أخيرا قريت عنوان (مصر الأولى عالميا) بس يا خسارة

عنوان جميل يتمنى كل مصري ان يقراه في كل المجالات

مصر الأولى عالميا في البحث العلمي
مصر الأولى عالميا في الزراعة
مصر الأولى عالميا في التجارة العالمية
والعديد من المجالات اللي نتمنى نقرا فيها الخبر ده

واخيرا قريت الخبر في موقع محيط (مصر الأولى عالميا)

بس يا خسارة : الأولى عالميا في وفيات حوادث الطرق

والسبب المقطورات - السائقين المدمنين

لا حول ولا قوة الا بالله

مصر الأولى عالميا في وفيات حوادث الطرق

القاهرة : أكد الدكتور أسامة عقيل استاذ الطرق بكلية الهندسة إن مصر تحتل المرتبة الأولى عالمياً في عدد الوفيات الناجمة عن حوادث الطرق .

ودعا أسامة عقيل إلى تخصيص طرق للشاحنات وتشديد الرقابة على السائقين وبخاصة بعد أن أظهرت أخر دراسة أن 30% منهم يتعاطى منبهات.


وأوضح عقيل في لقاء مع برنامج "صباح الخير يا مصر" بالتليفزيون المصري أن المقطورات تُعد سبباً رئيسياً وراء زيادة حوادث الطرق وهناك أكثر من 800 ألف شاحنة يضطر معظم سائقيها للقيادة 10 ساعات متواصلة لتسديد أقساطها، ما يدفعهم لتعاطي المنبهات .


ودعا عقيل إلى ضرورة تخصيص طرق للشاحنات تيمناً بالدول الأوروبية وتوفير الرعاية الصحية وتدريب السائقين وبخاصة أن 97% من نقل البضائع يتم عبر الطرق البرية، مناشداً المستثمرين التدخل لدعم نقل البضائع جواً وبحراً لتخفيف العبء عن الطرق السريعة.


http://www.moheet.com/show_news.aspx?nid=435352&pg=1

ويقوم طالعلك بقا حاجة كدا عادة لابس نظارة ولافع له شوية طيور على كتفه يقولك نحن نبذل ونسعى ونحفر ونردم من اجل سلامة المواطنين على الطرق وان دى تقارير مغرضة من اسرائيل واحنا لقينا الـ gps فى ظهر التقرير وهو جاى من برا !!!

اقتباس:

---

والسبب المقطورات - السائقين المدمنين

---

والطرق الي مفيهاش ريحه الامان والمكسره ده غير المطبات والبلاعات

فعلا المشكلة الاولى فى الطرق ولو حد بيسافر من الزقازيق للقاهرة عالطريق الصحراوى هيحس انه نص الطريق تقريبا فى دريم بارك مش سايق

فعلا الطرق حاجة زفت زفت زفت والمشكلة انها طرق سفر (يعني الواحد بيكون ماشي على سرعة 90 او 100 وفجأة تلاقي نقر وطريق مكسر)
وفوق كل دا المقطورات :_Alshmokh08[1]:

انا من الزقازيق

فعلا الطريق من اول الزقازيق لغاية الكارتة زففففففففففففففففت

اهلا بناس الزقازيق


وتعليقا على الموضوع : مصر اتميزت في شئ سلبي
وحسبي الله ونعم الوكيل

شكرا لمشاركاتكم

طبعا اسباب حوادث الطرق في مصر كتير منها :

1- الطرق السيئة

2- اللامبالاة من السائقين في السير بسرعات عالية

3- عدم احترام اي قوانين مرور نهائيا نظرا لعدم تطبيق اي عقوبات رادعة

4- بعض المشاة اصبح عندهم لامبالاة وكأنهم قرروا الانتحار

5- زمان كانت القيادة فن و ذوق و اخلاق النهاده تخلف وبلطجة والبقاء للأصيع

6- من اسباب القيادة الآمنة المراجعة على الكاوتش قبل التحرك ومفيش اي حد بيعمل كده

7- عدم اتباع 99% من الشعب المصري (مش بس سائقي اللوري والميكروباص) لتعليمات القيادة الآمنة مثل ترك مسافة وعدم التخطي الا في الأوقات المناسبة وغيرها وغيرها .. من الآخر حالة فوضى عامة

في حين ان احنا برضه نفس الناس اللي لما بنسافر ونسوق في اي دولة في العالم بنحترم قواعد المرور تماما

هو للأسف الأخطاء مشتركة بعضها من الحكومة وبعضها من سائقي النقل والميكروباصات وبعضها من المشاه وبعضها من سائقي الملاكي المثقفين واللي مش مفروض يعملوا كده بس لقوا حالة فوضى عامة جات لهم سدة نفس واشتركوا مع الآخرين

للأسف تعددت الأسباب والموت واحد

كل واحد يفتكر يكتب وصيته قبل ما يسوق
والله هم يضحك

ده نتيجة طبيعية للتدهور العام في كل الإتجاهات .

لما يكون الطرق سيئة مع اتهتار سائقي النقل و بعض سائقي الملاكي لازم تكون دي النتيجة
و حتى قطع غيار السيارات المضروبة تؤدي لذلك
واحد صاحبي كان جايب مقصات جديدة و بعد شهرين و هو ماشي بالعربية مقص اتكسر !!!!!!!!!!!!!!!!!!!!1
و لولا ستر ربنا
الله اعلم كان ايه حصله