شكلها مش مميز و تشبه الكوري
عرض للطباعة
شكلها مش مميز و تشبه الكوري
شكلها غريب اوى منفخه من كل حته
معلش يا استاذ egypt0777 انا بصراحة معنديش اي اخبار عن نيسان 2012 بس انا شايف الردود ان في اخبار عن العربية و انا متابع معاكم باهتمام
العربية شبه التويوتا ياريس شوية ؟؟ ولا انا بيتهيالي .. بس العربية لما هتبقي صيني هتبقي صعبة اوي كده
انا مش شايف ان فى ميزه فى تغير للشكل الجديد..بالعكس الشكل الاقديم كويس ورغم ان كل الناس بتعيب على العربيه الشكل الكلاسيكى الا ان انا شايف ان ده ميزه وهى ان سعر العربيه بمميزتها الكلاسيكيه وثباتها على الارض ينافس اى عربيه حتى لو فى اليابان لان ماتنسوش انها معفيه من الجمارك وده فى مصلحتنا.
شكلها صينى فعلا
طب ايه رايكم
استناها لما تنزل ولا اجيب التيدا ( مع العلم ان الصنى الجديده او نزلت مش حتقل عن 120الف جنيه)
السلام عليكم
و الله لكم وحشة يا منتدى نيسان
بالنسبة للشكل الجديد انا شايفه جميل جدا
بالرغم من اني بحب شكل الصني القديم جدا جدا
و لكن الشكل الجديد له ملامح اوروبية كده زي الاوكتافيا
و انا شوية مستغرب من التعليقات السلبية على الشكل و لو ان دي مسألة اذواق و كل واحد حر
بس عموما احيانا الشركات تنزل شكل جديد و مايلاقيش نفس النجاح بتاع الشكل القديم
و خير دليل الكورولا الملكة موديل اخر التسعينات و بعدها العيون الغبية
و ايضا الكورولا بتاعة بداية الالفينات و الشكل الجديد الجنوب افريقي
يبقى معلومة
بخصوص التصنيع الصيني
انت عارفين ان انا راكب بلوبيرد
و بسم الله ما شاء الله زي الفل
كمان اللي راكبين الليفينا يقولوا لكم....... مفيش كده
و الاتنين من انتاج مصنع دونج فونج الصيني اللي نيسان شريكة فيه
و لسه قارئ عالنت ان نيسان زودت استثماراتها في المصنع ده بصورة كبيرة
و يبدو ان هيكون له دور كبير في انتاج نيسان في الفترة القادمة
فبالتالي مش هي المشكلة مكان المصنع
قد ماهي في العلامة التجارية محل الثقة اللي هي علامة نيسان
و اللي راكبين النيسان المصري -و انا منهم- يشهدوا بكده
شكلها مش حلو خالص ....انا هقولكم على تجربتى الخاصه فى الموضوع ده...انا اشتربت عربيه فيات سينا موديل 2009 جديده زيرو والعربيه مكملتش معايا اربع شهور وبعتها وماندمتش عليها لان العربيه اللى انا اشترتها كانت تجميع صينى فى مصانع فيات فى اصين لكن بصراحه لا تقارن بالعربيه القديمه منها اللى كانت متجمعه فى ايطاليا وعلى فكره نفس الكلام حصل يعنى السينا الايطالى كانت 1400 و1600 والصينى اللى نزل كان 1500 يعنى تقريبا نفس الحوار ورغم كده كان فيها عيب فى صندوق التروس وصوته عالى اوى والتوكيل قال انه كده ومش عيب "كلام غريب" المهم...لما جيت ابيعها كان كل اللى يشوفها عاوز ينزل من تمنها لمجرد انها متجمعه فى الصين ويقولو صينى واحنا كمصريين عندنا بعبع من الحاجات الصينى وبعتها بصعوبه...علشان كده انا ضد ان العربيه اللى تتجمع فى الصين وكمان الشكل الجديد لانى حاسس ان القديم حلو وممتاز وكمان محلى يعنى مافيش ضرايب وربنا يجعل كلامنا خفيف عليهم ياللى فى بالى.
طيب شوفو الصور دي كده يمكن حد يغير رأيه