لسة معدي من على المحور ......... شفته منور الإتجاهين ::::::::::)))))))))))))
لسة معدي من على المحور ......... شفته منور الإتجاهين ::::::::::)))))))))))))
ربنا يضلمه قادر ياكريم
ويارب استرها معانا
انا سمعت عن رادار المعادي إن واحد اتصور و هو ماشي 70 و لما بيسأل الضابط اللي عايز يسحب الرخصة قاله إنه ماشي 70 في الشمال و الطريق سرعته ( 90 - 80 - 70 - 60 أو أقل ) بس ده لكل حارة يعني اللي عايز يمشي بالسرعة القصوي يبقى في الشمال و اللي عايز يمشي 80 يبقى في الحارة التانية و هكذا ,
يا ريت لو حد يعرف معلومات عن الموضوع ده ......
-
فاضل يعملوا رادار
يصور اللى بياكل ساندوتشات
ما هوا انك تاكل و انت سايق زي كانك بتتكلم ف الموبايل
حاجه بتلهي عن السواقه
ما بالك باللي بياكل لب بقي طول ما هوا سايق
طيب واللي بيشرب سجاير ومطلع ايده بره زي اللي بيشرب وايده جوه ولا ايه :Oc_sun1[1]:
والله العظيم عالم فاضية خليهم يروحوا يلموا بتوع الميكروباصات اللي مطلعين عينا في كل حته وسيبنهم يقفوا في نص الشارع ويركبوا الناس عشان خاطر ربع جنيه او نص جنيه وممكن يفضل واقف ادامك عشر دقائق لما الواحد ينام :36_1_50[1]:
ربنا معاكم احنا لسه في اسكندريه مطبقش النظام ده عندنا الحمد لله
يا رب الردارات تبقى في كل شبر فيكي يا مصر
عشان السواقين يبطلوا بلطجة و الواحد يعرف يسوق من غير ما اعصابه تشيط من البلاوي اللي بيشوفها من جري الأطفال اللي بيلعبوا فيديو جيمز
مفيش كاميرا بتصور الموبايل او الحزام يا جماعة ، بلاش رعب المجهول يوصل للدرجة دى معانا
بالعقل كدا الكاميرا هتميز الموبايل من عدمه والاكل والحزام ازاى !!!
الرادار بيقرى السرعة يلاقيها مخالفة يروح لاقط صورة وتنتهى وظيفته ، يعنى الكاميرا وظيفتها انها تلقط صورة بس لما موجات او شعاع الرادار يكتشف جسم اسرع من المسموح لكن مش شغالة طول الوقت
Objection
فعلا المخالفات دي بتتصور بس مش أوتوماتيك
أنا ليا قريب في إدارة مرور القاهرة وباشوف الكلام ده بعنيا
عاوز تتأكد بنفسك
لما تقف في إشارة إليكترونية في أي منطقة رئيسية إبقا بص على العامود اللي عليه الفلاش وقوللي شايف إيه
هاتلاقي 3 بوكسات
بوكس فيه الفلاش
وبوكس فيه الكاميرا اللي بتصور
وبوكس تالت فيه كاميرا مابتصورش (الناس فاكراها زينة عشان راس السنة هههههههههه)
الكاميرا التالتة دي سعادتك كاميرا فيديو بتعمل بث مباشر لغرفة العمليات بإدارة المرور شغالة 24 ساعة مابتفصلش لبيان الحالات المرورية والكثافات والحوادث إلخ إلخ
ومش هاتتخيل ان الزووم بتاعها بيوصل انه ممكن يجيب آخر عربية واقفة في آخر الشارع ومكنتش مصدق غير لما شفتها بعيني !!!!!!!!
نفس الفكرة مطبقة في بوكسات الرادارات
طبعا مش هايحطوها في كل البوكسات
ممكن يبقا فيه بوكس واحد أو اتنين بس هما اللي فيها متابعة حية بالفيديو والباقي شغالين رادار فقط
ما علينا
الخلاصة
كاميرا الفيديو دي عليها فرد نظامي مسئول عن ضبط مخالفات الحزام والمحمول عن طريق المونيتور اللي قدامه
بالبلدي كاميرا فيديو وواحد قاعد بيتفرج ولما يشوف مخالفة من دول يدوس عالزر وتلاقيه تك أخدك صورة ..
وقلب في موضوعات المنتدى هاتلاقي ناس كتير اتصورت قبل كده حتى والإشارة خضرا ومايعرفوش هما اتصوروا ليه !!
ماتنساش بقا المرة الجاية لما تقف في إشارة من دول تبقا تطلع راسك م الشباك وتشاور للراجل بتاع الكاميرا وتعمل له باي باي
زي ما أغلب المصريين بيعملوا أول ما تيجي عليهم كاميرا التليفزيون وهما في الاستاد هههههههههههههههههههههههه