الموضوع: محتار موبايل ولا تابلت ولا اي باد-شاركوني الراي

المشاركة الأصلية كتبت بواسطة karim_monir

السلام عليكم يا شعبي :-)
الزعيم محتار جدا :-)
دلوقتي معايا موبايل n97 عقيم طبعا وشاشة غبية ومستحيل افتح المنتدى منه
لاني طبعا بدخل لوحات تحكم المنتدى وببقى فاتح شاشاات كتير جدا وبراوزرز كتير
حوالي 3 متصفحات كل واحد 8 شاشات
ومستحيل ادخل كل ده من الموبايل كفاية السيكيورتي والفايرو وول ولينكاتها ببساورداتها
الفكرة دلوقتي اني بتزنق كتير وانا برة وتنقلاتي كتير محتاج ادخل المنتدى او السيرفر او او اظبط حاجات
انا معايا لابت توب صغير وحاجة محترمة جدا ومابيفارقنيش اطلاقا وقريبا مابقفلوش shut down دايما بقفله هايبرنيت عشان يكون في وضع استعداد
هو بتاع الشغل بس معايا دايما وزنه خفيف اقل من كيلو ونص
وشاشتة 12 بوصه بس بالظبط قد الورقة ال a4
بيجي عليا وقت محتاج افتح حاجة سريعة
فكرت اغير الموبايل واجيب حاجة زي ال n8
او
htc desire hd - full phone specifications
او اي اتش تي سي بانردويد او حتى ويندوز موبايل 7
انا بتكلم كتير جدا في الموبايل ومحتاج حاجة بطارية محترمة وشاشة كبيرة برضه وتاتش محترم قرفت من الريزستيف
فكرت اجيب حاجة زي الاي باد كدة بس انا مش هاجيب اي باد ولا اي فون ابدا
لاني بكره جدا جدا اي تونز اعقم سوفت وير شوفته في حياتي وقرف من الاي فون ال 2 جي بسببه

دلوقتي في شركات صيني كتير منزله حاجات شبه الاي باد كدة وباندرويد عشان مفتوح
وكمان فارق معايا انه يكون يشتغل ب usb مش بسيم كارد عشان خطي فودافون ومش هاغيرة وانا مستريح لمودم اتصالات ف فاصل بين الاتنين تماما
لقيت لوحات كتير تمنها بين ال 150 وال 200 دولار ده تمنهم بره
ومش مشكلة اني استنى حد يجبهولي
ايه رايكم
ما يشبه الاي باد
ولا موبايل بشاشة فوق ال 4 بوصه
عايز حاجة عملية فعلا
الايباد مش فارق معايا غير انه يكون بيدخل على نت وخلاص عشان اقدر اشتغل واتابع المنتدى
وببطارية محترمة طبعا تقعد اكتر من 4 ساعات عشان معرفش هالاقي بطارية قريب فين
او على الاقل اشغلة على ولاعة العربية كطوارئ
ويكون براند محترم مش حاجة ادوخ بيها

ودي عينة الموقع ده حد يعرف عنه حاجة او البراندات دي
wholesale laptops,wholesale notebooks - online shopping for laptops, notebooks at cheapest!
ولو في حاجة في مصر اشوفها بعيني احسن اصلها اقل من الف جنيه لبعض موديلاتها يبقو احسن من موبايل بكتير


شكرا مقدما لاقتراحاتكم
تحياتي

بص يا باشا

انا كنت في نفس حيرتك لوقت طويل و من كتر الحيره جبت موبيل نوكيا 6700 سلايد مؤقتا من كتر فعلا الاجهزه اللي في السوق حاليا زي ماليها مميزات كتير ليها دايما عيب او اتنين يخنقو

السامسونج ويف 8500 شاشه روعه كاباسيتف و حجم ممتاز لمشاهده الويب و الافلام و الملفات لكن من عيوبه البادا مش متوفر ليه برامج كتير لحد الان و النافيجيشن بتاعه مجاني لفتره محدوده ده غير انه تتش و ده مش مناسب قوي للكتابه الكتير

النوكيا n900 مشكله بجد مميزات جباره لكل محترف او هاوي سوفتوير خصوصا اللينوكس فعلا موبيل للgeeks زي ما قالت عليه نوكيا و النت من عليه تجربه لا تمت لعالم الموبيل ببصله و شاشته الريسيستزف بتتيح ليك الرسم عليه بالاستايلس و دي ميزه مش هيقدرها غير الناس اللي بتحتاج تدخل رسومات بخط اليد علي الكومبيوتر
نييجي لعيوبه اولهم ممكن غض النظر عنه لو بتروح الشغل او عياده زي حالاتي و ممكن تشحن الموبيل في البيت و الشغل, لأن بطاريته بستنزف مع الاستخدام العنيف في نص يوم و لو هتطبطب يبقي يوم بحاله بس بطاريته هي هي بتاعت نوكيا 5800 اكسبريس ميوزك فممكن تمشي ببطاريتين و العيب التاني و الاخطر هو ان سوكت الميكرو يو اس بي بيخرج من مكانه في البورده مع الاستخدام و مش حالات فرديه ده كل من استخدمه لفتره 5 او 6 شهور لدرجه ان اللي معاهم بيبردو اذني كابل الميكرو يو اس بي علشان ميطلعش السوكت من مكانه !!!!

و في الاخر استقريت علي حاجه مميزاتها كتير زي السرعه و توافر البرامج و بطاريه تقعد 3 ايام متواصل واي فاي و كويرتي كيبورد و push email و من غير البلاكبيري اكونت كمان
نوكيا e72
عيوبه
الشاشه فقط نظرا لحجمها و تباينها لكن علي الاقل بتبان تحت الشمس

انا لحد النهارده منزل عليه حاجات كتير جدا و رابطه بالويب و دخلت منه علي المنتدي و علي سايتات كتير كويس و اداء مش بطال (بس طبعا لا يقارن بالn900 (

سعر ال n900 بالضمان 3200 من غير 2650 (فبطعا مكنتش هجرب حظي في مبلغ زي ده)

سعر السامسونج ويف 8500 كان 2400 زمان حاليا 2900 و بالحجز

النوكيا e72 سعره من غير ضمان 1950-2100 بالضمان 2200-2290

و لو تحب نتقابل يا كريم و تجرب ال E72 معايا و تشوف هل هيوفي باحتياجاتك اهلا و سهلا رقمي معاك و لو مش معاك قولي ابعتهولك و دي مش عزومه اطلاقا فبلاش كسوف الله يكرمك و خليني اقدر ارد ليك جزء من جمايلك