مطلوب اراء ذوي الخبره اللي بجد عاوزين يساعدو(جيلي ck موديل 2005

**MEDO84EG** · 18-12-2010 10:23 AM

السلام عليكم و رحجمه الله و بركاته
اخواني الاعزاء
طبعا في منتدانا الكريم الناس بيساعدوا اخوانهم بجد و بدون انتظار اي مقابل او رد
و انا من هنا بحيي كل الناس اللي بيحاولوا يساعدوا و بقولهم جزاكم الله الف خير لانه دائما
كان الله في عون العبد ما دام العبد في عون اخيه
ثانيا
ايه رأيكم في عربيه جيلي ck موديل 2005
انا عارف
هنقول صيني و وحشه و و و
انا هقولكم علي شيء
العربيه دي انا بقارنها بمازدا 323 موديل 82
او سكودا فيليشيا تسعينات
العربيات دي ادائها دلوقتي بقارنه بالجيلي دلوقتي
سمعت انها بيركب عليها قطع غيار ياباني
يبقي كده ممكن نتصرف في قطع الغيار
و سمعت انها واسعه و جرايه
انا عاوز اراءكم
انت كلكم اخواتي و بسعد جدا بمساعدتكم
و ان شاء الله اول مشتري العربيه دايما هنكون كلنا سوا
و مش بعيد اخد ( بعض ) الاعضاء اللي دايما مش بيبخلوا علينا و نعملهم زي تكريم لجهودهم الجباره
الف شكر ليكم و منتظر ردكم

**tarekmomo** · 18-12-2010 12:31 PM

ادخل قسم جيلى فى السيارات الصينية فى المنتدى هنا وااعمل الموضوع هنا

**MEDO84EG** · 18-12-2010 02:41 PM

المشاركة الأصلية كتبت بواسطة tarekmomo

ادخل قسم جيلى فى السيارات الصينية فى المنتدى هنا وااعمل الموضوع هنا

جزاكم الله خيرا اخي الكريم
انا بالفعل عملت كده و مش لاقي اي رد

**MEDO84EG** · 23-12-2010 08:32 AM

محدش يعرف و لا ايه يا فطاحل السيارات

**zezmograby** · 23-12-2010 07:14 PM

انا لو مكانك اجيب العربية دية ومجبش مازدا موديل 1982
ياعني بقالها 28 سنة ماشية
وكدا كدا الاتنين هيحتاجو قطع غيار
بس الفرق بقا:
انك راكب عربية فيها مكيف وباور ونعومة وهدوء وسنتر وزجاج كهرباء
والعربيات الصيني كلها عضمها حديد ماشاء الله لسة شايف عربية اسبرنزا خبطت سيراتو 2006
الاسبرانزا دخلت بوشها في الرفرف اليمين للسيارتو الرفرف اتعجن والفانوس اتكسر
والاسبرنزا ريشة من الشبكة بس اتكسرت
توكل علي الله واسمع باقي الاعضاء

**MEDO84EG** · 26-12-2010 08:49 AM

المشاركة الأصلية كتبت بواسطة zezmograby

انا لو مكانك اجيب العربية دية ومجبش مازدا موديل 1982
ياعني بقالها 28 سنة ماشية
وكدا كدا الاتنين هيحتاجو قطع غيار
بس الفرق بقا:
انك راكب عربية فيها مكيف وباور ونعومة وهدوء وسنتر وزجاج كهرباء
والعربيات الصيني كلها عضمها حديد ماشاء الله لسة شايف عربية اسبرنزا خبطت سيراتو 2006
الاسبرانزا دخلت بوشها في الرفرف اليمين للسيارتو الرفرف اتعجن والفانوس اتكسر
والاسبرنزا ريشة من الشبكة بس اتكسرت
توكل علي الله واسمع باقي الاعضاء

الف شكر ليك و انا اؤيد رأيك
مش حكايه المتانه
حكايه اوبشنز و سعر رخيص و قطع غيار الياباني شغال عليها

