الموضوع: بقالى يومين بعانى مع الحرارة فى عربيتى ( 93 Civic El)

صباح الفل عليكم جميعا..
بقالى يومين بعانى مع الحرارة فى عربيتى ( 93 Civic El)
مؤشر الحرارة بيعلى اوى, الكهربائى قال انه المروحة مش بتشتغل علشان الترموستات بايظ, وخليته يشغلها دايركت لحد ماجيب ترموستات, ظبطت معايا شوية بتاع ساعة كده وانا ماشى الحرارة عليت تانى نزلت بصيت لاقيت الماية ناقصة زودتها ظبطت لحد ماروحت,, امبارح بئة رحت لبتاع ردياتير عملى فحص على دورة التبريد وكده وقالى الترموستات سليم وشغال وشغلى المروحة عادى, طلعت جربت الحرارة عليت تانى, رجعتله قالى العيب فى غطا الردياتير, لحمه كده ب أمير وقالى امشى ياباشا ولا يهمك, مشيت شوية لاقتها سخنت تانى, رحت لسمسم فى وسط البلد واشترينا غطا جديد وركبناه ولا فرق حاجة, برضه بتسخن, الغريب بئة انه مؤشر الحرارة بيعلى ويوطى بمزاجه , انا وسمسم شكينا انه ممكن يكون بايظ, رحنا لكهربائى قال ممكن يكون صباع الحرارة عايز يتغير علشان لقاه بيجيب زيت, رحنا التوفيقية لاقينا كل المحلات قفلت, اخدت بعضى وروحت بيها ومؤشر الحرارة بيطلع وينزل مع نفسه, النهاردة الصبح بئة جيت بيها الشغل من فيصل للمعادى والحرارة مظبوطة ومعليتش... لو حد فاهم حاجة يقولى بئة علشان انا مش فاهم...طبعا سمسم كان معايا فى كل ده ربنا يكرمه

المشاركة الأصلية كتبت بواسطة khaleddapino

انا كان عندى نفس مشكله الحراره بس الموشر كان يبقى عالى و مينزلش
الى قال المروحه و الى قال خزان المياه و ناس قالت حاجات كتير والى قال العربيه ديه معمولها راديتير اه و الله واحد قالى كدا و العربيه الحمد لله فبريكه

لحد الحمد لله ما رحت لميكانيكى فى بورسعيد بس عندو ما شاء الله هوندا si و دواخل sir كامله و هو مغمض قالى الطرومبه باظت
اشتريت واحده يابانى و الحمد للله كله تمام و الحراره تحت النص

مهو خلاص كده انا بقيت زيك بالظبط, مؤشر الحرارة عالى وثابت على كده, بس انا عايز اعرف انت مشيت بيها وحرارتها عالية ولا لأ ولوكنت مشيت بيها هل حصلها حاجة ولا لأ..