امبارح حصلت لي حادثه في بنها مع مقدم شرطه في بنها
ملابسات الحادثه
اياد ابني 10 شهور مبيسكتش الا لما يقعد علي الدركسيون
يحط ايديه في وسط الدركسيون ولازم يشغل المسحات اساسي هههههههههه
يقع ويمسك الدركسيون بأديه الاتنين
لما اقعده علي رجلي لازم يدخل رجله جوا الدركسيون
يعني المشكله وانا بلف
اياد باشا كان لازم يتفسح بالعربيه والا حيعيط
خدته وقولت انزل اشتريله عربيه لعبه وعلي الطريق السريع ببنها عند الاهرام ماسك اياد كويس وبعمل U Turn بصراحه انا كنت مركز مع الواد لا يحط ايده جوا الدركسيون والعربيات اللي ماشيه في طريقها ماشيه اصل انا جاي من اليمين وحاخد شمال والف
واذ بسياره شاهين خبطتني
انا ما اهتمتش بس نزل مقدم شرطه سنه حوالي 50 سنه وبيزعق قزلتله يعني غلطان وزعلان كمان هو كان ماشي بسرعه وبصراحه هو اللي غلطان طبعا اللي سمع المقدمه حيقول انا اللي غلطان اكيد بس اللي حصل ان وش عربيتي كان عدي وهو اصر يكبس
وانا معرفتش اتعامل من اياد
المهم بقوله اومر يا باش مهندس قالي انا مش مهندس
قالي انا حعمل محضر قولتله اللي انت عاوزه
طبعا بينا وبين عسكري المرور اقل من 20 متر جه وقالي رخصك هو مش علشان ظابط شرطه بس ده طريقه
قولتله احنا رايحين نعمل محضر قالي مهو لازم نخطر المركز
قولتله حتاخد الرخصه وانا اقعد ادور عليك
مفيش رخص قال ايه؟؟
قولتله اللي سمعته سابني ومشي
علي ما رجع المقدم قالي يعني مش عايز تقول ان انت اللي غلطان
قولت لنفسي سايق ومش رابط حزام وشايل ابنك وجاي من اليمين للشمال والرجل طريقه (بس هو اللي غلطان) ملابسات الحادثه مش في مصلحتي
رحت قايله غلطان وحقك علي طلباتك قالي الجريده اللي اتكسرت قولتله بس كده اتفضل اجيبهالك
رجع العسكري ومعاه ظابط المرور بقت سحب الرخص رسمي يا معلم
قولتله حليناها ودي قولتله اتفضل ورايا قالي رخصك قولتله هو انا حجري طيب انا جاي معاك بنفسي
ركبت معاه وروحنا اشتريناها تفتكرو الحوار ده كله تمن الجريده كام هو المفروض طاقم مش حتصدقوا ب 12 جنيه
دفعتهم وقالي لازم اوصلك لعربيتك قولتله انا مستني حد هنا وعملت مشاويري عادي ورجعت العربيه ومشيت بيها ولما ركنت فوجئت بحجم الدمار اللي اصاب سيارتي خبطلي الرفرف اللي قداك السواق من ناحيه الكبود والاكسداق بقي سايب من الحته ده والاشاره اتكسرت وقفله الكبود بقت مش مظبوطه قدر الله وما شاء فعل انا كده كده حجدد قريب واللي يجي في الريش بقشيش
انا بس حبيت اقول لو انا كنت ماشي قانوني ونفس الخبطه كنت اصريت علي موقفي بس حبيب بابا اياد حعمله ايه
برجاء من الاخوه الاعضاء محدش يقولي انت غلطان بسبب ابنك علشان حزعل منه
المفضلات