكلم ده من عقيد في مدرسة المرور ( اصلي كنت منضبط وحبيت آخد الرخصة بالطريقة القانونية ).

حضرتك كمان مش هتلاقي توكيل سير أو استخدام. التوكيلات بتكون تعامل مع المرور, بيع, بيع للنفس. انما مفيش توكيل استخدام أو سير.

**elmkaneeki** · 17-12-2010 06:06 PM

المشاركة الأصلية كتبت بواسطة John_Samy_1

لأ يا فندم, فقط في حالة إن يكون فيه بلاغ ضد العربية تقف. انما لو مفيش أي بلاغات محدش يقدر يعترض. الكلام ده في العربيات التجارية ( جرار, نقل, ليموزين والحاجات ديه ) والمعاقين واللي عليها افراجات جمركية استثنائية انما غير كده مادام معاك الرخصة تسوقها عادي. وديه خطورة إنك تسيب الرخصة في العربية. أنا عرفت المكلم ده من عقيد في مدرسة المرور ( اصلي كنت منضبط وحبيت آخد الرخصة بالطريقة القانونية ).

حضرتك كمان مش هتلاقي توكيل سير أو استخدام. التوكيلات بتكون تعامل مع المرور, بيع, بيع للنفس. انما مفيش توكيل استخدام أو سير.

many thanks

**devilishtigers** · 17-12-2010 07:35 PM

المشاركة الأصلية كتبت بواسطة hema_lancer

اولا الظابط اللي اداك ال 50 جنيه ده محترم
لأن في حاله عدم وجود رخصه السياره من حقه ياخدك للقسم للتحري عن السياره
افرض انت سارقها هيعرف هو منين بقي
وياريت ماتنساش الرخصه تاني سيبها في العربيه مدام انت بتنساها كتير كده

على قد ما دا حل
بس حل يخوف
يعني لو حد سرقها هاقوله خد العربية والرخصة هدية
إلا لو بيركنها في جراج

المشاركة الأصلية كتبت بواسطة maserati

السلام عليكم و رحمة الله و بركاته

الحمد لله , أن ربنا سبحانه و تعالى ستر المرة دى .

بس الأحسن أن عمرك ماتركب العربية الا و أنت معاك كل الرخص , عشان ماتسيبش فرصة لأنك تبقى تحت رحمة حد و لا تخلى واحد مايسواش , يمسك عليك غلطة لأن الناس دول فيهم ناقصين كتير و ممكن تقع فى ايد واحد منهم , لو مسك عليك غلطة, هيبيع و يشترى فيك و خاصة لو كان معاك عيلتك أو زوجتك أو خطيبتك, أكيد شكلها مش هيبقى ظريف خالص .

و ربنا يسلملك طريقك أنت و كل المسلمين

+999999999999999
ما تسيبش فرصة لحد انه يمسك عليك ربع غلطة ودا اللي باعمله

**krooota** · 17-12-2010 08:36 PM

يا جماعة كل الكلام ده مظبوط لأنه القانون بيقول حاجة واللى بيتنفذ على أرض الواقع حاجة تانية يعنى القانون بيقولك لو ممعكش رخصة قيادة او رخصة تسيير مركبة لإانت هتتعرض للمسألة القانونية والغرامات بس خلى بالكو من حاجة ان الظابط اللى واقف عاوز اى مبلغ على حسب مزاجه وشوف بقه عاوز يفطر ايه فى اليوم ده ؟ فالقانون ده فى الورق وبس .
بس اللى انا عاوز اعرفه انا يعنى بعد ما حصل الموضوع ده اطمن وامشى وكل فين وفين لما حد يوقفنى ابقه اديله اللى فيه النصيب ولا امش عدل يحتار عدوك فيك ......!!!!

**ahmedamr** · 17-12-2010 08:52 PM

طيب انا كنت عايز اسال ع حاجة انا معايا عربية من غير رخص وكنت عايز اشتري اى عربية عاملة حادثة واضرب ارقام الشاسية واغير ماتور بواحد تانى بورقة اية رايكو فى الحوار دة؟؟؟ ولا اقطع العربية وافكس الحوار دة

**D . a .\ AYMAN** · 18-12-2010 12:32 AM

المشاركة الأصلية كتبت بواسطة john_samy_1

لأ يا فندم, فقط في حالة إن يكون فيه بلاغ ضد العربية تقف. انما لو مفيش أي بلاغات محدش يقدر يعترض. الكلام ده في العربيات التجارية ( جرار, نقل, ليموزين والحاجات ديه ) والمعاقين واللي عليها افراجات جمركية استثنائية انما غير كده مادام معاك الرخصة تسوقها عادي. وديه خطورة إنك تسيب الرخصة في العربية. أنا عرفت المكلم ده من عقيد في مدرسة المرور ( اصلي كنت منضبط وحبيت آخد الرخصة بالطريقة القانونية ).

