تكاليف ترخيص اللوجان 2011
انا جبت اللوجان 2011 فول اوبشن يوم 13 12 2010
من معرض سعد فى المهندسين بسعر 68500 جنية
دخت لغاية مالقيت لون غير الابيض كل الموزعين والمعارض مستنيين الدفعة الجديدة توصل اخر شهر 12
روحت التوفيقية جبت مثلث 10 جنية
شنطة اسعاف بلاستيك 35 جنية " كان فى نوع بعلبة كارتون او قماش 25 جنية"
يوم 15 12 2010 ذهبت لمرور بين السريات لختم الافراج الجمركى واستخراج شهادة بيانات 5 جنية
مرور العتبة " المرور التابع لعنوان السكن فى البطاقة"
1- شراء النماذج لترخيص سنة واحدة "بصراحة نسيت بكام بس مش كتير 10 او 15 جنية"
2- شراء ملف من كشك التصوير 25 جنية
3- شراء طفاية حريق وختمها 120 جنية
4- اخذ البصمة "5 جنية شاى" كشف المهندس والفحص "10 حلاوة العربية" وهو قاعد على كرسية
5- التامين الاجبارى سنة واحدة 120 جنية تقريبا
6- ضريبة سنة واحدة 365 جنية شامل الدمغة 80 قرش
7- تعليق النمر 5 جنية " خلى العامل يخرم الاكصدام بالشنيور مش بالمفك"
الاجمالى حوالى 710 جنية
" السيارة تحفة فى المطبات لدرجة انى بدور عليهم وانا ماشى "