الموضوع: مخالفت المرور !!!

المشاركة الأصلية كتبت بواسطة n.y.s.m.a

معلش أنا آسف .. ولكن هذا الكلام غير صحيح ... السيارة التي ليس بها رخصة قيادة ويتم ضبطها .. يجب حجزها قانونا حتى يتم الكشف عنها وعرض قائدها على النيابة المختصة .. ولا يوجد أية إختيارات أو بدائل أخرى

حتى مبلغ الغرامة الـ 50 جنيه اللى تم دفعه بإيصال للضابط غير صحيح .. والضابط إما لا يعرف القاعدة القانونية المنطبقة في هذه الحالة وإما يعرفها وتغاضى عنها (لغرض في نفسه بعدم تصعيد الأمور في واقعة بسيطة حسب رؤيته) ... وإما أن دفتر الإيصالات الذي كان معه غير رسمي

ولا يجوز بأي حال من الأحوال قيادة سيارة من قبل غير مالكها إلا بتوكيل رسمي خاص بذلك من مالكها ... وإذا ما تم ضبط السيارة بقيادة غير مالكها يتم حجزها ثم عرض قائدها على النيابة المختصة .. حتى ولو كان قائدها هو نجل مالك السيارة ومعه ما يثبت ذلك (ولكن الواقع الفعلي أن هذه النقطة يتم التجاوز عنها في الأغلب الأعم من الوقت وتخضع لتقدير الضابط ونظرته الى قائد السيارة)

حضرتك كلامك صحيح انا فعلا ابويا عاملى انا وأخواتى توكيل واحد وحطينه فى العربية عشان اى واحد فينا لو ساقها ودى مش معضلة يعنى بس العملية بترجع لتقدير الظابط يعنى لو لاقنى سايق عربية ابويا او اسمى واسم صاحب الرخصة فى بينا اى قرابة من قريب فيعنى هو وحلاوته وهيدفعنى اى حاجة ده لو حابب يغلس عليا ةانا اعرف ناس كدا كتير وقليل جدا جدا اللى عاملين التوكيل ده .
بس لو انا حبيت آخد عربية واحد صاحبى مشوار كده على السريع . فى الحالة دى هعمل ايه ؟؟ انا هاخدها منه بالليل وانا طالع بيها الصبح ولا هعرف اعمل توكيل ولا عقد إيجار باللبل طبعا . فإيه العمل فى الحالة دى ؟

وفى واحد قالى شيل نمر العربية الجديدة وخد نمر واحد معاه نفس لون العربية والموديل وحطها على عربيتك وكل تمام ومفش حد هياخد باله .

وفى ناس عرضوا علينا رخصة متبيضة يعنى مفيش اى حاجة من الكلام ده فيها ب 700 جنيه وقانونية بس انا مش ضامن ايه اللى هيحصل ففضلت اتمسك وادفع بدل ما اتمسك واتحبس تزوير فى محررات رسمية .

حط نفسك مكان الظابط !!! واحد سايق عربية ومش معاه رخصتها .....ممكن يكون سارقها !!! مع احترامي طبعا ليك انا مش قصدي اي حاجة
الظابط المحترم فعلا يوقف صاحب العربية لحد مايستعلم عنها ، لو لاقدر الله عربية حد اتسرقت هيتمنى ساعتها ان اللي يتمسك بعربية من غير رخصتها يتحبس لحد ما يبان صاحب العربية