حضرتك كمان مش هتلاقي توكيل سير أو استخدام. التوكيلات بتكون تعامل مع المرور, بيع, بيع للنفس. انما مفيش توكيل استخدام أو سير.

معلش أنا آسف .. ولكن هذا الكلام غير صحيح ... السيارة التي ليس بها رخصة قيادة ويتم ضبطها .. يجب حجزها قانونا حتى يتم الكشف عنها وعرض قائدها على النيابة المختصة .. ولا يوجد أية إختيارات أو بدائل أخرى

حتى مبلغ الغرامة الـ 50 جنيه اللى تم دفعه بإيصال للضابط غير صحيح .. والضابط إما لا يعرف القاعدة القانونية المنطبقة في هذه الحالة وإما يعرفها وتغاضى عنها (لغرض في نفسه بعدم تصعيد الأمور في واقعة بسيطة حسب رؤيته) ... وإما أن دفتر الإيصالات الذي كان معه غير رسمي

ولا يجوز بأي حال من الأحوال قيادة سيارة من قبل غير مالكها إلا بتوكيل رسمي خاص بذلك من مالكها ... وإذا ما تم ضبط السيارة بقيادة غير مالكها يتم حجزها ثم عرض قائدها على النيابة المختصة .. حتى ولو كان قائدها هو نجل مالك السيارة ومعه ما يثبت ذلك (ولكن الواقع الفعلي أن هذه النقطة يتم التجاوز عنها في الأغلب الأعم من الوقت وتخضع لتقدير الضابط ونظرته الى قائد السيارة)

**M.Elgergawy** · 18-12-2010 01:20 AM

المشاركة الأصلية كتبت بواسطة krooota

انا أولا العربية اللى كنت راكبها معاقين ومكتوب فى الرخصة بتاعتها لا يقودها الا مالكها و حظر جمارك و مجهزة طبيا ولأنه لو شاف الرخصة دى كان هيسحب منى العربية وتروح بورسعيد وأروح اطلعها وادفع 3000 جنيه بس انا فعلا كنت ناسيها لأنى عارف ان الطريق دع مبيقفش عليه حملات لأنى بمشى عليه كل يوم بالعربية مبلاقيش حاجة !
بس لو انا سايق العربية بتوكيل من مالكها . فى غرامة فى الموضوع ده ؟

العربية معاقين وانت مش صاحبها اوعى تخلي معاك رخصتها وامشي برخصتك انت بس وان كان على ال 50 جنيه ادفعها احسن من السحب والغرامة وكمان دفع الجمارك الاصلية بتاعة العربية

**krooota** · 18-12-2010 08:24 AM

المشاركة الأصلية كتبت بواسطة puyol

العربية معاقين وانت مش صاحبها اوعى تخلي معاك رخصتها وامشي برخصتك انت بس وان كان على ال 50 جنيه ادفعها احسن من السحب والغرامة وكمان دفع الجمارك الاصلية بتاعة العربية

انا ممكن امشى برخصة العربية فى حالة واحدة لو دفعت ال 9600 بتوع الجمارك فى بورسعيد عشان لو اتمسكت متتسحبش منى وادفع 3000 جنيه وفى حاجة تانية انا ممكن امشى بالرخصة بس من غير كلمة حظر جمارك بس لو شاف الرخصة هيدفعنى عشان مكتوب فيها لا يقودها إلا مالكها و مجهزة طبيا ودى حسب تقديره اد ايه بقة .. وده طبعا وانا معايا توكيل من المعاق اللى بإسمه العربية ...

الموضوع: مخالفت المرور !!!

LinkBack

أدوات الموضوع

عرض

-

-

-

-

-

-

المواضيع المتشابهه

المرور فى مصر مش وحِش يارجالة ...المرور الأسوأ في العالم.. في مكسيكو سيتي

تواجد مكثف لرجال المرور بالعاصمة لضبط المرور

حد سال نفسة لة المرور طلع قانون المرور الجديد

ايطاليا اللي هيا مصر وقواعد المرور بمناسبة قانون المرور الجديد

المرور وما ادراك ما المرور فى الجمهورية

الكلمات الدلالية لهذا الموضوع

المفضلات

المفضلات

ضوابط المشاركة