استفسار الرخصة الدولية

**Sameh** · 27-03-2008 02:11 PM

المشاركة الأصلية كتبت بواسطة Dr_Smart

أعتقد ان الورقه بتاعت المرور لاستخراج الرخصة الدولية بتطلع من " الادارة العامة للمرور " في رابعه العدوية وليس من مرور مدينة نصر اللي انتقل الى التجمع الخامس

وعلى فكرة انا استخدمتها فعلا لما كنت في " زيارة " للكويت من شهرين وقبلوها عادي

كلام مظبوط ، بس عشان الإتنين كانوا موجودين مع بعض فكنا بنقول مرور مدينة نصر ، إنما هو المظبوط من الإدارة العامة زى د سمارت

**Xpert** · 27-03-2008 02:42 PM

هم لو يعترفوا بيها و يدونا رخصه بلدهم من غير امتحانات ولا وجع دماغ ....:d

**Sameh** · 27-03-2008 02:58 PM

المشاركة الأصلية كتبت بواسطة Xpert

هم لو يعترفوا بيها و يدونا رخصه بلدهم من غير امتحانات ولا وجع دماغ ....:d

:) والله السواقة برة بتعلمنا الأدب أوى وإحترام القوانين ، إنما كل ده بتنساه أول لما ترجع وإنت يدوبك عند الكلية الحربية :D

أنا لو مكانهم ماديش الرخصة لأى حد معاه رخصة مصرى بما فيهم أنا !!!!! :D:p

كل المصريين زمايلى فى الإمارات بياخدو حصص ، وفى واحد معاه رخصة درجة أولى يعنى يسوق مقطورة هنا ، أخد الحصص كاملة ال 12 !! زى اللى أول مرة يسوق عربية

**Xpert** · 27-03-2008 03:01 PM

المشاركة الأصلية كتبت بواسطة Sameh

:) والله السواقة برة بتعلمنا الأدب أوى وإحترام القوانين ، إنما كل ده بتنساه أول لما ترجع وإنت يدوبك عند الكلية الحربية :D

أنا لو مكانهم ماديش الرخصة لأى حد معاه رخصة مصرى بما فيهم أنا !!!!! :D:p

كل المصريين زمايلى فى الإمارات بياخدو حصص ، وفى واحد معاه رخصة درجة أولى يعنى يسوق مقطورة هنا ، أخد الحصص كاملة ال 12 !! زى اللى أول مرة يسوق عربية

انا اتعلمت السواقه الدوليه (اللي هيا اساسيات السواقه و الكلام ده) لما كنت عايش بره .. بس هنا.. اول ما تدخل مصر .. انسي الكلام ده .. شمر دراعاتك .. اركب عربيتك اللي موديل النكسه دي .. كشر عن انيابك .. و اديها عافيه علي الشعب !
:D:D:D

**Sameh** · 27-03-2008 03:11 PM

المشاركة الأصلية كتبت بواسطة Xpert

انا اتعلمت السواقه الدوليه (اللي هيا اساسيات السواقه و الكلام ده) لما كنت عايش بره .. بس هنا.. اول ما تدخل مصر .. انسي الكلام ده .. شمر دراعاتك .. اركب عربيتك اللي موديل النكسه دي .. كشر عن انيابك .. و اديها عافيه علي الشعب !
:D:D:D

:D:D:D أيوة فعلاً الجميل بقا إن إحنا نقدر نسوق عندهم بمنتهى السلاسة وناكل الطريق أكل ، إنما هم صعب جداً يسوقوا عندنا وبيبقوا مرعوبين ومش بيعرفوا يتعاملوا

**magdi mina** · 27-03-2008 03:14 PM

السؤال المهم .. هل تصلح الرخصة الدولية بمفردها للقيادة فى مصرنا المحروسة فيما لو ضاعت الرخصة المصرية .. خاصة وانها صادرة من نادى السيارات المصرى !! ولا دى رخصة للاستعمال خارج مصر فقط ؟؟؟؟؟؟

**Sameh** · 27-03-2008 03:33 PM

المشاركة الأصلية كتبت بواسطة magdi mina

السؤال المهم .. هل تصلح الرخصة الدولية بمفردها للقيادة فى مصرنا المحروسة فيما لو ضاعت الرخصة المصرية .. خاصة وانها صادرة من نادى السيارات المصرى !! ولا دى رخصة للاستعمال خارج مصر فقط ؟؟؟؟؟؟

كنت داخل الهرم من عند المطلع بتاع مينا هاوس ، الأمين طلب الرخص ، إديته الدولية والمصرى متدبسة جوا ، تنح شوية وقاللى إيه ده يا باشا ؟؟!! :):) وطلع ماشفهاش قبل كدة أصلا ، وفتحتهاله عشان أوريلو المصرى جواها

مش عارف هى ماتنفعش ولا صاحبنا ده هو اللى ماشفهاش قبل كدة !

**جمال** · 27-03-2008 03:36 PM

الرخصة الدولية للاستعمال خارج مصر فقط ( او خارج البلد المصدر لها عموما ) و لاتصلح للقيادة داخل مصر ( الدولة المصدرة لها ) وهذا مكتوب على الرخصة الدولية
وهذا طبيعى جدا لانك لكى تحصل عليها لازم تكون معاك رخصة قيادة مصرية سارية لمدة 6 شهور على الاقل

**osama_alam** · 30-03-2008 12:06 AM

المشاركة الأصلية كتبت بواسطة mohamed_88sk

طيب يا جماعة مفيش أي مكان في أسكندرية أطلعها منه ؟؟؟

حاجه كمان أنا معايا أقامه في الكويت وهناك بيقبلوها بس أنا معنديش رخصه هناك عشان مش بشتغل ومش مقيد بالجامعات هناك فمش عارف يعني لازم شرط أني أكون ليا رخصه هناك ؟؟؟
لو سمحت أفيدوني ...

بص يا باشا بتروح الاول مديرية الامن القديمة بتاخد من هناك بيان الحالة بتاع الرخصة الدولية وديه وانته واقف وعلشان تنجز صور بطاقتك والرخصة وانته رايح وبعد كده بتروح لنادي السيارات اللي على البحر عند بير مسعود وبتكون معاك صورة الرخصة والباسبور و صور ليك وبيان حالة بتاع الرخصة الدولية وبطلعها بخمسين جنيه

انا استخدمتها فالسعودية بس كنت هناك زيارة مش اقامة معرفش فالكويت ايه النظام

يا رب اكون افدتك