محتاج رأي وخبرة أصحاب السيراتو

**ahmed_911_98** · 19-12-2010 07:59 PM

طب أنا محدش رد عليا ؟

**NoRmAl** · 19-12-2010 08:36 PM

المشاركة الأصلية كتبت بواسطة ahmed_911_98

طب أنا محدش رد عليا ؟

150 ألف أنت كدا معدى فئه السيراتو سيدان وكوب هاى لاين
متشوف الفلوانس كدا
هى أوروبى وسعر قطع الغيار غاليه حبتين بس لو ركبتها مش هتنزل
وفرنسى زى الى أنت راكبها
أيه رأيك؟

**ahmed_911_98** · 19-12-2010 11:10 PM

مين قال إن الفلوانس حلوة
1- متورها 1600 بس 105 حصان
2-الكماليات اللي موجودة عندي في الميجان أول حاجة في الاوتوماتيك موجودة بس في ال high line
3-إذا كان الميجان حجتها غليا كده ف الفلوانس حتبأه برده غليا
4- عفشتها فرنساوي يعني عايزة معملة حريمي مش شوارعنا الجميلة
5- اغلى من اللي عامل حسا بي عليه ناوي ادفع 100 وال باقي اقسطه

**M.Osman** · 19-12-2010 11:34 PM

1-الانسر 1600 كاملة ومفيهاش كاست وشكلها تقليدي
2- الالنترا 2010 والشكل الجديد 2011 حتنزل معدية ال 130 الف
3- الياريس 1500
4- هوندا سيتي 1500 اوتوماتك مش كاملة

انا شايف ان السيتي هي الوحيدة اللي تقدر تنافس السيراتو حالياً

لأن اللانسر .. قديمة جدي
الياريس .. فئة الأكسنت .. لو معايا فلوسها .. ممكن اشتري اكسنت .. و يبقى وفرت :)
النترا... الشكل الجديد خلاص نازل..

**ahmedezar** · 20-12-2010 10:42 PM

المشاركة الأصلية كتبت بواسطة normal

بص يا أحمد من جديد مش عايزك تقلق من موضوع التعليق والمقص والكلام دا
الموضوع كل ما فيه أن العربيه أول منزلت دار حولها جدل واسع
ودا مع عدم الانتشار ساعتها أطلق للمخيله العنان فى أسباب حادثه مهندس غازى مثلا أو بعض الحوادث الاخره الى مشفناش منها غير صور
لكن الان نقدر بدون شك نبرأ المقص من أى عيوب ولا موضوع مفرغ ولا مصمت ولا الكلام دا خالص
طبعا أنا مقدر جدا أنك خايف من الى قريته لكن دى مواضيع قديمه حتى ساعتها العربيه مكنتش أتجربت بصوره تخلينا نحكم عليها
فموضوع التعليق تانى
أنت لو فاهم نظم التعليق يبقى هيبقى ليك رأى ومتمسك بيه ومقدرش أقولك التورشن بيم مفهوش مشكله لأنك ساعتها أنت مقتنع بشىء لأنك فاهم إذن حتى ساعتها مش هتسأل أنت فاهم كويس انت راكب أيه
لكن لو أنت ملكش فى الموضوع أوى بجد مدخلش نفسك فى توهان صدقنى مالوش أى داعى
هل كل مالك للسيراتو ماشى فى الشارع فاهم نظام تعليقه الخلفى أيه!!!!
10% من الناس الى ماشيه فى الشارع دى بس هى الى هتبقى عارفه
والباقين راكبين ومش شاغلين بالهم "بنظام التعليق"
فبلاش تفكر فى الموضوع دا تانى

حقيقي فعلا معظم الناس مش مركزة كل بيختار عربية شكلها وكماليتها ومحدش مركز
بس عشان الواحد بيقرا فعرف فقلق أكتر

أخيرا..حادثه غازى تعتبر حاله فرديه بحته...قولى عربيه تانيه سيراتو أتقلبت وعومت وأتكسرت مقصتها على 100 كيلو متر فى الساعه..مش مقياس

نفسي كانت قفلت الحقيقة معملت بحث تاني كفاية الناس اللي قعدت تقول العربية مليانة الحرفين عاملة حوادث

متستناش حد تانى يكلمك عن الحدفه :)
انت لو ربنا كاتبلك وأشتريت العربيه
هتلاقى فيها حدفه شمال أو يمين :)
وهتطلع على أول بتاع كاوتش وشوف معاه ضغط الكاوتش بعينك وأبقى هتلاقى قدام 50 و 45 وورا 55 وأرقام غريبه تانيه :)

