الموضوع: مطعم وكوفي شوب عمر الخيام (الحرس الجمهوري)

طبعا كلنا عارفين الموضوع ده
http://www.nilemotors.net/Nile/190535-a.html
وبما إني عايز أدبس أبو صلاح في العزومة وعشان ميقولش التكلفة هديلكوا الإكتشاف ده

مطعم وكوفي شوب عمر الخيام (الحرس الجمهوري)
نبتدي الأول مكانة ورا عمارات العبور ورا بريجستون بالظبط

الإحداثيات
30.079442,31.31101

وده عبارة عن مطعك وكوفي شوب وتيك أواي تبع الحرس الجمهوري وأسعارة رخيصة جدا مقارنة ببقيت الأماكن وده لإنه تبع الجيش ومدخلة من برة النادي ولكل الناس (مش لازم يكون رتبة )

المكان جوه عامل زي قاعات الأفراح وشيك جدا (5نجوم)

الأسعار ممتازة
وإحكموا بنفسكوا

على فكرة الكفتة مكنش فيها تقريبا شغط خالص والكباب كيلو بتلو صافي من غير عظم او دهن نهائي

والكيلو بخيرة مش زي بره
وطبق السلطة (طحينة بابا غنوج سلطة خضراء طرشي) ب 3 جنيه الأول كنت فاكرة طبق صغير لكن طلع الطبق يكفي3 أشخاص (شنوري معاك يكفي 2 بس )


نيجي لصورة الأكل


طبعا باين هنا حجم الأطباق وحجم السلطات

نيجي بقى لإنطباعي الخاص
طبعا الكميات والأسعار يخد 10 من 10 بجدارة
مستوى الأكل 7 من 10 للعلم المدريان نفسة كبيرة في تقيمي 8 من 10
(الكفتة تاخد 10 من 10 لكن الكباب والشيش طاووك مكنوش متبلين كويس قوي بس ما زالوا كويسين والشيش كان نصة متبل تحفة ونصة -نص نص- غالبا مكانوش عاملين حسابهم إن حد يطلب كميه)
السلطات 10 من 10 كمية وطعم وكل حاجة
مفيش 10% ضريبة مبيعات
فيه 12% خدمة فقط والجارسونات مجندين وقمة في الإحترام

وكان فيه تحت كوفي شوب وتيك أواي بس مجربتهمش بس واضح إنهم مستاواهم كويس جدا



دلوقتي معندكش حجة يا أبوصلاح