للراغبين .. ملف خاص للكماليات والإكسسوارات... شرح بالصور مع قيمة تقديرية

**spiderloking** · 18-12-2010 06:46 PM

المشاركة الأصلية كتبت بواسطة nistelrooy

حلو اوي الملف علي فكرة ومنظم

انا عايز اعرف ينفع البتاعة الي بتكون ورا الكاوتش دي علشان الماية والطينة تتركب في الجين 2

وياريت لو حد يعرف الدريكسيون بتاع الجين 2 كان انش ( هو غالبا نفس حجم دريكسيون الساجا )

وياض يا لبيد انا مش لاقي زي البتاعة الي انتا مركبها في الاكصدام من ورا ؟

شكلي هاجيلك يوم بس بعد الامتحانات بقي وافضي للعربية ع الاخر :)

ايوه الكاوتشه ديه اللي بتبقي ورا الكاوتش اسمها دلايه يا سموحه انا مركبها في الساجا عندي بتجيبها من اي حد بتاع اكسسوارات و بتركبها بمسمار شك في الكرتيره مش تقلق مفيهاش تخريم في صاج ولا حاجه بتركب في الكارتيره البلاستيك عادي جدا

بالنسبه للدركسيون انا مش عارف انت تقصد ايه بالظبط لو قصدك عاوز تجيب طاره جلد بتركب علي الدركسيون في حلين ايما تفصل الدركسيون جلد عند جينز كار او اي سروجي كويس او تجيب طاره جلد او قماش جاهزه من التوفيقيه او اي حد بتاع اكسسوارات كويس

بالنسبه للكاوتش اللي بيركب علي الاكصدام علشان يحميك من الحك بتاع العربيات او و انت بتركن ديه بتتجاب من اي حد بتاع اكسسوارات و تمنها 15 جنيه تقريبا للمتر او 20 مش متذكر بالظبط بصراحه

لو عاوز تعمل اي حاجه من الحاجات ديه كلمني و انزل معاك نعملهم اعرف ناس كتير

**Nistelrooy** · 18-12-2010 08:39 PM

بلا شك هاكلمك بعد الامتحانات :) وننزل مع بعض نظبط الاداء

قصدي فعلا علشان اجيب طارة علشان اركبها ع الدريكسيون .. بس انا حاسس ان عرض الدريكسيون في الجين والساجا اصغر من العربيات العادية يعني دريكسيون رياضي .. وانا لما روحت كارفور شوفت احجام كتيرة للدريكسيون ..

يعني فاكر انتا العربيات القديمة الدريسكيونات كانت عاملة ازاي .. مش زي الدريسكسيون بتاعنا الميني :)

زي ده مثلا

http://neonpulse.net/media/2009/01/1...ring_wheel.jpg

**sayed911** · 18-12-2010 10:05 PM

اولا تم تصفح الموضوع يا اخي ومتشكرين جدا جدا جدا جدا لحضرتك وفعلا انا ها اعلق عليهم حاجة حاجة لأني بعت اجيب دواسات بحروف زي ما حضرتك قولت ولكن الحقيقة لسة مش عارف تمنهم كام وعلى فكرة انا مركب عندي معطر بشكل جليد على فتحات التكيف وميزته في الساجا انه دوار على 360 درجة يعني انا بوجه الريحة عايزها فين ... و الحاجة اللي ها تجنني بصراحة هية حكاية الولاعة والطفايةةةةةةةةةةة انا من الناس المدخنين وتخيل بقى حضرتك الصبح الساعة 6 والدنيا تلـــــــــــــــــــــــ ـــــــج وطفية السيجارة معاك في العربية يا تفتح الشباك وتطلعها وتنشف يا تعمل اي حاجة في العربية فالحقيقة انا جبت طفاية شكلها حلو من On The Run ولكن مش فاكر سعرها كام لأنها عندي من اكتر من سنتين ولكن عايزين نشوف ولاعة الحقيقة في العربية عشان الوضع كده صعب جدا الحقيقة :D :D :D وبالنسبة للغطاء انا كنت جايب واحد بـ 300 جنيه اللي هوة من جوة قطن ناعم على بوية العربية والحققة هوة غالي لسبب بسيط انه الراجب بيتكبلك على الغطاء مواصفاتك بالكمبيوتر لمنع عدم التعرض للسرقة وها اصوره واوريه لحضراتكم ... زي بتاع سمير ريان كده بنفس الفكرة والمبدأ ..