هانكوك كويس ولو نيكسن يبقى أفضل

البومه...
أنت عارف الشيب دا بينزل من سنه كام؟؟
عربيه شكلها بيقدم من سنين وسعرها بيغلى
توكيلها نازلها بجانب الشيب الجديد ضربت الشيب الجديد راح مغليها علشان الناس تبطل تجبها بردو أشتروها غاليه أعتقادا أنها بتغلها أن تمنها فيها :)

كل الحكاية أن الشيب القديم خط إنتاجة قل فا بيغلى تمنة عشان التكلفة مش عشان يخلي الناس متشتريش لو عايز يجبر الناس يا باشا ماكنش حيبعت يطلبها وهتبقي سياسة أمر واقع زي كتير من التوكيلات بتعمل معانا

رأيي الشخصى..الى بيشترى بومه فى الوقت الحالى...مضحوك عليه
اليارس عربيه ذات سمعه سيئه الى جانب أنها مبعجره الشكل والابعاد وأضف الى ذلك سعرها المبالغ فيه جدا جدا جدا

الحقيقة مقرتش كتير عليها عشان أقدر أوافقك الرأي لسه ربنا يسهل

السيتى زى مقلتلك عربيه محترمه وكويسه
لو مش هتبيع قريب
ومش هامك سعر قطع الغيار
أركبها لو عجبتك توكل على الله

هي عربية فعلا محتلرمة وأديني بتابعها وأشوف كده كده في الحالتين مش هبيع قبل فترة طويلة

شكرا ليك تاني أ/ نورمال

**ahmedezar** · 20-12-2010 10:51 PM

المشاركة الأصلية كتبت بواسطة m.osman

انا شايف ان السيتي هي الوحيدة اللي تقدر تنافس السيراتو حالياً

لأن اللانسر .. قديمة جدي
الياريس .. فئة الأكسنت .. لو معايا فلوسها .. ممكن اشتري اكسنت .. و يبقى وفرت :)
النترا... الشكل الجديد خلاص نازل..

شكرا يا باشا علي مرورك وأديني بتابع ومنتظر ربنا يسهل

**egypt0777** · 20-12-2010 11:17 PM

طب ليه ما فكرتش فى النيسان الصنى

اعلى فئة فيها اللى هى السوبر صالون ب 100 الف جنية و فيها كل امكانيات اللى موجوده فى الفئة اللى نازله فى السيراتوا ب 120 الف

فيها الاتى مشترك مع السيراتو (بغض النظر عن الطارة المالتى فنكشن او الاستربتونك او الفتيس الجديد ( 6 سرعات))
1- اتنين اير باج
2- مرايات ضم
3- abs بالعكس كمان الصنى فيها ebd و bs وده مش موجوده فى الصنى
4- تكيف مانيوال
5- كسيت cd + mp3+ usb+ aud
6- ثبات رهييييييييييييييييييييييي ب خصوصا لوجود العمود الاتواءى فى العفشة الخلفية للعربيتين ( تقريب تصميم العفشة الخلفية للتنين يكاد متقارب فى الخطوط الاساسية)

صحيح انها يابانى تجميع مصرى بسعر فرق السعر ال 20 الف مش صغيره خصوصا انه اسم نيساااااااااااااااان

هل الطارة المالتى فنكشن او الاستربتونك او الفتيس الجديد ( 6 سرعات) تستاهل الواحد يدفع 20 الف زياده

فكر كده و اعقلها مع العلم ان عفشة الصنى انعم من السيراتو

**ahmedezar** · 23-12-2010 08:14 AM

المشاركة الأصلية كتبت بواسطة egypt0777

طب ليه ما فكرتش فى النيسان الصنى

اعلى فئة فيها اللى هى السوبر صالون ب 100 الف جنية و فيها كل امكانيات اللى موجوده فى الفئة اللى نازله فى السيراتوا ب 120 الف

فيها الاتى مشترك مع السيراتو (بغض النظر عن الطارة المالتى فنكشن او الاستربتونك او الفتيس الجديد ( 6 سرعات))
1- اتنين اير باج
2- مرايات ضم
3- abs بالعكس كمان الصنى فيها ebd و bs وده مش موجوده فى الصنى
4- تكيف مانيوال
5- كسيت cd + mp3+ usb+ aud
6- ثبات رهييييييييييييييييييييييي ب خصوصا لوجود العمود الاتواءى فى العفشة الخلفية للعربيتين ( تقريب تصميم العفشة الخلفية للتنين يكاد متقارب فى الخطوط الاساسية)

