بوجيهات 3 شمعة

**abo_lamar** · 17-12-2010 11:06 PM

السلام عليكم يا شباب

كنت بسأل ن البوجيهات ال 3 شمعة NGK ....
هل ممكن يتركبوا في عربية لانوس ولا حيسببوا مشكلة .....
وخلاصة الكلام عشان انا اتروشت والله العظيم من موضوع البوجيهات دي .. ايه احسن نوع بوجيه للانوس بحيث يزود أداء وقوة العربية ؟؟ يعني اقصد NGK ولا Denso سواء شمعة واحدة أو شمعتين ؟

وشكراً

**محمد الشامي** · 17-12-2010 11:17 PM

البوجيهات الـ 3 شمعه تركب في اللانوس عادي ومفيش اي ضرر ولا مشاكل بسببهم , وانا ركبتهم عندي قبل كده

بس بأمانه مكنش في اي فرق يذكر في الاداء , لكن بالعكس لما خلعت الـ 3 شمعه وحطيت الواحد شمعه العاديه (NGK) حسيت ان السحب اتحسن شويه , ولكن يمكن ده عشان البوجيهات الجديده اداءها بيكون افضل من البوجيهات القديمه

وتلخيصاً للكلام
من رأيي ان الـ 3 شمعه والواحد شمعه نفس الاداء والقوه وكل شئ , لان حسب ما فهمت (والله اعلم) ان نفس قوة الشراره الكهربيه اللي بتطلع من شمعه واحده هي نفسها اللي بتتقسم على الـ 3 شمعات , يعني الاتنين واحد

البوجيهات الـ ngk محترمه جداااااااا وعن تجربه , بس احذر التعامل مع التجار الصغيرين لان البوجيهات بتكون مركونه و واخده رطوبه وبتبوظ بسرعه
انا شخصيا جبت طقم بوجيهات ngk من التوفيقيه بـ 40 جنيه ومشتغلوش عندي 3 الاف كيلو حتى

**medolemo** · 18-12-2010 02:21 AM

البوجيهات الـ 3 شمعه تاثرها الوحيد في الانوس هو تقليل الغازات المضرة الصادرة من غازات العادم ( اول اوكسيد الكربون و هيدروكربون و اكسيد النيتروجين ) لان العربية مصمة علي اعطاء افضل حرق في وجود البوجيهات الـ 1 شمعه

**karimfahmy99** · 18-12-2010 05:36 AM

مفيش اى فرق ملحوظ فى النوعين . و يفضل تركب الواحد شمعة لتركيز الشرارة افضل 100 مرة

**abo_lamar** · 18-12-2010 06:06 AM

شكرا لحضراتكو على المعلومات المفيدة وان شاء الله حجيب الواحد شمعة احسن

**jojowork1** · 18-12-2010 12:04 PM

انا اويد رائي الاستاذ حمد الشامي انا جربت التلاته شمعه ورمتهم جداد ممشتش بيهم 100 كيلو لانهم معجبونيش ومحستش باي فرق بالعكس انا حسيت انهم اسواء من الواحد شمعه وفعلا جبت البوجيهات الواحد شمعا اللي نصحوا بيها الاعضاء هنا وشغال بيها كويس

**zakar0tta** · 18-12-2010 01:14 PM

البوجيهات الواحد شمعة أفضل طبعا ومشهئول أكتر من اللي قالة الإخوة الأعضاء بس أنا ليا طلب صغير ممكن نشوف صور عربيتك اللي في التوقيع ده لان واضح إنك عامل فيها شغل حلو قوي وانا عاوز أعمل شوية تعديلات في عربيتي وخصوصا الظاهر كدة إنها نفس اللون. وللك جزيل الشكر.

**abo_lamar** · 19-12-2010 12:17 AM

المشاركة الأصلية كتبت بواسطة zakar0tta

البوجيهات الواحد شمعة أفضل طبعا ومشهئول أكتر من اللي قالة الإخوة الأعضاء بس أنا ليا طلب صغير ممكن نشوف صور عربيتك اللي في التوقيع ده لان واضح إنك عامل فيها شغل حلو قوي وانا عاوز أعمل شوية تعديلات في عربيتي وخصوصا الظاهر كدة إنها نفس اللون. وللك جزيل الشكر.

تحت امر حضرتك ... بس انا مش عامل حاجة في العربية غير اني مغير اضاءة العدادات وحاطط شوية استيكرات ومجنط بس .