**M.Alaa92** · 26-12-2010 09:25 AM

متاكد من حكاية اليبانى دى اصل فى حجات مش لازم تتوفق الا لو باللملى زى دراعات الاسكترا دى حاجة
تانى حاجة اى عربية بتوفق منها يعنى تيوتا ولا اية بالظبط؟؟؟
و اهم حاجة الحاجات الاستهلاكية زى الفوانيس ( لاقدر الله) سهلة ولا لأ؟
احسن حاجة تاخد لفة على قطع الغيار الاول و بعدين تقرر

**د.محمود صلاح** · 26-12-2010 10:11 AM

العربية دي كانت معي منذ الزيرو موديل 2006 لمدة 14 شهر

اشتريتها ب 64 الف كاملة ABS +EBD وكانت 1600 cc عدد الاحصنة 106 وجنوط وتابلوه لونين بيج واسود مكسو بالجلد الناعم

وسيدي اوديو وتكييف وانوار التابلوه بيضاء يمكن التحكم في شدتها

عدم وجود لمبة بيان ابواب مفتوحة في التابلوه والأبواب ال 4 بها انوار حمراء تضاء اثناء الفتح

الموتور نفس موتور الكرولا القديمة الملكة بالضبط في كل شيء ولكنه صنع في الصين والبوبينة بوش الماني . وكل شيئ في السيارة صناعة جيلي ولا توجد تجميعات من شركات تانية . وجيلي في الأساس شركة صناعة دراجات هوائية وموتيسيكلات وقررت الدخول لعالم العربيات في اوائل ال 2000 وياما راسلتهم وردوا علي في مشاكل العربية

الكاوتش كات جي تي راديال صيني ما فكتوش طوال الفترة السابقة

المكيف كان بيسخن العربية في عز الظهر والحر والسفر الطويل

اقصى سرعة 165

مؤشر البنزين دايما بيلعب بسبب رداءة العوامة ولازم تفك التانك عشان تفك العوامة وتنظفها وعملت كدة 3 مرات

كانت الفيرنا في وقتها ناقصة بدون زجاج كهربا والشاهين 1600 بدون زجاج كهربا وأي عربية تاني كانت أغلى من السعر ده ولذلك قررت الشراء والمجازفة ..

اول ما خرجت من المعرض .. اصوات وشخاليل من كل مكان

تاني يوم وديتها لعفشجي اشوف الأصوات دي منين وكانت عبرة عن قطع بلاستيكية عند اعلى المساعدين الخلفي وتم قطعهم بكاتر

اداء ضعيف .. عزل ضعيف .. صوت الموتور عالي ومسموع

خامات الصالون رديئة جدا جدا .. موكيت درجة تالتة

مضخة الباور جابت زيت بعد 3 اشهر وغيرتها في التوكيل على حسابهم

2 ماكنة سنتر خربوا وغيرتهم

كنترول الزجاج خرب وكان تمنه 1100 ج جديد ومش موجود اضطريت اصلحه عند كهربائي محترف عشان الزجاج يقفل

السنتر بيقفل بعد سرعة 20 وما بيفتحش الا لما اطفي السيارة او ادوس رز السنتر اللي في المفتاح

زجاج الفانوس الامامي كان بيشبر بدون سبب

التوكيل القديم الله يسامحه سايمكس انترناشونال انسحب في هدوء وترك السيارة للعراء بدون قطع غيار وكانت الكارثة

قررت البيع فورا

اعلان في الاهرام عدد الجمعة والمعروف انه بيخلص الموضوع على قبل العصر

لامتصلين طوال اسبوع كامل

اتصل زبون واحد فقط ومسكت فيه اراضيه

اشتراها ب 41 الف وخسرت 23 الف في 14 شهر

تلك معلوماتي وربنا يوفقك

الآن لها توكيل جديد وانتشرت كتاكسي وممكن كلامي يكون اتغير للأفضل وربنا يوفقك