صحيح انها يابانى تجميع مصرى بسعر فرق السعر ال 20 الف مش صغيره خصوصا انه اسم نيساااااااااااااااان

هل الطارة المالتى فنكشن او الاستربتونك او الفتيس الجديد ( 6 سرعات) تستاهل الواحد يدفع 20 الف زياده

فكر كده و اعقلها مع العلم ان عفشة الصنى انعم من السيراتو

شكرا لمرورك يا باشا

مع إحترامي طبعا لملاك النيسان الصني

الحقيقة لي تعليق علي كذا نقطة في العربية

1- العربية شكلها قديم جدا دي وجهه نظري الشخصية

2- تقفيل مصري سئ سئ سئ مقارنة مثلا بالبروتون اللي كانت واقفة جنبها في المعرض

3- عزل صوت سئ تحس الناس قاعدة معاك

4- برضه العفشة ناشفة يا باشا مش ناعمة

هي الميزة في العربية الموتور و إنها مدياك كماليات وتجهيزات مقابل سعر

عشان كده إستبعدتها

وشكرا ليك

**medo111** · 23-12-2010 07:13 PM

el lancer shark el m2as bta3ha mfar3' bardo

**egypt0777** · 24-12-2010 05:21 PM

المشاركة الأصلية كتبت بواسطة ahmedezar

شكرا لمرورك يا باشا

مع إحترامي طبعا لملاك النيسان الصني

الحقيقة لي تعليق علي كذا نقطة في العربية

1- العربية شكلها قديم جدا دي وجهه نظري الشخصية ( العربية ازواق وعلى فكرة فى شباب كتير جدا راكبنها و مروشنها جدا --- وللعلم عربية زلطة)

2- تقفيل مصري سئ سئ سئ مقارنة مثلا بالبروتون اللي كانت واقفة جنبها في المعرض( العربية فعلا تقفلها مصرى بس مش سيء نهائى --- بسبب ان كل المكونات يابانية و العزل بتاعها فوق الممتاز )

3- عزل صوت سئ تحس الناس قاعدة معاك ( طبيعى لازم صوتها يبقى عالى -- للاسف الناس مش واخده بالها ان سير الكاتينة جنزييييييييييييييييييييير ررررررررررر مش كوتش زى معظم العربيات ولا زم صوتها يبقى عالى و كلنا عارفين ان سير الكاتينة الجنزير يعنى ايه --- وعلى فكرة برده السيراتوا ماتورها على جنزير يعنى ما اختلفش عن النيسان ---- وبتجربة سواقة العربية من احد اصدقائى فوجئت بعلو الصوت --- يمكن اعلى من الصنى بس لما سقلته قالى عشان الكتينة جنزير ------- يعنى تعادل بين الاتنين مع فرق ان ده ماتور يابانى و ده كورى)

4- برضه العفشة ناشفة يا باشا مش ناعمة ( انا لا انكر تمام نشوفيه العفشة ----------- وده مش عيب فى اى عربية لاننا كلنا عارفين ان العفشة الناشفة يعنى ثبات على الطريق و ممكن العربية تحملها و ماتخبطش فى المطبات ------ وبرده عفشة السيراتوا ناشفة و ممكن تكون انشف من الصنى بس برده يعنى تعادل بين الاتنين مع فرق ان ده عفشه يابانى و ده كورى)

هي الميزة في العربية الموتور و إنها مدياك كماليات وتجهيزات مقابل سعر ( وهى العربية ايه غير ماتور و عفشه والا كنا جبنا صينى علطول لو عاوزين شكل و كماليات ملهاش حصر واكتر من الكورى و اليابانى و انا اكتر واحد يحكيلك على الصينى ) و برده النيسان بتديك كماليات بسعرها مش مغالى فيها زى السيراتوا --- السيراتوا وصل سعرها للكورولا ولا انتم مش وخدين بالكم و عاوزين تدفعوا و خلاص

عشان كده إستبعدتها
( بالعكس كده احنا وفرنا 20 الف جنيه فرق سعر بين الصنى و السيراتوا اعتقد انه فرق كبير فى انك تجيب حاجة يبانى مش كورى و بكماليات و اداء تقريبا متعادل مع الفرق 20 الف جنيه توفير لصالحى الواحد مش لاقى الفلوس عشان يديها للتوكيل )

وشكرا ليك