ارجو ان تساعدونى فى استفسارى بخصوص كيا سيفيا مو 95 ضورى و سريعا جدا

**douha_wise** · 17-12-2010 08:50 PM

السلام عليكم اخوتى جميعا
معروض على سيارة كيا سيفيا مو 95 لم اراها و ان شاء الله المفروض انى ذاهب صباح الغد لإراها
اسئلتى هى
هل هى سيارة تستحق و هل قطع غيارها متوفرة و اسعارها غالية ام مناسبة
و سعرها لو سيارة جيدة يكون كام
انا اتحدث عن هذا الموديل تحديدا موديل 95 و ليس اعلى
ارجوكم افيدونى سريعا فكما قلت لم يتبقى امامى غير ساعات لإتخاذ القرار المناسب
جزاكم الله خيرا

**max_ziro** · 17-12-2010 09:48 PM

ياباشا العربية دى محترمة جدا و حققت نجاحات بشعة فى بلاد تانية لاكن فى مصر و للاسف مش منتشرة و قطع غيارها غالية

و دة ب النسبة للبودى
اما الماتور ف العربية دى فى منها موديلات كتير
من اول 1500 ل 1800 زى ال سيفيا 2
و فى نها كامة واحدة و فى منها كامتين
اما العفشة و الطنابير ف هى فيها قطع متشابهة مع السيفيا 2
فى المجمل عربية محترمة ولاكنها مش واخدة حقها ..
و حضرتك استخير ربنا و توكل علية
و لو النصيب وقع عليها لو محتاج اى قطع غيار ليها قولى و هجيبلك الى انت عايزة بس استخير ربنا الاول و توكل علية
و للعلم العربية دى كانت معايا قبل ال سيفيا 2
كانت 1600 اوروبى انجكشن و تكيف تتش و فرش جلد و حاجة روعة ..
انا تحت امرك فى اى معلومات تانية ..

**douha_wise** · 17-12-2010 09:59 PM

جزاك الله كل خير اخى و انا كنت لسة ببحث فى اخبار الموديل هذا بالتحديد ووجدت من يقول قطع غيارها متوفرة و من يقول العكس و بينى و بينك هذا الأمر جعلنى اتردد كثيرا انا لا اريد سيارة تزعجنى بموضوع قطع الغيار هذا او انها ممكن تقف حتى اجد قطعه معينة خاصة اننى من اكتوبر و السيارة هامة جدا لى هنا لأن المواصلات فى اكتوبر صعبه جدا و غاليه ايضا لذلك اعتمد انا و اسرتى على سيارتنا
عموما انا طبعا سأستخير الله لكن هناك قلق فى نفسى و الله الموفق