الموضوع: استفسار الرخصة الدولية

خلى بالك انك لازم تاخد معاك اصل الرخصة المصرى لو عايز تستخدم الدولية بره
لأن اخر مرة فى امريكا مارضيوش يعترفوا بالرخصة الدولية غير لما يشوفوا اصل الرخصة المصرى، وحجتهم ان الدولية اللى بتستخرج دى ترجمة للرخصة ومش هى الرخصة.
وللأسف ماكنتش واخدها معايا، ولو انه لو كان معايا كارنيه نادى حتى بالعربى كانوا مشوها.

يعنى يفضل انك تدبس الرخصة المصرى مع الدولية.

شكرا جدا يا جماعة عالتوضيح
شكرا يا أستاذ حازم عالتوضيح....
بصراحة أفدتونا جدا ولكم جزيل الشكر وفي ميزان حسناتكم بإذن الله.

يجوز اذا كانت الكويت مشتركه فى الأتفاقيه و يكون دخولك الكويت بتأشيرة ليس بأقامه

لازم تذهب الى المرور المركزى برابعه العدويه و الأفضل تصور الرخصه و البطاقه صورتين0
و معمول بها فى السعوديه و فى جميع الدول المذكورة فى الرخصه بالشروط السالف ذكرها

المشاركة الأصلية كتبت بواسطة Sameh

بص يا سيدى : سيادتك تروح مرور مدينة نصر اللى جنب جامع رابعة (أياً كان المرور اللى إنت تابع له فى القاهرة) ، هتجيب منهم بيان حالة بتاع الرخصة الدولية بتقول إن إنت فعلاً معاك رخصة قيادة !! بتطلع وإنت واقف ماتزهقش

تاخد الشهادة دى من المرور وتطلع على نادى السيارات فى وسط البلد ، جنب جروبى على طول ، جروبى طبعاً بين قصر النيل وطلعت حرب ، بعده بعمارتين هتلاقى نادى السيارات ، تديهم رخصتك وتكون واخد معاك صورة شخصية والشهادة ، هيدبسولك الصورة والرخصة المصرية فى الرخصة الدولية (دفتر صغير أبيض مكتوب بأكتر من لغة) وتستلمها وإنت واقف برضه

التكاليف : العملية تخلص فى يوم واحد بس تبدأ بدرى شوية ، وتتكلف 80 جنيه

الصلاحية : الرخصة الدولية سارية لمدة سنة واحدة بس ، وبتصدر كل مرة بنفس الطريقة ، مفيش تجديد للقديمة

النوع : لو إنت معاك رخصة خاصة عادية زى اللى مع معظمنا ، هيدوك الفئة B وده معناه إنك ممكن تسوق عربيات برة لحد 3 طن أو أصغر

بالتوفيق يا باشا

انا كنت بعملها بى 40 جم


فى حاجة كمان
لو هتطلع بعد كدة اقامة فى البلد الى بتسوق فيها الرخصة الدولية تعتبر لاغية بعد استخراج الاقامة و لازم تتطلع رخصة البلد نفسها