السلام عليكم
البرازيل
دولة من دول العالم التالت
مثال للفقر والجهل والبطالة وكل صفات العالم التالت
دولة فقيرة
قول عليها زي ماتقول
دولة عدد سكانها أكتر من 200 مليووووووووون مواطن
..............................
جه واحد طيب إسمه(لولا دي سيلفا)
راجل بيحب بلده
مسك الحكم من كااام سنة
وفي الكام سنة دول
بقدرة قادر
البرازيل بقت إيه
شوفوا معايا
1.معدل التنمية زاد بمقدار حوالي 9% كل سنة
2.المواطنين الي كانوا تحت خط الفقر كانوا 38% من السكان..بقا 22 % بس
3.الاقتصاد البرازيلي كان اول اقتصاد عدى الازمة المالية العالمية الي فاتت
4.نسبة البطالة بقت أقل من 7 %
5.زاد الحد الادنى للأجور بنسبة كبيرة
6.الراجل ده بقا بيدي دعم للأسر الفقيرة علشان تودي عيالها تتعلم
7.بقت أكبر مورد غذائي للصين((للصين))
8.بقت مرشحة لمقعد دايم في مجلس الأمن((يعني بقت دولة مهمة في نظر العالم))
9.شركة امبرايز البرازيلية بقت ثالث أكبر شركة مصنعة للطائرات التجارية في العالم
10.التصدير الزراعي للبرازيل السنة الي فاتت كان حوالي 60 مليااااااااااااار دولار
11.ولاية سان باولو .لوحدها ..كان إنتاجها القومي سنة 2008 ..400 مليااااااار دولار(ودي مجرد ولاية ضمن ولايتها)
12.سنة ..2008 كان الاستثمار الاجنبي في البرازيل 40 مليااااار دولار
ومليووووووون حاجة تانية
ده كله ..علشان الرئيس البرازيلي كان عاوز بلده كويسة
وخلاها كويسة
الراجل ده قعدت فترتين في الحكم..والقانون بتاعهم مش بيسمح بفترة ولاية تالتة
الراجل ساب الحكم للي بعده
رغم إن 80% من الشعب عاوزين يغيروا القانون..علشان يفضل في الحكم
إلا إن الراجل رفض إن يتم تغيير القانون
وساب الكرسي للي بعده
ماقالش إن البرازيلين شعب استهلاكي
ماقالش ان مفيش أمل
ماقالش إن بكره هيكون كويس...هوا خلى بكره بتاعهم كويس
من غير كلام
يعني
لسه فيه أمل
أنا عارف إن الموضوع ممكن يكون ممل لبعض الناس
لكن صدقا
لسه فيه أمل على إيد حد عاوزها كويسة..مش عاوزها لحمة بالكوسة